ព័ត៌មានអន្ដរជាតិ
ឥណ្ឌា នឹងវិនិយោគ ៦៧ ពាន់លានដុល្លារ ប្រែប្រទេសជាទីផលិតថាមពលតាមតម្រូវការ
លោកនាយករដ្ឋមន្ត្រីឥណ្ឌា Narendra Modi បានបើកបង្ហាញពីចក្ខុវិស័យរបស់រដ្ឋាភិបាលខ្លួន ដោយនឹងប្រែក្លាយប្រទេសទៅជាទីបង្កបង្កើតថាមពល ។ នេះបើការប្រកាសរបស់លោកនៅក្នុងសន្និសីទថាមពលឥណ្ឌាកាលពីថ្ងៃទី០៦ ខែកុម្ភៈ ឆ្នាំ២០២៤ ។
យោងតាមប្រភពព័ត៌មានពី Times of India បានឲ្យដឹងថា ទីក្រុងញ៉ូវដេលី នឹងវិនិយោគជាទឹកប្រាក់ប្រមាណ ៦៧ ពាន់លានដុល្លារក្នុងវិស័យថាមពល ក្នុងរយៈពេលប្រមាណ ៥ ទៅ ៦ ឆ្នាំខាងមុខ ក្នុងទិសដៅបំពេញតម្រូវការថាមពលរបស់ប្រទេស ដែលរំពឹងថានឹងកើនឡើងទ្វេដងត្រឹមឆ្នាំ២០៤៥ ។
កាលពីដើមខែកុម្ភៈ រដ្ឋាភិបាលឥណ្ឌាបានប្រកាសពីការចំណាយទុនរបស់ខ្លួន ចាប់ពីខែមេសាខាងមុខ នឹងកើនឡើងទៅដល់ ១១.១ លានលានរូពី (ប្រហែល ១៣៤ ពាន់លានដុល្លារ) ដែលជាការចំណាយខ្ពស់ជាងគេក្នុងប្រវត្តិសាស្រ្តឥណ្ឌា ។ “មួយចំណែកធំនៃទឹកប្រាក់ នឹងចំណាយទៅលើវិ័ស័យថាមពល។ ការវិនិយោគទៅតាមផែនការ ដើម្បីឆ្លើយតបទៅនឹងតម្រូវការថាមពល ក៏ដូចជាអភិវឌ្ឍឲ្យប្រសើរឡើងនូវហេថារចនាសម្ព័ន្ធរបស់ប្រទេស មានដូចជាផ្លូវ ផ្លូវរថភ្លើង ព្រលានយន្តហោះ និងការប្រើប្រាស់ប្រជាពលរដ្ឋ”។ នេះបើតាម ការប្រកាសរបស់លោក នាយករដ្ឋមន្ត្រីឥណ្ឌា Modi។
លោក Modi ក៏បានបន្ថែមថា សេដ្ឋកិច្ចឥណ្ឌា កំពុងកើនឡើងប្រមាណជាង ៧.៥ % ដែលនឹងជំរុញឲ្យប្រទេសក្លាយជាប្រទេសសេដ្ឋកិច្ចធំជាងគេលំដាប់ទី៣ លើពិភពលោក ។ ជាមួយគ្នានេះ លោកក៏បានអញ្ជើញវិនិយោគិននានាជាច្រើនប្រទេសដើម្បីមកចូលរួមចំណែកក្នុងការរីកចម្រើនរបស់ប្រទេសឥណ្ឌាផងដែរ ។ លោកបានបន្ថែមថា “ថ្នាក់ដឹកនាំក្នុងវិស័យប្រេង ឧស្ម័ន និងថាមពលជុំវិញពិភពលោក កំពុងមានបំណងមកវិនិយោគច្រើននៅឥណ្ឌា”។
ជាចុងក្រោយលោកនាយករដ្ឋមន្ត្រីឥណ្ឌាក៏បានសង្កត់ធ្ងន់ថា ប្រទេសឥណ្ឌា នឹងផ្តោតទៅលើការអភិវឌ្ឍប្រភពថាមពលស្អាត បន្ថែមទៅលើវិស័យថាមពលសំខាន់របស់ខ្លួន ដែលកន្លងមកឥណ្ឌាពឹងផ្អែកខ្លាំងទៅលើថាមពលធ្យូងថ្ម។ ស្របជាមួយគ្នានេះ ជាការកត់សម្គាល់ពីស្ថាប័នថាមពលអន្តរជាតិ (IEA) ក៏ទទួលស្គាល់លើដំណើរការប្រឹងប្រែងរបស់ឥណ្ឌា ក្នុងការអនុវត្តនូវទីផ្សារថាមពលចម្រុះ ដោយរួមបញ្ចូលថាមពលកើតឡើងវិញច្រើន (ថាមពលស្អាត) ទៅក្នុងបម្រើបម្រាស់ថាមពលរបស់ប្រទេស៕
ដោយ៖ មាន រតនា
-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២៤ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?