ព័ត៌មានអន្ដរជាតិ
ពលរដ្ឋ ចិន ចាយលុយមើលកុន និងដើរលេងក្នុងស្រុកច្រើនជាងមុន អំឡុងបុណ្យចូលឆ្នាំ ៨ ថ្ងៃ
យោងតាមទិនុ្នន័យពីទីភ្នាក់ងារសារព័ត៌មានរដ្ឋចិន Xinhua បានឲ្យដឹងថា ទំហំចំណាយរបស់ប្រជាពលរដ្ឋចិនទៅលើទេសចរណ៍ក្នុងស្រុកមានការកើនឡើងច្រើនជាងមុន បើធៀបនឹងឆ្នាំ ២០២៣ កន្លងទៅ ក្នុងរដូវកាលពិធីបុណ្យចូលឆ្នាំប្រពៃណីចិនដែលប្រព្រឹត្តទៅរយៈពេល ៨ ថ្ងៃ ពោលគឺទើបបញ្ចប់ទៅកាលពីថ្ងៃសៅរ៍ទី១៧ ខែកុម្ភៈកន្លងទៅនេះ ។

ទិន្នន័យពីក្រសួងវប្បធម៌ និងទេសចរណ៍ចិនបានឲ្យដឹងថា កំណើនទេសចរណ៍ក្នុងស្រុកមានចំនួន ៤៧៤ លាននាក់ក្នុងរយៈពេលចូលឆ្នាំ ៨ ថ្ងៃដែលទើបបញ្ចប់ទៅថ្មីៗនេះ ។ ចំនួននេះគឺស្មើនឹងកំណើនប្រមាណ ៣៤.៣ ភាគរយ បើធៀបនឹងរដូវកាលទេសចរណ៍ក្នុងស្រុកឆ្នាំមុន ដែលគិតរយៈពេល ៨ ថ្ងៃដូចគ្នា ។
ទិន្នន័យដដែលបង្ហាញថា ទេសចរណ៍ក្នុងស្រុក គឺបានចរាចរលុយប្រមាណ ៦៣២.៦៩ ពាន់លានយ័ន (ប្រមាណ ៨៧ ពាន់លានដុល្លារអាមេរិក) ដែលជាទំហំទឹកប្រាក់ច្រើនជាងឆ្នាំមុនប្រមាណ ៤៧.៣ ភាគរយ ។

ដោយយោងតាមរដ្ឋបាលជាតិអន្តោប្រវេសន៍នៃប្រទេសចិនបានបង្ហាញថា ទេសចរជាតិចិនដើរលេងទាំងក្នុងស្រុក និងក្រៅស្រុកសរុបប្រមាណ ១៣.៥២ លាននាក់នៅក្នុងអំឡុងពេលបុណ្យចូលឆ្នាំប្រពៃណីចិន ឆ្នាំ ២០២៤ នេះ ។
ដោយឡែកក្រៅពីដំណើរទេសចរណ៍ ឧស្សាហកម្មរោងភាពយន្តក្នុងស្រុក ក៏បានពេញនិយមក្នុងអំឡុងពេលបុណ្យចូលឆ្នាំនេះផងដែរ ពោលគឺរោងកុនទូទាំងប្រទេសចិនមានអ្នកទស្សនា ជាលក្ខណៈគ្រួសារ និងមិត្តភក្តិ ចូលមើលណែនណាន់ពេញគ្រប់រោងកុន ដែលធ្វើឲ្យចំណូលក្នុងវិស័យភាពយន្តចិន កើនប្រមាណ ៨ ពាន់លានយ័ន គឺស្មើប្រមាណ១.១៣ ពាន់លានដុល្លារអាមេរិក ៕

ដោយ៖ មាន រតនា

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ