ចំនួនអ្នកស្លាប់នៅភាគខាងត្បូងប្រទេសហ្វីលីពីនកើនឡើង ដោសារគ្រោះទឹកជំនន់ និងបាក់ដី

ចំនួនអ្នកស្លាប់ដោយសារការបាក់ដី និងទឹកជំនន់ដែលបង្កឡើងដោយភ្លៀងធ្លាក់ខ្លាំងនៅភាគខាងត្បូងប្រទេសហ្វីលីពីនក្នុងសប្តាហ៍កន្លងទៅនេះ បានកើនឡើងដល់ ១៤ នាក់ហើយ នេះបើយោងតាមទិន្នន័យផ្លូវការបានបង្ហាញនៅថ្ងៃសៅរ៍ ទី
៣ ខែកុម្ភៈ ឆ្នាំ ២០២៤ ។

យោងតាមទីភ្នាក់ងារសារព័ត៌មាន AFP បានឱ្យដឹងថា ទឹកភ្លៀងបានវាយលុកខ្លាំងទៅលើផ្នែកខ្លះនៃកោះ Mindanao ដែលជាកោះធំទី២របស់ប្រទេសហ្វីលីពីន អស់រយៈពេលជាច្រើនសប្តាហ៍មកហើយ ហើយកត្តានេះបានបង្ខំមឱ្យនុស្សរាប់ម៉ឺននាក់ ភៀសខ្លួនទៅរកទីទួលសុវត្ថិភាព និងជម្រកសង្គ្រោះបន្ទាន់។

យ៉ាងណាមិញ មានមនុស្សចំនួន ១០នាក់បានស្លាប់ កាលពីប៉ុន្មានថ្ងៃកន្លងទៅថ្មីៗនេះ នៅក្នុងខេត្ត Davao de Oro ដោយសារគ្រោះថ្នាក់អំឡុងភ្លៀងធ្លាក់ខ្លាំង និងជាច្រើនថ្ងៃជាប់គ្នា។ ហើយទន្ទឹមគ្នានេះ មន្ត្រីព័ត៌មានខេត្តម្នាក់ឈ្មោះលោក Fe Maestre បានប្រាប់ AFP ថា ពីមុនមក លោកមិនដែលបានជួបគ្រោះធម្មជាតិភ្លៀងធ្លាក់ខ្លាំងបែបនេះឡើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីជួយសង្គ្រោះម្នាក់ឈ្មោះ Jaiasent Cabactulan បានប្រាប់ AFP ថា នៅក្នុងខេត្ត Davao del Norte ដែលជាខេត្តព្រំប្រទល់ជាមួយខេត្ត Davao de Oro បានកើតឡើងនៃគ្រោះធម្មជាតិរអិលបាក់ដី ដោយសារកត្តាទឹកភ្លៀង ដោយបានកប់មនុស្ស ៤ នាក់នៅក្នុងផ្ទះមួយកន្លែង ក្នុងក្រុង Kapalong ។

ទឹកជំនន់បានរីករាលដាលនៅក្នុងខេត្តមួយចំនួន ដែលនៅជាប់នឹងខេត្ត Agusan del Sur បណ្ដាលឱ្យលិចភូមិ និងដំណាំអ្នកស្រុក។

អ្នកនាំពាក្យទីភ្នាក់ងារគ្រោះមហន្តរាយខេត្ត លោក Alexis Cabardo បានប្រាប់វិទ្យុក្នុងស្រុកកាលពីថ្ងៃសៅរ៍ថា វាអាចចំណាយពេល៥ ឬប្៦ថ្ងៃ ដើម្បីឱ្យទឹកជំនន់ស្រកវិញ ប៉ុន្តែទឹកនៅហូរកាន់តែច្រើនចុះពីទីខេត្ត Davao de Oro ។

សូមបញ្ជាក់ថា ហ្វីលីពីន​ ជាប្រទេសមួយ បានជាប់​ឈ្មោះលើតារាង​ក្នុង​ចំណោម​ប្រទេស​ដែល​ងាយ​រងគ្រោះ​បំផុត​ចំពោះ​ផល​ប៉ះពាល់​នៃ​ការ​ប្រែប្រួល​អាកាសធាតុ ៕

ប្រែសម្រួលដោយ៖ ប៉ោ កុសល
ប្រភព៖ CNA