ព័ត៌មានអន្ដរជាតិ
EU ជំរុញសម្ព័ន្ធមិត្តអ៊ីស្រាអែល ឈប់បញ្ជូនអាវុធ យកទៅសម្លាប់មនុស្សនៅ ហ្គាហ្សា ទៀត
តាមការចុះផ្សាយរបស់ AFP កាលពីថ្ងៃចន្ទទី១២ខែកុម្ភៈ ប្រធានគោលនយោបាយការបរទេសសហភាពអឺរ៉ុប លោក Josep Borrell បានជំរុញដល់សម្ព័ន្ធមិត្តរបស់អ៊ីស្រាអែល ជាពិសេសសហរដ្ឋអាមេរិកតែម្តង ឲ្យបញ្ឈប់ការបញ្ជូនអាវុធទៅអ៊ីស្រាអែល ព្រោះថា មានមនុស្សស្លាប់ច្រើនពេកហើយ នៅតំបន់ហ្គាហ្សា។
ដោយចង្អុលចំៗទៅការអត្ថាធិប្បាយរបស់ប្រធានាធិបតីអាមេរិក ចូ បៃដិន កាលពីសប្តាហ៍មុនដែលថា សកម្មភាពយោធារបស់អ៊ីស្រាអែលគឺហួសហេតុ, លោក Borrell និយាយថា “មែនហើយ ប្រសិនបើអ្នកជឿថាមនុស្សច្រើនពេកកំពុងត្រូវបានសម្លាប់ ប្រហែលជាអ្នកគួរតែផ្តល់អាវុធតិចជាងនេះ ដើម្បីទប់ស្កាត់មនុស្សច្រើនទៀត មិនឲ្យស្លាប់”។
ក្នុងសន្និសីទសារព័ត៌មាននៅទីក្រុងព្រុចសែល ជាមួយលោក Philippe Lazzarini ប្រធានទីភ្នាក់ងាររបស់អង្គការសហប្រជាជាតិទទួលបន្ទុកជនភៀសខ្លួនប៉ាឡេស្ទីន UNRWA, លោក Borrell បានចោទជាសំណួរថា “តើវាមិនសមហេតុផលទេមែនទេ? តើប៉ុន្មានដងហើយដែលអ្នកបានលឺមេដឹកនាំ និងរដ្ឋមន្ត្រីការបរទេសដ៏លេចធ្លោបំផុតនៅជុំវិញពិភពលោកនិយាយថា មនុស្សច្រើនពេកកំពុងត្រូវបានសម្លាប់?”។
ប្រធានអ្នកការទូត EU រូបនេះ ក៏ថ្កោលទោសផងដែរ ចំពោះបញ្ជារបស់នាយករដ្ឋមន្ត្រីអ៊ីស្រាអែល Benjamin Netanyahu ដែលឲ្យជនជាតិប៉ាឡេស្ទីនជាងមួយលាននាក់ កំពុងស្នាក់នៅទីក្រុង Rafah ចាំបាច់ត្រូវជម្លៀសចេញ មុនប្រតិបត្តិការយោធាអ៊ីស្រាអែល នៅទីនោះចាប់ផ្តើម។ លោកចោទសួរទៀតថា “ពួកគេនឹងជម្លៀស ទៅកន្លែងណា? ទៅឋានព្រះច័ន្ទ? តើពួកគេនឹងជម្លៀសមនុស្សទាំងនេះទៅឯណា?”។
ការកត់សម្គាល់របស់លោក Borrell កើតឡើងស្របពេល តុលាការទីក្រុងឡាអេ ចេញសេចក្តីសម្រេច បញ្ឈប់ការនាំចេញគ្រឿងបន្លាស់យន្តហោះចម្បាំង F-35 ទៅកាន់ប្រទេសអ៊ីស្រាអែល ដោយសារក្តីបារម្ភថា គ្រឿងបន្លាស់ទាំងនោះអាចត្រូវបានគេប្រើប្រាស់ដើម្បីបំពានច្បាប់អន្តរជាតិនៃយុទ្ធនាការអ៊ីស្រាអែល នៅហ្គាហ្សា។
តុលាការប្រទេសហូឡង់ បាននិយាយក្នុងសេចក្តីថ្លែងការណ៍មួយថា “តុលាការបានរកឃើញថា មានហានិភ័យខ្លាំងណាស់ ដែលយន្តហោះចម្បាំង F-35 របស់អ៊ីស្រាអែល អាចនឹងត្រូវបានប្រើប្រាស់នៅក្នុងការប្រព្រឹត្តល្មើសធ្ងន់ធ្ងរនៃច្បាប់មនុស្សធម៌អន្តរជាតិ។ ការនាំចេញគ្រឿងបន្លាស់ F-35 ពីហូឡង់ទៅកាន់អ៊ីស្រាអែលត្រូវតែបញ្ឈប់”។
សូមរំឮកថា មានអង្គការមិនមែនរដ្ឋាភិបាលចំនួន៣ ដូចជា Oxfam Novib, Pax for Peace និង The Rights Forum បានប្តឹងឧទ្ធរណ៍ចំពោះសេចក្តីសម្រេចរបស់តុលាការហូឡង់ពីមុន ដែលអនុញ្ញាតឲ្យបន្តការនាំចេញគ្រឿងបន្លាស់ F-35 ទៅកាន់ប្រទេសអ៊ីស្រាអែល៕
អត្ថបទ៖ សុខ សុវណ្ណ
ចុចអាន៖ តុលាការក្រុងឡាអេ សម្រេចបញ្ឈប់បញ្ជូនគ្រឿងបន្លាស់យន្តហោះចម្បាំង F-35 ទៅកាន់ប្រទេសអ៊ីស្រាអែល
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ៨ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១៩ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?