ព័ត៌មានអន្ដរជាតិ
មន្ត្រីពុករលួយ អ៊ុយក្រែន លួចលុយរដ្ឋ ៤០ លានដុល្លារទិញគ្រាប់កាំភ្លើងត្បាល់ទុកធ្វើសឹកសង្គ្រាមជាមួយ រុស្ស៊ី
ទីភ្នាក់ងារសន្តិសុខអ៊ុយក្រែន (SBU) បានរាយការណ៍ថា បុគ្គលិកមកពីក្រុមហ៊ុនអាវុធអ៊ុយក្រែនបានឃុបឃិតជាមួយមន្ត្រីក្រសួងការពារជាតិលួចលុយរដ្ឋជិត ៤០ លានដុល្លារអាមេរិកដើម្បីទិញគ្រាប់កាំភ្លើងត្បាល់ចំនួន ១០ ម៉ឺនគ្រាប់ទុកដើម្បីធ្វើសឹកសង្គ្រាមជាមួយរុស្ស៊ី ។ នេះបើយោងតាមការចុះផ្សាយដោយសារព័ត៌មាន AP នៅថ្ងៃទី២៩ ខែមករានេះ ។
![](https://www.kampucheathmey.com/wp-content/uploads/2024/01/Ukraine-29.jpg)
SBU បាននិយាយកាលពីពេលថ្មីៗនេះថា មនុស្ស ៥ នាក់កំពុងរងការចោទប្រកាន់ ខណៈមានម្នាក់ត្រូវបានចាប់ឃុំខ្លួនរួចទៅហើយផងដែរ នៅពេលដែលព្យាយាមរត់ឆ្លងដែនចេញពីអ៊ុយក្រែន ហើយប្រសិនបើរកឃើញថាមានទោសទណ្ឌមែន ពួកគេប្រឈមនឹងការជាប់ពន្ធានាគាររហូតដល់ ១២ ឆ្នាំ ។
ពាក់ព័ន្ធនឹងបញ្ហានេះដែរ ក្រុមអ្នកស៊ើបអង្កេតបាននិយាយថា បន្ទាប់ពីទទួលបានការទូទាត់ហើយ បុគ្គលិកក្រុមហ៊ុនបានផ្ទេរសាច់ប្រាក់តាមរយៈអាជីវកម្មបញ្ជូនគ្រាប់ទៅឲ្យអ៊ុយក្រែននៅបរទេស ។ ទោះជាយ៉ាងណាក៏ដោយ ទំនិញមិនបានធ្លាក់ទៅដល់ដៃរដ្ឋាភិបាលទីក្រុងកៀវនោះទេ ខណៈប្រាក់ក៏ត្រូវបានវេរទៅគណនីផ្សេងៗក្នុងប្រទេសអ៊ុយក្រែន និងតំបន់បាល់កង់ ហើយមូលនិធិត្រូវបានរឹបអូសតាំងពីពេលនោះមក និងត្រូវប្រគល់ជូនក្រសួងការពារជាតិវិញផងដែរ ។
ទន្ទឹមនោះ ការស៊ើបអង្កេតនេះកើតមានឡើង នៅពេលដែលរដ្ឋាភិបាលទីក្រុងកៀវព្យាយាមប្រើកណ្ដាប់ដៃដែកទប់ស្កាត់អំពើពុករលួយ ក្នុងគោលដៅបង្កើនល្បឿនការចូលជាសមាជិកសហភាពអឺរ៉ុប និងអង្គការណាតូ ដោយសារតែគោលការណ៍របស់ប្លុកទាំងពីរនេះ គឺទាមទារឲ្យមានការបោសសម្អាត ក៏ដូចជាធ្វើកំណែទម្រង់ប្រឆាំងអំពើពុករលួយខ្នាតធំជាមុនសិន ។
![](https://www.kampucheathmey.com/wp-content/uploads/2024/01/artillery-28-1.jpg)
ចំណែកមន្ត្រីសន្តិសុខជាតិអ៊ុយក្រែនក៏បានលើកឡើងដែរថា ការស៊ើបអង្កេតលើករណីពុករលួយនេះមានតាំងតែពីខែសីហា ឆ្នាំ២០២២ មកម្ល៉េះ នៅពេលដែលមន្ត្រីបានកាន់ប៊ិចចុះហត្ថលេខាលើកិច្ចសន្យាទិញគ្រាប់កាំភ្លើងធំក្នុងទំហំទឹកប្រាក់ ៣៩.៦ លានដុល្លារជាមួយក្រុមហ៊ុនឃ្លាំងអាវុធ Lviv ។
គួរបញ្ជាក់ថា ប្រធានាធិបតីអ៊ុយក្រែនលោក Volodymyr Zelensky ដែលជាប់ឆ្នោតដោយសារតែគោលនយោបាយប្រឆាំងអំពើពុករលួយក្នុងឆ្នាំ ២០១៩ ពោលនៅមុនពេលរុស្ស៊ីលើកទ័ពចូលវាយលុកអ៊ុយក្រែនកាលពីខែកុម្ភៈ ឆ្នាំ២០២២ បានបញ្ចេញដាវអាជ្ញាសឹកបណ្ដេញមន្ត្រីកំពូលៗជាច្រើន ហើយសកម្មភាពជាក់ស្ដែងនោះ គឺការដកតំណែងលោក Ivan Bakanov អតីតប្រធានទីភ្នាក់ងារសន្តិសុខរដ្ឋក្នុងខែកក្កដា ឆ្នាំ២០២២ កន្លងទៅ ៕
![](https://www.kampucheathmey.com/wp-content/uploads/2024/01/Zelensky-58.jpg)
ដោយ ៖ សុខ ជីវ័ន្ត
ចុចអាន ៖ លោក ពូទីន សួរ អ៊ុយក្រែន ថា បាញ់ទម្លាក់យន្តហោះឈ្លើយសឹកថ្ងៃមុនជា ចេតនា ឬច្រឡំដៃ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៤ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៤ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៧ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ជីវិតកម្សាន្ដ១ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍២ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ជីវិតកម្សាន្ដ៥ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ព័ត៌មានជាតិ២ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង