ព័ត៌មានអន្ដរជាតិ
បើអនាគតអស់ប្រេងនាំចេញ តើសេដ្ឋកិច្ចអារ៉ាប៊ីសាអូឌីត ពឹងលើអ្វី?
ប្រិយមិត្តប្រាកដជាស្គាល់ខ្លះរួចមកហើយថា អារ៉ាប៊ីសាអូឌីត ជាប្រទេសនាំប្រេងចេញច្រើនជាងគេលើពិភពលោក ខណៈទឹកដីវាលខ្សាច់មួយនេះបានធ្វើឲ្យអារ៉ាប៊ីសាអូឌីតក្លាយជាប្រទេសមហាសេដ្ឋីដោយសារតែប្រេងនេះឯង ។ ទិន្នន័យពីសារព័ត៌មានស្រាវជ្រាវសេដ្ឋកិច្ចហិរញ្ញវត្ថុអារ៉ាប់ Insight បានបង្ហាញថា មួយផ្នែកនៃផលិតកម្មប្រេង គឺរាប់ជាចំណូលប្រទេសអារ៉ាប៊ីសាអូឌីតប្រមាណ ៨៧ ភាគរយ និង ៩០ ភាគរយជាលុយចំណេញពីការនាំចេញ សរុបស្មើនឹង ៤២ ភាគរយនៃផលិតផលក្នុងស្រុកសរុប (GDP) ។
យ៉ាងណាមិញ ធនធានធម្មជាតិប្រេងហ្វ៊ូស៊ីលឥន្ធនៈជាធនធានមិនកើតឡើងវិញឡើយ ហើយប្រាកដណាស់ថា ទៅថ្ងៃខាងមុខនឹងបាត់បង់ទៅ ដូច្នេះគេច្រើនចោទសំណួរទៅកាន់ អារ៉ាប៊ីសាអូឌីតថា តើប្រទេសនេះនឹងពឹងផ្អែកលើអ្វី ប្រសិនបើអនាគតគ្មានប្រេងនាំចេញនោះ?
តាមរយៈសារព័ត៌មាន Insight បានបង្ហាញថា ទស្សនៈឆ្នាំ ២០៣០ របស់ព្រះរាជាណាចក្រអារ៉ាប៊ីសាអូឌីត បានប្រុងជើងការតាំងតែពីឆ្នាំ ២០១៦ មកម្ល៉េះ ពោលគឺអារ៉ាប៊ីសាអូឌីត បានត្រៀមខ្លួនប្រុងប្រៀបរួចជាស្រេចដើម្បីឆ្លើយតបទៅនឹងបញ្ហាអនាគត ។ ទស្សនៈ ២០៣០ នេះ គឺពង្រីកសេដ្ឋកិច្ចរបស់ខ្លួនចេញឲ្យឆ្ងាយពីការរំពឹងតែទៅលើប្រេងសម្រាប់នាំចេញ ក្នុងនោះព្រះរាជាណាចក្រអារ៉ាប៊ីសាអូឌីត បានអនុវត្តកំណែទម្រង់ច្រើនទៅលើសេដ្ឋកិច្ច និងសង្គមដោយវិនិយោគលើថាមពលស្អាតពន្លឺព្រះអាទិត្យ ។
រាជរដ្ឋាភិបាលអារ៉ាប៊ីសាអូឌីត បានវិនិយោគខ្លាំងទៅលើថាមពលកកើតឡើងវិញ ជាពិសេសគឺថាមពលពន្លឺព្រះអាទិត្យ ដោយសារទឹកដីអារ៉ាប់នៃតំបន់មជ្ឈឹមបូព៌ាមួយនេះ ទទួលបានពន្លឺព្រះអាទិត្យក្តៅស្ទើររាល់ថ្ងៃ ខែ ឆ្នាំ ដែលនេះធ្វើឲ្យអារ៉ាប៊ីសាអូឌីត មិនត្រឹមតែអាចផ្គត់ផ្គង់ថាមពលក្នុងប្រទេសបានគ្រប់គ្រាន់ប៉ុណ្ណោះទេ ថែមទាំងមានសមត្ថភាពចែកចាយចំណែកសល់លក់ទៅកាន់ប្រទេសនានាជុំវិញពិភពលោក ហើយអាចនឹងជាប់ឈ្មោះជាអ្នកផ្គត់ផ្គង់ថាមពលលើពិភពលោកម្តងទៀតក៏ថាបាន ។
ក្រៅពីការវិនិយោគថាមពលស្អាត អារ៉ាប៊ីសាអូឌីតក៏ផ្តោតលើសេដ្ឋកិច្ចចម្រុះជាច្រើនទៀតផងដែរតាមរយៈទេសចរណ៍ ការប្រើទុនថវិការដ្ឋ (PIF), វិនិយោគលើវិស័យច្រើនមុខទៀតដែលអាចទាញចំណូលចូលបាន ព្រមទាំងគម្រោងធំៗដូចជា នៅលើកោះក្នុងសមុទ្រក្រហម គម្រោងទីក្រុង NEOM ដែលជាទីក្រុងចម្រុះចីរភាព បច្ចេកវិទ្យា និងការបង្កើតថ្មីៗ ៕
ដោយ៖ មាន រតនា
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៩ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ