ព័ត៌មានអន្ដរជាតិ
បារាំង ដាក់ទណ្ឌកម្មអ្នកស្វែងរកសិទ្ធិជ្រកកោន អ៊ីស្រាអែល ២៨ នាក់ ជុំវិញអំពើហិង្សានៅ West Bank
ប្រទេសបារាំងបានប្រកាសដាក់ទណ្ឌកម្មប្រឆាំងនឹងអ្នកស្វែងរកសិទ្ធិជ្រកកោនអ៊ីស្រាអែលចំនួន ២៨ នាក់ដោយចោទប្រកាន់ពីបទរំលោភសិទ្ធិមនុស្សប្រឆាំងនឹងជនស៊ីវិលប៉ាឡេស្ទីននៅតំបន់ West Bank ។ នេះបើយោងតាមការចេញផ្សាយរបស់សារព័ត៌មាន BBC កាលពីថ្ងៃទី១៣ ខែកុម្ភៈ ។
ក្រសួងការបរទេសបារាំងបាននិយាយកាលពីថ្ងៃអង្គារថា បុគ្គលទាំង ២៨ នាក់នឹងត្រូវបានហាមឃាត់មិនឲ្យចូលក្នុងប្រទេសបារាំង ខណៈវិធានការទាំងនេះកើតមានឡើង នៅពេលដែលអំពើហិង្សាដែលប្រព្រឹត្តដោយអ្នកស្វែងរកសិទ្ធិជ្រកកោនប្រឆាំងនឹងប្រជាជនប៉ាឡេស្ទីនបានកើនឡើងក្នុងប៉ុន្មានខែថ្មីៗនេះ ។
ប្រទេសបារាំងនឹងប្រកាន់នូវជំហរថ្កោលទោសយ៉ាងដាច់ខាតថា មិនអាចទទួលយកបាននូវអំពើហិង្សានេះនោះទេ ខណៈការសម្រេចចិត្តនេះកើតឡើង បន្ទាប់ពីការដាក់ទណ្ឌកម្មស្រដៀងគ្នាដោយសហរដ្ឋអាមេរិក និងចក្រភពអង់គ្លេស ដែលបានបង្ហាញពីក្តីបារម្ភអំពីអំពើហិង្សារបស់អ្នកស្វែងរកសិទ្ធិជ្រកកោន និងការកើនឡើងនៃការវាយប្រហារលើពលរដ្ឋប៉ាឡេស្ទីន ។
ចំណែករដ្ឋមន្ត្រីការបរទេសបារាំង ប៉ូឡូញ និងអាល្លឺម៉ង់ក៏បានចេញសេចក្តីថ្លែងការណ៍រួមមួយផងដែរ ដោយនិយាយថា អំពើហិង្សាប្រឆាំងនឹងប៉ាឡេស្ទីននៅតំបន់ West Bank គឺមិនអាចទទួលយកបាននោះទេ ហើយត្រូវតែដាក់ទណ្ឌកម្ម ស្របពេលដែលការវាយឆ្មក់របស់ទាហានអ៊ីស្រាអែលកាន់តែខ្លាំងទៅៗ ចាប់តាំងពីផ្ទុះភ្លើងសង្រ្គាមនៅលើតំបន់ហ្គាហ្សា ដែលបានសម្លាប់ប្រជាជនប៉ាឡេស្ទីនរាប់ម៉ឺននាក់ ។
គួរបញ្ជាក់ថា អង្គការសហប្រជាជាតិបានកត់ត្រាការវាយប្រហារជាង ៥១៦ ដងប្រឆាំងនឹងប៉ាឡេស្ទីននៅតំបន់ West Bank ចាប់តាំងពីព្រឹត្តិការណ៍ ៧ តុលា ២០២៣ ដែលជាការវាយប្រហាររបស់ក្រុមហាម៉ាសសម្លាប់ពលរដ្ឋអ៊ីស្រាអែល ១,១៣៩ នាក់ ខណៈមនុស្សជាង ២៨,០០០ នាក់ត្រូវបានសម្លាប់នៅក្នុងការទម្លាក់គ្រាប់បែកដ៏ខ្លាំងក្លារបស់អ៊ីស្រាអែល និងការវាយលុកនៅតំបន់ហ្គាហ្សា ៕
អត្ថបទ ៖ ប៊ុន សុភាព
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា