ព័ត៌មានអន្ដរជាតិ
រកឃើញផូស៊ីលដាយណូស័រ អាយុកាល១១០លានឆ្នាំ នៅប្រទេសថៃ
ផូស៊ីលដាយណូស័រថ្មី ដែលគេសន្មត់ថា មានអាយុកាលដល់ទៅ១១០លានឆ្នាំ ត្រូវបានរកឃើញក្នុងស្រុក Nam Phong នៃខេត្ត ខនកេន ភាគឦសានប្រទេសថៃ។
![](https://www.kampucheathmey.com/wp-content/uploads/2024/02/image-506-1024x682.png)
តាមការផ្សាយរបស់ Bangkok Post កាលពីថ្ងៃពុធទី៧ខែកុម្ភៈ, គេជឿថា ផូស៊ីលទើបរកឃើញនេះ គឺជាកម្មសិទ្ធិរបស់ដាយណូស័រប្រភេទ Sauropod និង Spinosaurid។
ក្រុមការងារដែលដឹកនាំដោយលោកស្រី Sasa-On Khansubha ជាអ្នកជំនាញខាងបុរាណវិទ្យាមកពីសារមន្ទីរ Sirindhorn Dinosaur និងមន្រ្តីមកពីការិយាល័យធនធានរ៉ែតំបន់២ នៃខេត្ត ខនកេន បានចាប់ផ្តើមការស្រាវជ្រាវដំបូងនៅថ្ងៃទី៣១ខែមករា បន្ទាប់ពីពលរដ្ឋម្នាក់ឈ្មោះ Chaowalit Boonchai បង្ហោះរូបអំពីផូស៊ីលលើគណនីហ្វេសប៊ុករបស់គាត់ ហើយគាត់ក៏បានជូនដំណឹងដល់អាជ្ញាធរផងដែរ។
![](https://www.kampucheathmey.com/wp-content/uploads/2024/02/image-507-1024x576.png)
លោកស្រី Sasa-On និយាយថា ផូស៊ីលដែលមានអាយុកាលយ៉ាងហោច១០០លានទៅ១១០លានឆ្នាំមួយនេះ ត្រូវបានរកឃើញនៅលើថ្មភក់ Khok Kruat ដែលជាទម្រង់ថ្មមួយក្នុងចំណោមទម្រង់ថ្មដែលជាកម្មសិទ្ធិរបស់ក្រុមរចនាបថ Khorat។
តាមការរកឃើញ ផូស៊ីលនេះមានឆ្អឹងខ្នងរបស់ Sauropod ដែលជាសត្វកវែង រស់នៅកំឡុងចុងសម័យ Triassic ដល់ចុងសម័យ Cretaceous និងធ្មេញរបស់ Spinosaurid ដែលជាប្រភេទដាយណូស័រស៊ីត្រី រស់នៅកំឡុងសម័យ Cretaceous។
![](https://www.kampucheathmey.com/wp-content/uploads/2024/02/image-508-1024x598.png)
របកគំហើញនេះ ត្រូវបានចាត់ទុកថាជាកំណប់ទ្រព្យជាតិថៃ ព្រោះវាមិនត្រឹមតែបង្ហាញពីគំរូនៃការរស់នៅរបស់សត្វដាយណូស័រប៉ុណ្ណោះទេ ប៉ុន្តែវាក៏ផ្តល់ចំណេះដឹង អំពីការបង្កើតលំហូរទឹកទន្លេបុរាណផងដែរ៕
អត្ថបទ៖ សុខ សុវណ្ណ
ចុចអាន៖ ថៃ បញ្ជាក់ពីការរកឃើញហ្វូស៊ីលសត្វក្រពើតឿ អាយុកាល១៣០លានឆ្នាំ
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានអន្ដរជាតិ៥ ថ្ងៃ ago
១១ខែ វៀតណាម រញ្ជួយដី ៤៥៨លើក
-
ចរាចរណ៍៥ ថ្ងៃ ago
អ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
-
ព័ត៌មានជាតិ៥ ថ្ងៃ ago
សត្វព្រៃជិតផុតពូជបំផុតជាច្រើនប្រភេទ បង្ហាញវត្តមាននៅតំបន់ប្រើប្រាស់ច្រើនយ៉ាងសំឡូត
-
សុខភាព៣ ថ្ងៃ ago
ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានអន្ដរជាតិ៤ ថ្ងៃ ago
គ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
បច្ចេកវិទ្យា១ សប្តាហ៍ ago
ផ្ទុះការភ្ញាក់ផ្អើលខ្លាំងចំពោះវត្តមាន ហុងដា SCOOPY ស៊េរីថ្មី របស់ក្រុមហ៊ុនអិនស៊ីអិច ទើបតែចេញក្តៅៗ
-
ជីវិតកម្សាន្ដ៧ ថ្ងៃ ago
អ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
សន្តិសុខសង្គម១ សប្តាហ៍ ago
Update៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ