ព័ត៌មានអន្ដរជាតិ

ត្រីបាឡែនពិឃាដប្រមាណ១០ក្បាល ជាប់ក្នុងផ្ទាំងទឹកកកនៅសមុទ្រជប៉ុន

បានផុស

១ year មុន

នៅ

ថ្ងៃពុធ ៧ កុម្ភៈ ២០២៤

ដោយ

កាលពីថ្ងៃទី០៦ ខែកុម្ភៈ ឆ្នាំ២០២៤ សារព័ត៌មាន NHK បានរាយការណ៍អំពីរឿងដ៏គួរឲ្យសោកស្តាយក្នុងប្រទេសជប៉ុនបន្ទាប់ពីត្រីបាឡែនពីឃាដប្រមាណ១០ក្បាល ត្រូវបានក្រុមអ្នកនេសាទប្រទះឃើញជាប់គាំងក្នុងទឹកសមុទ្រទឹកកក ភាគខាងកើតកោះហុកកៃដូ។

ក្រោយមក អ្នកនេសាទក្នុងតំបន់បានជូនដំណឹងដល់អាជ្ញាធរឆ្នេរសមុទ្រនៅក្រុង Rausu នៅព្រឹកថ្ងៃអង្គារកន្លងទៅនេះ។ ប៉ុន្តែមន្ត្រីឆ្នេរនិយាយថា ពួកគេមិនអាចជួយត្រីបាឡែនទាំងនោះបានទេ ដោយសារតែទឹកកកក្រាស់ពេក ហើយពួកគេគ្មានជម្រើសអ្វីក្រៅពីរង់ចាំឲ្យទឹកកករលាយ និងទុកឲ្យក្រុមត្រីបាឡែនហែលទៅឆ្ងាយប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូដែលថតបានដោយក្រុមការពារសត្វក្នុងស្រុកក្នុងតំបន់នោះ បានបង្ហាញពីក្រុមត្រីបាឡែនពិឃាដកំពុងជាប់គាំងក្នុងផ្ទាំងទឹកកកក្នុងសមុទ្រ ខណៈដែលពួកវាតស៊ូដកដង្ហើមដើម្បីប្រឹងរស់។ ក្នុងនោះផងដែរ ក្រុមមន្ត្រីឧតុនិយមក្នុងតំបន់ដែលបានថតរូបបញ្ចាក់ថា ពួគគេឃើញក្រុមត្រីបាឡែនប្រហែល១៣ក្បាល ជាប់ក្នុងរន្ធតូចៗនៅក្នុងផ្ទាំងទឹកកកហើយថែមទាំងកូនត្រីបាឡែន៣ទៅ៤ក្បាលកំពុងប្រឹងដកដង្ហើម។

ទោះជាយ៉ាងណាក៏ដោយ នេះមិនមែនជាលើកទីមួយទេ ដែលត្រីបាឡែនពិឃាដបានជាប់គាំងក្នុងសមុទ្រទឹកកកក្នុងប្រទេសជប៉ុន។ ត្រលប់ទៅឆ្នាំ ២០០៥ មានត្រីបាឡែនមួយក្រុមបានជាប់គាំងនៅជិតទីក្រុង Rausu មុនពេលត្រីបាឡែននោះបានស្លាប់ភ្លាមៗក្នុងកន្លែងកើតហេតុ៕