ព័ត៌មានអន្ដរជាតិ
អាមេរិក ភ័យព្រួយពីទំនាក់ទំនងស្អិតរមួតរវាង រុស្ស៊ី និងកូរ៉េខាងជើង
មន្ត្រីស៊ើបការណ៍សម្ងាត់នៅទីក្រុងវ៉ាស៊ីនតោនមានការព្រួយបារម្ភកាន់តែខ្លាំងឡើងអំពីទំនាក់ទំនងដែលកំពុងរីកដូចផ្សិតរវាងកូរ៉េខាងជើង និងរុស្ស៊ី អាចនឹងមានផលប៉ះពាល់ពីភាពជាដៃគូយុទ្ធសាស្ត្ររវាងប្រទេសទាំងពីរនេះ ។ នេះបើយោងតាមការចេញផ្សាយរបស់សារព័ត៌មាន CNN នៅថ្ងៃទី១៣ ខែកុម្ភៈនេះ ។
ប្រភពខាងលើបានបញ្ជាក់ទៀតថា ក្នុងប៉ុន្មានសប្តាហ៍ថ្មីៗនេះរុស្ស៊ីបានបាញ់មីស៊ីលផ្លោងរយៈចម្ងាយខ្លីដែលផ្គត់ផ្គង់ដោយកូរ៉េខាងជើងជាច្រើនគ្រាប់ទៅកាន់គោលដៅរបស់អ៊ុយក្រែន ហើយកាលពីខែមករា មន្ត្រីការទូតជាន់ខ្ពស់កូរ៉េខាងជើង និងរុស្ស៊ីបានជួបប្រជុំគ្នានៅទីក្រុងមូស្គូទៀត មុនពេលប្រព័ន្ធផ្សព្វផ្សាយរដ្ឋកូរ៉េខាងជើងនិយាយថា ប្រធានាធិបតីរុស្ស៊ីលោក វ្ល៉ាឌីមៀរ ពូទីន នឹងធ្វើដំណើរទស្សនកិច្ចលើកទីមួយទៅកាន់ទីក្រុងព្យុងយ៉ាងក្នុងរយៈពេលជាង ២០ ឆ្នាំ ។
រដ្ឋបាលលោក Biden មានការព្រួយបារម្ភកាន់តែខ្លាំងឡើង ស្របពេលដែលទីប្រឹក្សាសន្តិសុខជាតិលោក Jake Sullivan បានលើកឡើងពីបញ្ហានេះជាមួយរដ្ឋមន្ត្រីការបរទេសចិន ក្នុងអំឡុងពេលកិច្ចប្រជុំមួយកាលពីខែមករាថា ប្រសិនបើកូរ៉េខាងជើងអាចប្រើប្រាស់ទំនាក់ទំនងកាន់តែតឹងរ៉ឹងជាមួយរុស្ស៊ី ដើម្បីបន្ធូរបន្ថយឥទ្ធិពលរបស់ចិន វានឹងកាន់តែបង្កើនឥទ្ធិពលរបស់កូរ៉េខាងជើងក្នុងសាកល្បងនុយក្លេអ៊ែរ ។
បើយោងតាមអ្នកវិភាគបានឲ្យដឹងថា ហានិភ័យដែលបង្អាក់ផលប្រយោជន៍អាមេរិកមានច្រើន ហើយពាណិជ្ជកម្មកូរ៉េខាងជើងជាមួយរុស្ស៊ីក៏អាចធ្វើឲ្យទណ្ឌកម្មដែលអាមេរិកបានដាក់លើកូរ៉េខាងជើងកាន់តែចុះខ្សោយផងដែរ ជាពិសេសថែមទាំងបង្កើនល្បឿនសេដ្ឋកិច្ច និងអាចជំរុញកម្មវិធីអភិវឌ្ឍន៍អាវុធកូរ៉េខាងជើងទៀតផង ។
គួរបញ្ជាក់ថា នាពេលថ្មីៗនេះក្រុងព្យុងយ៉ាងបានបង្កើនសមត្ថភាពបាញ់សាកល្បងគ្រាប់រ៉ុកកែតទាំងរយៈចម្ងាយខ្លី និងរយៈចម្ងាយឆ្ងាយ ខណៈអាមេរិកមានការព្រួយបារម្ភថា បច្ចេកវិទ្យានេះនឹងអនុញ្ញាតឲ្យកូរ៉េខាងជើងផ្លាស់ទីរ៉ុកកែតរបស់ខ្លួន និងលាក់ពួកវាពីការឃ្លាំមើលរបស់បរទេសកាន់តែងាយស្រួល ។ មួយវិញទៀតអាមេរិកបារម្ភអំពីការបាញ់សាកល្បងរបស់កូរ៉េខាងជើងអាចនឹងមានកំហុសឆ្គងបាញ់ទៅតំបន់ដែលមានប្រជាជនច្រើន បើទោះបីជាមិនមានចេតនា តែវាអាចបង្កឲ្យមានការបំផ្លិចបំផ្លាញដ៏មហាសាលបាន ៕
អត្ថបទ ៖ ប៊ុន សុភាព
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ៧ ថ្ងៃ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ១៩ ម៉ោង ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ