ព័ត៌មានអន្ដរជាតិ
អាមេរិក ព្រមានថា រុស្ស៊ី ជិតលេបយកទីក្រុងអ៊ុយក្រែន មួយទៀតហើយ
តាមសេចក្តីរាយការណ៍របស់ Reuter នៅថ្ងៃសុក្រទី១៦ខែកុម្ភៈ, សហរដ្ឋអាមេរិកបានព្រមានថា រុស្ស៊ីអាចដណ្តើមយកទីក្រុងសំខាន់មួយទៀតរបស់អ៊ុយក្រែន គឺ Avdiivka ស្ថិតនៅភាគខាងកើត។
ក្រោយមានការប្រយុទ្ធគ្នាដ៏ខ្លាំងក្លានៅទីនោះ ក្នុងរយៈពេលប៉ុន្មានខែចុងក្រោយ អ្នកនាំពាក្យក្រុមប្រឹក្សាសន្តិសុខជាតិអាមេរិក លោក John Kirby និយាយថា ទីក្រុង Avdiivka ជិតធ្លាក់ចូលដៃរុស្ស៊ីហើយ ព្រោះតែអ៊ុយក្រែន ខ្វះអាវុធយុទ្ធភ័ណ្ឌ។ រុស្ស៊ីកំពុងបញ្ជូនកម្លាំងទ័ព ដើម្បីវាយប្រហារទីតាំងអ៊ុយក្រែននៅទីនោះ។
លោកបន្តថា “ដោយសារសភាមិនទាន់អនុម័តច្បាប់បន្ថែម យើងមិនអាចផ្តល់គ្រាប់កាំភ្លើងធំ តាមតម្រូវការរបស់អ៊ុយក្រែនដើម្បីយកទៅទប់ទល់ការវាយលុករបស់រុស្ស៊ីបានទេ។ ឥឡូវ កងកម្លាំងរុស្ស៊ី កំពុងឈានដល់លេណដ្ឋានអ៊ុយក្រែននៅ Avdiivka ហើយ ពួកគេកំពុងវាយសន្ធាប់លើទីតាំងឈរជើងរបស់ទ័ពក្រុងកៀវ”។
ទីក្រុង Avdiivka ត្រូវបានគេមើលឃើញថាជាច្រកចូលទៅក្បែរទីក្រុង Donetsk ដែលយុទ្ធជនគាំទ្រដោយរុស្ស៊ីដាក់កម្លាំងកាន់កាប់ក្នុងឆ្នាំ២០១៤ ហើយក្រោយមក ត្រូវរុស្ស៊ី កាត់យកតែម្តង។
ការព្រមានរបស់លោក Kirby កើតឡើង បន្ទាប់ពីព្រឹទ្ធសភាអាមេរិក អនុម័តកញ្ចប់ជំនួយបរទេសទំហំទឹកប្រាក់៩៥ពាន់លានដុល្លារក្នុងនោះរួមមានទាំង ៦០ពាន់លានដុល្លារសម្រាប់អ៊ុយក្រែនផងដែរ ប៉ុន្តែច្បាប់នេះ ត្រូវប្រឈមនឹងការប្រឆាំងចាស់ដៃ នៅក្នុងរដ្ឋសភា។
សូមបញ្ជាក់ អ៊ុយក្រែន ពឹងផ្អែកសឹងតែទាំងស្រុង លើការផ្គត់ផ្គង់អាវុធពីសហរដ្ឋអាមេរិក និងសម្ព័ន្ធមិត្តលោកខាងលិចផ្សេងទៀត ដើម្បីអាចបន្តដង្ហើមប្រយុទ្ធជាមួយរុស្ស៊ីបាន។ យ៉ាងណា អគ្គលេខាធិការអង្គការណាតូ លោក Jen Stoltenberg បានព្រមានកាលពីថ្ងៃព្រហស្បតិ៍ថា សហរដ្ឋអាមេរិក បានធ្វើឲ្យអ៊ុយក្រែនជួបផលលំបាកនៅសមរភូមិរួចទៅហើយ ព្រោះតែមិនព្រមបន្តផ្តល់ជំនួយឲ្យអ៊ុយក្រែន។
គួររម្លឹកឡើងវិញ កាលពីថ្ងៃទី២៤ខែកុម្ភៈឆ្នាំ២០២២ រុស្ស៊ី បានបើកប្រតិបត្តិការយោធាពិសេសនៅប្រទេសអ៊ុយក្រែន ក្នុងគោលបំណងរំដោះតំបន់ Donbass ព្រោះថាបើយោងតាមភាគីរុស្ស៊ី, ទីនោះប្រជាជននៃសាធារណរដ្ឋ Donetsk និង Lugansk បានរស់នៅក្រោមគ្រាប់ផ្លោងរបស់កងកម្លាំងទីក្រុងកៀវ សឹងរាល់ថ្ងៃ។ មិនត្រឹមប៉ុណ្ណឹង ទីក្រុងមូស្គូថែមទាំងអះអាងដែរថា ខ្លួនចង់លុបបំបាត់មនោគមវិជ្ជាណាស៊ី ក៏ដូចជាភាពគ្មានយោធារបស់អ៊ុយក្រែន ទៀតផង៕
អត្ថបទ៖ សុខ សុវណ្ណ
ចុចអាន៖ អាមេរិក កំពុងភ័យរឿង រុស្ស៊ី ផលិតអាវុធ នុយក្លេអ៊ែរ បាញ់កម្ទេចផ្កាយរណបរបស់ខ្លួន
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា