ព័ត៌មានអន្ដរជាតិ
គ្រុនឈាម កំពុងវាយលុកខ្លាំងនៅថៃ មួយខែ មានការឆ្លងជាង ៨០០០ករណី
នាយកដ្ឋានគ្រប់គ្រងជំងឺថៃ (DCD) បានព្រមានប្រជាជនឲ្យការពារខ្លួនពីមូសខាំ ព្រោះថា ជំងឺគ្រុនឈាម កំពុងក្លាយជាបញ្ហាធ្ងន់ធ្ងរហើយវាយលុកខ្លាំងណាស់ ដោយមានអ្នកឆ្លងជាង៨០០០នាក់ ខណៈក្នុងនោះមានអ្នកជំងឺ១៣នាក់បាត់បង់ជីវិត គិតត្រឹមមួយខែដើមឆ្នាំ២០២៤។ នេះបើតាមការចុះផ្សាយរបស់ The Nation កាលពីថ្ងៃអង្គារទី៦ខែកុម្ភៈ។
លោក Thongchai Keeratihuttayakorn អគ្គនាយក DCD និយាយថា មនុស្សចំនួន៨១៩៧នាក់ ត្រូវបានពិនិត្យឃើញ មានជំងឺគ្រុនឈាម ក្នុងខែមករា ពោលគឺកើនឡើង ៩១,២៥% បើធៀបនឹងខែមករាឆ្នាំមុន ដែលកាលនោះមានមនុស្សចំនួន៤២៨៦នាក់បានឆ្លង។
លោក Thongchai បន្តថា ភាគច្រើននៃអ្នកជំងឺនៅឆ្នាំនេះ គឺជាកុមារអាយុពី៥ទៅ១៤ឆ្នាំ ហើយអ្នកឈឺភាគច្រើន គឺស្ថិតនៅខេត្តភាគខាងត្បូង និងកណ្តាល។ ដោយឡែក អ្នកជំងឺដែលស្លាប់ដោយសារគ្រុនឈាម គឺជាអ្នករស់នៅខេត្តចំនួន១១ ខណៈមនុស្សចាស់ជាងគេដែលស្លាប់គឺមានអាយុ៦៥ឆ្នាំ។
លោកបន្ថែមថា ប្រជាពលរដ្ឋនៅជិតអ្នកជំងឺគ្រុនឈាម ក៏គួរតែត្រៀមលក្ខណៈការពារខ្លួន និងទៅជួបគ្រូពេទ្យជាបន្ទាន់ផងដែរ ប្រសិនបើពួកគេក្តៅខ្លួន។
សូមបញ្ជាក់ ជំងឺគ្រុនឈាម គឺជាមេរោគឆ្លងពីមូសខ្លា ហើយរោគសញ្ញាទូទៅមានដូចជាគ្រុនក្តៅខ្លាំង ឈឺក្បាលខ្លាំង ឈឺសាច់ដុំនិងសន្លាក់ ចង្អោរ ក្អួត កន្ទួលលើស្បែក និងហើមកូនកណ្តុរ។
តាមទិន្នន័យសរុប ថៃ មានអ្នកឆ្លងជំងឺគ្រុនឈាមទូទាំងប្រទេស ៤៦៧៥៥ករណីក្នុងឆ្នាំ២០២២, ១០៦១៧ករណីក្នុងឆ្នាំ២០២១ និង៧២៥៧៨ករណីក្នុងឆ្នាំ២០២០។
ដោយឡែក បើគិតជាសកលវិញ, អ្នកឆ្លងគ្រុនឈាមទូទាំងពិភពលោកក្នុងឆ្នាំ២០២៣ មានជាង៥លានករណី ជាមួយអ្នកស្លាប់៥៥០០នាក់៕
អត្ថបទ៖ សុខ សុវណ្ណ
ចុចអាន៖ បង់ក្លាដែស ផ្ទុះជំងឺគ្រុនឈាមធ្ងន់ធ្ងរបំផុត ខណៈមនុស្សស្លាប់ បន្តកើនឡើង លើស ១០០០នាក់ហើយ
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា