Connect with us

ព័ត៌មានអន្ដរជាតិ

ក្រុមយុវជនមីយ៉ាន់ម៉ា សម្រុកចាកចេញពីប្រទេសរបស់ខ្លួន ដើម្បីគេចពីកាតព្វកិច្ចយោធា

បានផុស

នៅ

បន្ទាប់ពីរបបយោធាបាននិយាយថា ខ្លួននឹង ដាក់កាតព្វកិច្ចយោធាទៅលើយុវជនមីយ៉ាន់ម៉ា រួចមក ស្រាប់តែនៅថ្ងៃទី១៦ ខែកុម្ភៈ នេះ មានយុវជន យុវនារីជាច្រើនបានតម្រង់ជួរនៅមុខស្ថានទូតថៃក្នុងទីក្រុងយ៉ាំងហ្គោនដើម្បីចាកចេញពីប្រទេសរបស់ខ្លួន ។ នេះបើយោងតាមការផ្សាយរបស់ CNA នៅយប់ថ្ងៃទី ១៦ ខែកុម្ភៈ ឆ្នាំ ២០២៤ ។

រូបថតដោយ÷ AP
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពបានឱ្យដឹងថា ក្រុមយុវជន និងយុវនារីទាំងនោះ មានចំនួនប្រហែលពី ១.០០០ ទៅ ២.០០០ នាក់ បាននាំគ្នាសម្រុកសុំទិដ្ឋាការពីស្ថានទូតថៃ ដើម្បីចាកចេញពីប្រទេសរបស់ខ្លួន ក្នុងគោលបំណងគេចចេញពីកាតព្វកិច្ចយោធា ។ ហើយបើតាមការធ្វើបទសម្ភាសន៍របស់ភ្នាក់ងារសារព័ត៌មាន AP ជាមួយក្រុមនិស្សិតដែលមានវត្តមាននៅស្ថានទូតថៃ បានឱ្យដឹងថា មានអ្នកខ្លះដេកក្នុងរថយន្តរង់ចាំស្ថានទូតថៃបើកទ្វារធ្វើការ ដើម្បីបានតម្រង់ជួរមុនគេជាដើម ។

យ៉ាងណាមិញ នៅមិនទាន់មានការពន្យល់ ឬព័ត៌មានលម្អិតឡើយ ទាក់ទងនឹងលក្ខខណ្ឌនៃកាតព្វកិច្ចយោធារបស់របបយោធាមីយ៉ាន់ម៉ា ប៉ុន្តែសម្រាប់ក្រុមយុវជនទាំងនោះ ពួកគេនិយាយថា មិនត្រូវការការពន្យល់ ឬរង់ចាំព័ត៌មានលម្អិតឡើយ ពួកគេនឹងចាកចេញតាមដែលអាចធ្វើបាន ។

សូមបញ្ជាក់ថា កាលពីចុងសប្តាហ៍មុន របបយោធាមីយ៉ាន់ម៉ា បានប្រកាសថា ខ្លួននឹងអនុវត្តច្បាប់កាតព្វកិច្ចយោធាចំពោះយុវជនបុរស និងនារី ដែលមានវ័យពី១៨ រហូតដល់២៧ ឆ្នាំ ។ ក្រុមបុរស និងនារី ទាំងនោះត្រូវតែបម្រើផ្នែកកងទ័ពរយ:ពេល ២ឆ្នាំ ដើម្បីកម្ចាត់ក្រុមប្រឆាំងទៅនឹងរដ្ឋប្រហារឆ្នាំ ២០២១ របស់ខ្លួន ៕

ប្រែសម្រួលដោយ÷ ប៉ោ កុសល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

រដ្ឋមន្ត្រីសុខាភិបាល និងរដ្ឋមន្ត្រីការងារ ស្នើឱ្យកម្មករ និងពលរដ្ឋឈប់ពិសាភេសជ្ជៈផ្អែមប៉ូវកម្លាំង

ព័ត៌មានជាតិ៨ ម៉ោង មុន

អ្នក​រងរបួស​ដោយ​អគ្គិភ័យ ឆេះ​ក្លិប​កម្សាន្ដ មីតណាយព្រីមៀរ ៥នាក់ ទទួល​បាន​ថវិកា​ពី​អភិបាល​រាជធានីភ្នំពេញ

ព័ត៌មានជាតិ៨ ម៉ោង មុន

បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ

ព័ត៌មានជាតិ៨ ម៉ោង មុន

ពលរដ្ឋកម្ពុជា​ថ្កោលទោស ស៊ន តារា ដែល​កំពុង​វង្វេង​ប្រវត្តិសាស្រ្ត​ដោយលើកឡើងថា “អាមេរិក​មិន​ដែល​ទម្លាក់​គ្រាប់​បែក​សម្លាប់​ខ្មែរ”

ព័ត៌មានជាតិ១១ ម៉ោង មុន

អ្នកនាំពាក្យ ថា មានអ្នកជាប់កាតព្វកិច្ច៧រូបមិនទាន់មកប្រកាសទ្រព្យសម្បត្តិ និងបំណុល

Sokha Hotels

ព័ត៌មានពេញនិយម