ព័ត៌មានអន្ដរជាតិ
មេដឹកនាំ ចិន ចុះសួរសុខទុក្ខប្រជាជនត្រៀមអបអរ និងជូនពរជោគជ័យចូលឆ្នាំថ្មី
ប្រធានាធិបតីចិន លោក Xi Jinping ក្នុងឱកាសពិធីបុណ្យចូលឆ្នាំចិនកៀកជិតមកដល់ខាងមុខនេះ បានឆ្លៀតចុះសួរសុខទុក្ខ និងថ្លែងជូនពរប្រជាពលរដ្ឋមូលដ្ឋាននៅទីក្រុងធានជីង ភាគខាងជើងប្រទេស កាលពីថ្ងៃទី១ និងទី២ ខែកុម្ភៈ ២០២៤កន្លងទៅនេះ។

ទីភ្នាក់ងារសារព័ត៌មានចិនស៊ីនហួរ បានឲ្យដឹងថា លោកប្រធានាធិបតី Xi និងជាអគ្គលេខាធិការបក្សកុម្មុយនីស្តចិនបានជូនពរដល់ប្រជាពលរដ្ឋចិនទាំងអស់ ទាំងជនរួមជាតិចិននៅហុងកុង ម៉ាកាវ កោះតៃវ៉ាន់ និងអ្នកនៅក្រៅប្រទេសទាំងអស់ឲ្យទទួលបានសុខភាពល្អ និងសុភមង្គលពេញមួយឆ្នាំថ្មី ឆ្នាំរោងខាងមុខ ពិសេសទឹកដីមាតុភូមិចិនឲ្យទទួលបានភាពរីកចម្រើន និងវិបុលភាព។
កាលពីថ្ងៃទី១ លោក Xi បានចូលជួបប្រជាជននៅភូមិក្នុងទីក្រុង Xinhou ជាកន្លែងដែលធ្លាប់រងគ្រោះដោយគ្រោះធម្មជាតិកាលពីខែសីហានាឆ្នាំ២០២៣កន្លងទៅ។ បន្ថែមពីនោះ មេដឹកនាំចិនរូបនេះក៏ចូលសួរសុខទុក្ខក្នុងគ្រួសារដែលរងគ្រោះដោយទឹកជំនន់ខាងលើ និងកត់ត្រាលម្អិតទិន្នន័យពីការរងគ្រោះ និងការស្តារចំណូលគ្រួសារឡើងវិញ។ ឆ្នាំមុននៅទីនោះមានព្យុះភ្លៀង បង្កជាទឹកជំនន់ពីទន្លេ Haihe ជាពិសេសបង្កឲ្យលិចមួយផ្នែកធំនៃតំបន់ ក៏ដូចជាអាងស្តុកទប់ទឹកនៅក្រុងធានជីងក៏ជន់លិច។

ក្រៅពីការសួរសុខទុក្ខក្តាប់ព័ត៌មានពីការរងគ្រោះទឹកជំនន់ លោក Xi ក៏បានដើរទស្សនកិច្ចទៅពិនិត្យមើលការដាំដុះបន្លែបង្ការ និងសួរលម្អិតពីការបង្កបង្កើនផលកសិកម្ម ក៏ដូចជាទៅទស្សនាផ្សារលក់ផលិតផលក្នុងសហគមន៍នៃទីក្រុងខាងលើ។
ក្នុងដំណើរទស្សនកិច្ច លោក Xi បាននិយាយសង្កត់ធ្ងន់ពីសារសំខាន់នៃការធានាជីវភាពប្រជាជន លោកថា បញ្ហាប្រជាពលរដ្ឋដែលកើតមាន ក៏ជាបញ្ហារបស់បក្សកុម្មុយនីស្តចិន ព្រមទាំងរដ្ឋាភិបាល។ ហើយលោកបង្ហាញពីភាពរីករាយ ដែលឃើញប្រជាជនរបស់លោកស្តារនូវជីវភាព ផលិតភាពថ្មីបានដោយជោគជ័យ ក្រោយពីគ្រោះធម្មជាតិនេះ។
នៅមុនពេលលោក Xi បញ្ចប់ទស្សនកិច្ចចាកចេញពីភូមិ ប្រជាពលរដ្ឋចិនបានប្រមូលផ្តុំគ្នា និងអបអរសាទរជូនពរថ្នាក់ដឹកនាំរបស់ខ្លួនវិញផងដែរ។

គួររំឭកថា ប្រទេសចិនកាលពីឆ្នាំ២០២៣កន្លងទៅ បានជួបនូវគ្រោះធម្មជាតិច្រើន រួមមានទឹកជំនន់ ព្យុះទីហ្វុង រញ្ជួយដី បាក់ដី និងព្យុះព្រិល ដែលបង្កឲ្យតំបន់ជាច្រើនទទួលរងគ្រោះ។ សម្រាប់ឆ្នាំថ្មីប្រពៃណីចិនខាងមុខនេះ នឹងឆ្លងចូលឆ្នាំរោង ដែលតាមជំនឿជនជាតិចិនជឿថា ជាសត្វនាគសម្រាប់ឆ្នាំថ្មីគឺតំណាងភាពក្លាហាន ដំណើរឆ្ពោះទៅមុខ និងភាពជោគជ័យ ហើយស្របទៅនឹងការជូនពរជ័យពីលោកប្រធានាធិបតីចិន ទៅដល់ប្រជាពលរដ្ឋខ្លួនឲ្យព្យាយាមក្នុងឆ្នាំថ្មី ទទួលបានជោគជ័យទាំងអស់គ្នា៕






ដោយ៖ មាន រតនា

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៩ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ