ព័ត៌មានអន្ដរជាតិ

គ្រូបង្រៀនអាមេរិកម្នាក់ ត្រូវបណ្តេញចេញពីការងារ ក្រោយលក់វីដេអូសិចលើវេបសាយ OnlyFans

បានផុស

១ year មុន

នៅ

ថ្ងៃសៅរ៍ ១៧ កុម្ភៈ ២០២៤

ដោយ

កាលពីថ្ងៃទី ១៤ ខែកុម្ភៈ ទីភ្នាក់ងារសារព័ត៌មាន The Guardian បានរាយការណ៍ថា គ្រូបង្រៀនស្រីជនជាតិអាមេរិកម្នាក់ត្រូវបានបណ្ដេញចេញពីការងារភ្លាមៗ បន្ទាប់ពីត្រូវគេចាប់បានថាលួចលក់វីដេអូសិចនៅលើគេហទំព័រ OnlyFans ដែលបំពានលើគោលការណ៍ប្រព័ន្ធផ្សព្វផ្សាយសង្គមរបស់ស្រុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយមក គណនី OnlyFans របស់នាងត្រូវបានដាក់ជូនទៅស្រុកដើម្បីពិនិត្យ ហើយគេរកឃើញថាការបង្ហោះរបស់នាងគឺផ្ទុយនឹងគោលការណ៍នៃការប្រើប្រាស់ប្រព័ន្ធផ្សព្វផ្សាយសង្គមរបស់ស្រុក រហូតត្រូវតែបណ្តេញនាងចេញពីសាលារៀនភ្លាមៗឥតបង្អង់យូរឡើយ។

ការស៊ើបអង្កេតបានបង្ហាញថា គណនីផ្លូវការរបស់គ្រូរួមបញ្ចូលតំណភ្ជាប់ទៅកាន់ OnlyFans របស់នាង ជាកន្លែងដែលនាងងាកទៅរកឧស្សាហកម្មនេះ។ នារីម្នាក់នេះធ្លាប់ផ្ទុះចម្រូងចម្រាសពីបញ្ហាស្បែកសនិងខ្មៅរបស់នាង បន្ទាប់ពីអះអាងថានាងជាស្ត្រីស្បែកខ្មៅ ហើយក្រុមគ្រួសារបានបង្ហាញថានាងពិតជាស្ត្រីស្បែកស។ ដោយសាររឿងនោះពិបាករកការងារធ្វើ ហើយងាកមកលក់រូបសិចស៊ីជំនួសវិញ។ នាងបានបើកគណនីនេះនៅឆ្នាំ ២០២១ ហើយបានបង្ហោះរូបថត និងឃ្លិបជាង ៦០០ មកទល់ពេលនេះ។

ទោះជាយ៉ាងណាក៏ដោយ Dialo មិនមែនជាគ្រូបង្រៀនតែម្នាក់គត់ដែលកិច្ចសន្យាត្រូវបានបញ្ចប់ ឬត្រូវលាលែងពីគណនី OnlyFans នោះទេ។ នៅឆ្នាំ ២០២៣គ្រូបង្រៀនស្រីម្នាក់នៅ Missouri ក៏ត្រូវលាលែងពីតំណែងដូចគ្នា បន្ទាប់ពីគេដឹងថា នាងលក់ឃ្លិបសិចស៊ីរបស់នាង។ បញ្ហានេះបាននាំឲ្យមានការជជែកវែកញែកអំពីថា តើគ្រូបង្រៀននៅសហរដ្ឋអាមេរិកត្រូវបានប្រាក់ខែតិចពេកឬអត់។ ទើបធ្វើឲ្យពួកគេត្រូវងាកទៅរកប្រាក់ចំណូលបន្ថែមតាមវិធីនេះជំនួសវិញ។ ស្របពេលដែលការស៊ើបអង្កេតបានរកឃើញថា គ្រូបង្រៀនជាង ៤០ភាគរយ មានប្រាក់ចំណូលប្រចាំឆ្នាំតិចជាង ២៥,០០០ ដុល្លារអាមេរិក៕