ព័ត៌មានអន្ដរជាតិ

បុរសថៃវ័យ៦៩ឆ្នាំ រៀបការជាមួយប្រពន្ធទី១៤ ដោយសង្ឃឹមថា នឹងក្លាយជាស្នេហាចុងក្រោយ

បានផុស

១ year មុន

នៅ

ថ្ងៃព្រហស្បតិ៍ ១៥ កុម្ភៈ ២០២៤

ដោយ

កាលពីថ្ងៃទី១៤ ខែកុម្ភៈ ឆ្នាំ ២០២៤ បុរសជនជាតិថៃ អាយុ៦៩ឆ្នាំម្នាក់ និងប្រពន្ធទី១៤ បានចុះសំបុត្រអាពាហ៍ពិពាហ៍នៅសង្កាត់ Khlong Rua ខេត្ត Krabi ខណៈដែលគាត់បាននិយាយយ៉ាងជឿជាក់ថា នេះជាស្នេហាចុងក្រោយរបស់គាត់និងភរិយាហើយ។

យោងទៅតាមការចុះផ្សាយពីសារព័តមានថៃThaiger បានរាយការណ៍ថា ខេត្ត Krabi បានរៀបចំសកម្មភាពចុះឈ្មោះអាពាហ៍ពិពាហ៍ដើម្បីស្វាគមន៍ថ្ងៃបុណ្យនៃក្តីស្រឡាញ់ឆ្នាំ ២០២៤ ដោយអ្នកស្រុក Muang Krabi ។ ការរៀបចំសកម្មភាពចុះសំបុត្រអាពាហ៍ពិពាហ៍នេះបានធ្វើឡើងនៅតំបន់ទេសចរណ៍ដ៏ល្បី ដូច្នេះគូស្នេហ៍ដែលចង់ចុះឈ្មោះអាពាហ៍ពិពាហ៍ អាចចូលរួមសកម្មភាពនេះ ដោយមានលោក Somchai លោក Hanpakdee Patima អភិបាលខេត្ត Krabi បានអញ្ជើញជាអធិបតីក្នុងពិធីនេះយ៉ាងឧឡារិកថែមទៀត។

តាមរយៈរូបភាពលើបណ្ដាញអ៉ិនធើណេត បានបង្ហាញពីបរិយាកាសពេលព្រឹកពោរពេញដោយក្តីស្រលាញ់របស់គូស្វាមីភរិយាថ្មីថ្មោងចំនួន ១១គូ ក្នុងនោះ ៨គូជាជនជាតិថៃ និង៣ គូរវាងជនជាតិថៃ និងបរទេស។ សកម្មភាពបានចាប់ផ្តើមដោយក្បួនដង្ហែរ Khan Mak រាំស្គរវែង និងមានអ្នករាំចំនួន ១០០ នាក់ចូលរួមនៅក្នុងក្បួនដង្ហែអមជាមួយសកម្មភាពឆ្លងកាត់ទ្វារប្រាក់ និងទ្វារមាសរបស់កូនកំលោះ។

ទោះយ៉ាងណាក៏ដោយ អ្វីដែលធ្វើឲ្យមានការភ្ញាក់ផ្អើលនោះគឺគូស្នេហ៍របស់បុរសវ័យ ៦៩ឆ្នាំ មានទីលំនៅឃុំថាប់ព្រិច ស្រុកមឿងក្រប៊ី បានដឹកដៃភរិយាអាយុ៥៦ឆ្នាំមកអង្គុយតុចុះសំបុត្រអាពាហ៍ពិពាហ៍និងបាននិយាយថា នេះជាអាពាហ៍ពិពាហ៍លើកទី១៤ របស់គាត់ជាមួយប្រពន្ធថ្មី មូលហេតុដែលគាត់ជ្រើសរើសចុះឈ្មោះអាពាហ៍ពិពាហ៍នៅថ្ងៃនេះ ដោយសារតែថ្ងៃទី ១៤ កុម្ភៈ ជាថ្ងៃបុណ្យនៃក្ដីស្រលាញ់ ហើយខួបកំណើតគាត់ត្រូវនឹងថ្ងៃ១៤កុម្ភៈផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះទៀតដែរ បុរសថៃរូបនេះបានផ្ដល់បទសម្ភាសន៍ដោយសង្កត់ធ្ងន់ថា ស្នេហានេះនឹងក្លាយជាចុងក្រោយរបស់គាត់។ ក្នុងនោះលោកធ្លាប់មានប្រពន្ធពីមុនមកសរុបបច្ចុប្បន្នមាន១៤នាក់។ ដូច្នេះហើយទើបរូបគាត់មានទំនុកចិត្តថា នេះគឺជាភរិយាដែលគាត់ស្រលាញ់បំផុត ហើយបានរស់នៅជាមួយគ្នាមកជាង១០ឆ្នាំមកហើយ មុនពេលនាំមកចុះសំបុត្រអាពាហ៍ពិពាហ៍នៅថ្ងៃ១៤កុម្ភៈ៕