ព័ត៌មានអន្ដរជាតិ
ចាប់ខ្លួនម្ដាយម្នាក់ពីបទឃាតកម្ម ក្រោយរកឃើញកូនៗ ៣ នាក់ដេកស្លាប់ក្នុងផ្ទះនៅទីក្រុងរបស់ អង់គ្លេស
ស្ត្រីម្នាក់ត្រូវបានចាប់ខ្លួនដោយសង្ស័យពីបទឃាតកម្ម បន្ទាប់ពីកូនៗ ៣ នាក់របស់នាងត្រូវបានគេប្រទះឃើញស្លាប់នៅផ្ទះមួយកន្លែងក្នុងទីក្រុង Bristol ប្រទេសអង់គ្លេស ។ នេះបើយោងតាមការចេញផ្សាយរបស់សារពត៌មាន BBC នៅថ្ងៃទី១៩ ខែកុម្ភៈនេះ ។

ប៉ូលិសបានរកឃើញករណីនេះ បន្ទាប់ពីអ្នកជិតខាងបានរាយការណ៍ពីការប្រទះឃើញក្មេងៗ ៣ នាក់ស្លាប់នៅក្នុងផ្ទះមួយកន្លែងក្នុងទីក្រុង Bristol ។ សេចក្តីថ្លែងការណ៍របស់កម្លាំងសមត្ថកិច្ចបាននិយាយថា ក្មេងតូចៗទាំងបីនាក់នេះបានស្លាប់នៅកន្លែងកើតហេតុ ខណៈស្ត្រីដែលត្រូវចាប់ខ្លួននោះមានអាយុ ៤២ ឆ្នាំកំពុងស្ថិតក្រោមការឃុំឃាំងរបស់ប៉ូលិសនៅមន្ទីរពេទ្យ ។
ប្រជាជននៅតំបន់នេះពិតមានចម្ងល់ណាស់ថាតើព្រឹត្តិការណ៍ដ៏គួរឲ្យរន្ធត់បែបនេះបានកើតឡើងយ៉ាងដូចម្តេច? ដោយសារវាជាសោកនាដកម្មដែលមិនគួរឲ្យជឿទាល់តែសោះដែលកុមារបីនាក់បានស្លាប់យ៉ាងគួរឲ្យសង្វេកបែបនេះ។

ស្ត្រីម្នាក់សុំមិនបញ្ចេញឈ្មោះបានពណ៌នាពីស្ត្រីដែលជាម្ដាយត្រូវបានចាប់ខ្លួននោះថា នាង និងប្ដីរបស់នាងគឺជាជនជាតិស៊ូដង់់ ។ នាងបាននិយាយថា គ្រួសារនេះមានកូនប្រុស ២ នាក់អាយុប្រហែល ៨ ឆ្នាំនិង ៦ ឆ្នាំ និងកូនស្រីម្នាក់ទៀតមានអាយុប្រហែល ៤ ឆ្នាំ ។ នាងពិតជាភ្ញាក់ផ្អើលខ្លាំងណាស់ បន្ទាប់ពីឃាតកម្មនេះ ដោយសារស្រ្តីជាម្ដាយមើលទៅសុភាព រួសរាយ និងគួរឲ្យស្រឡាញ់ណាស់តែងតែមានស្នាមញញឹមនៅលើមុខរបស់នាង និងស្រឡាញ់កូនៗបន្ទាប់ពីបានផ្ដល់កំណើតឲ្យពួកគេ ។
គួរបញ្ជាក់ថា ករណីនេះប៉ូលិសមិនទាន់បានបំភ្លឺអំពីមូលហេតុនៃការស្លាប់របស់ក្មេងៗទាំងបីនាក់នេះច្បាស់នោះទេ ដោយកំពុងស្ថិតនៅក្រោមការស៊ើបអង្គេតនៅឡើយ ៕

អត្ថបទ ៖ ប៊ុន សុភាព

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ