ព័ត៌មានអន្ដរជាតិ
ក្រិក អនុម័តឲ្យមានអាពាហ៍ពិពាហ៍ភេទដូចគ្នាស្របច្បាប់
សភាក្រិកបានអនុម័តច្បាប់អនុញ្ញាតឲ្យមានអាពាហ៍ពិពាហ៍ភេទដូចគ្នា ដែលជាជ័យជម្នះដ៏សំខាន់សម្រាប់អ្នកគាំទ្រសិទ្ធិអ្នកស្រឡាញ់ភេទដូចគ្នា ដោយទទួលបានការអបអរសាទរពីមនុស្សរាប់សិបនាក់ និងបានប្រមូលផ្តុំគ្នានៅតាមផ្លូវនៃក្រុងអាថែន ។ នេះបើយោងតាមការចេញផ្សាយដោយទីភ្នាក់ងារព័ត៌មាន Reuters នៅថ្ងៃទី១៦ ខែកុម្ភៈកន្លងទៅ ។

ច្បាប់អនុញ្ញាតដែលផ្តល់ឲ្យគូស្នេហ៍ភេទដូចគ្នាមានសិទ្ធិរៀបការ និងចិញ្ចឹមកូនកើតមានឡើង បន្ទាប់ពីយុទ្ធនាការជាច្រើនទសវត្សរ៍ដោយសហគមន៍អ្នកស្រឡាញ់ភេទដូចគ្នាដើម្បីឲ្យមានសមភាពអាពាហ៍ពិពាហ៍នៅក្នុងប្រទេសអភិរក្សសង្គមនិយមមួយនេះ ខណៈក្រិកគឺជាប្រទេសមួយក្នុងចំណោមប្រទេសគ្រិស្តអូស្សូដក់ដំបូងគេដែលអនុញ្ញាតឲ្យមានអាពាហ៍ពិពាហ៍អ្នកស្រឡាញ់ភេទដូចគ្នាបែបនេះ ។

ច្បាប់នេះត្រូវបានអនុម័តដោយសមាជិកសភាចំនួន ១៧៦ នាក់នៅក្នុងសភាដែលមាន ៣០០ អាសនៈ ហើយនឹងក្លាយទៅជាច្បាប់ពេញលេញ នៅពេលដែលវាចូលជាធរមាននៅក្នុងសារាចរផ្លូវការរបស់រដ្ឋាភិបាល ។ ទន្ទឹមនោះ ទោះជាសមាជិកនៃគណបក្សរបស់នាយករដ្ឋមន្ត្រី Kyriakos Mitsotakis បានបោះឆ្នោតប្រឆាំងនឹងច្បាប់នេះក៏ដោយ ក៏វាទទួលបានការគាំទ្រគ្រប់គ្រាន់ពីសមាជិកសភាផ្សេងទៀត បើទោះបីជាមានការជជែកវែកញែកដ៏តានតឹងក៏ដោយ ។

គួរបញ្ជាក់ថា ក្រិកគឺជាប្រទេសដំបូងគេនៅអឺរ៉ុប ដែលមានសមភាពអាពាហ៍ពិពាហ៍ ខណៈអ្នកស្រឡាញ់ភេទដូចគ្នាបានធ្វើយុទ្ធនា ជំរុញឲ្យមានការផ្លាស់ប្តូរជាច្រើនទសវត្សរ៍មកហើយ តែត្រូវបានប្រឆាំងដោយជំនោរនៃសាសនាចក្រដែលជឿថាការស្រឡាញ់ភេទដូចគ្នាគឺជាអំពើបាប និងជាទង្វើប្រឆាំងពីអ្នកនយោបាយស្តាំនិយ ៕
អត្ថបទ ៖ ប៊ុន សុភាព

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៨ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ