ព័ត៌មានអន្ដរជាតិ
បំណុលជាតិ អាមេរិក កើនកប់ក្ដោងមិនធ្លាប់មានក្នុងប្រវត្តិសាស្ត្រ នៅ ១០ ឆ្នាំខាងមុខ
បំណុលជាតិរបស់សហរដ្ឋអាមេរិកនឹងអាចកើនឡើងបន្ថែមប្រមាណ ១៩ ពាន់ពាន់លានដុលា្លរអាមេរិកក្នុងរយៈពេល ១០ ឆ្នាំខាងមុខ ហើយបើបូកសរុបនឹងបំណុលបច្ចុប្បន្នគឺស្មើខ្ទង់ប្រមាណ ៥៤ ពាន់ពាន់លានដុល្លារដែលជាចំនួនដ៏ច្រើនកប់ក្ដោងក្នុងប្រវត្តិសាស្រ្តអាមេរិក ។ នេះបើតាមរបាយការណ៍ពីការិយាល័យថវិកានៃសភាអាមេរិក និងចុះផ្សាយដោយសារព័ត៌មាន RT កាលពីថ្ងៃទី១៥ ខែកុម្ភៈកន្លងទៅ ។
របាយការណ៍ពីសភាអាមេរិកដដែលបានឲ្យដឹងថា បំណុលបានកើនឡើងដល់ត្រឹម ៣៤ ពាន់ពាន់លានដុល្លារគិតត្រឹមខែធ្នូ ឆ្នាំ២០២៣ កន្លងទៅ ហើយនេះក៏ដោយសារតែថ្លៃចំណាយពាក់ព័ន្ធនឹងកំណើនប្រជាជនដែលមានអាយុច្រើន ក៏ដូចជាអត្រាចំណាយការប្រាក់ខ្ពស់ ។
កត្តាសំខាន់មួយទៀតដែលនាំឲ្យមានកំណើនបំណុលយ៉ាងឆាប់រហ័សនេះ ក៏ដោយសារឱនភាពទុនថិវកានៃសហរដ្ឋអាមេរិក ដែលនាំឲ្យមានកង្វះខាតថវិកា ២.៦ ពាន់ពាន់លាននៅត្រឹមឆ្នាំ ២០៣៤ ពោលកើនឡើងរហូតដល់ ១.៦ ពាន់ពាន់លាន ធៀបនឹងឆ្នាំ ២០២៤ នេះ ។
ប្រធានការិយាល័យថវិកាសភាអាមេរិក លោក Phillip Swagel បានឲ្យដឹងតាមរយៈសារព័ត៌មាន New York Times ថា សហរដ្ឋអាមេរិកនៅតែបន្តជាប់បំណុល ហើយត្រូវរកចំណូលបន្ថែមដើម្បីបំពេញតម្រូវការសេដ្ឋកិច្ចរបស់ខ្លួនដល់ឆ្នាំ ២០៣៤ ។
ទន្ទឹមនឹងនេះ ការិយាល័យថវិកាក៏ដូចជាសភា ក៏ត្រូវប្រឈមនឹងការសម្រេចអនុម័តច្បាប់ថវិកាដល់រដ្ឋាភិបាលសហព័ន្ធសហរដ្ឋអាមេរិកទៅលើការចំណាយផងដែរ ដែលមកទល់ពេលនេះសមាជិកសភាក៏កំពុងស្ថិតក្នុងដំណាក់កាលជជែកវែកញែកយ៉ាងតឹងតែងទៅលើការផ្តល់ខ្ទង់ជំនួយផ្សេងៗ តួយ៉ាងទៅដល់ប្រទេសអ៊ីស្រាអែល និងអ៊ុយក្រែន ។
គួររំឭកដែរថា រយៈពេល ២០ ឆ្នាំចុងក្រោយនេះ អត្រាការប្រាក់នៅសហរដ្ឋអាមេរិកមានកំណើនខ្ពស់ជាងឆ្នាំមុនៗ ដែលធ្វើឲ្យតម្លៃកម្ចីរបស់ប្រជាពលរដ្ឋក្លាយជាការរួមចំណែកមួយទៅដល់បំណុលជាតិសហរដ្ឋអាមេរិក ។ តាមរយៈការិយាល័យថវិកាសភាអាមេរិកដដែល សហរដ្ឋអាមេរិកអាចនឹងចំណាយប្រមាណជាង ១២ ពាន់ពាន់លានដុល្លារ ត្រឹមតែមួយមុខប៉ុណ្ណោះទៅលើថ្លៃការប្រាក់សម្រាប់ឆ្នាំ ២០២៤ ដល់ឆ្នាំ ២០៣៤ ៕
ដោយ៖ មាន រតនា
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
មកដឹងពានរង្វាន់ទាំង ៩ មានប្រាក់រង្វាន់ច្រើនបំផុតរដូវកាលនេះ ខណៈ UCL ឈរលេខ៣
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ