ព័ត៌មានអន្ដរជាតិ
អឺរ៉ុប ព្រួយបារម្ភ ប្រសិនបើលោក Trump ជាប់ឆ្នោត តើអាចត្រូវគ្នាជាមួយចិន ហើយគាំទ្ររុស្ស៊ីដែរទេ?
សារមួយរបស់អ្នកការទូតកំពូលរបស់ចិន លោក Wang Yi ដែលបានរំលេចនៅក្នុងសន្ទរកថារបស់លោក កាលពីចុងសប្ដាហ៍មុននេះ បានធ្វើឱ្យប្រទេសអឺរ៉ុបព្រួយបារម្ភថា ទំនាក់ទំនងអាមេរិក និងចិន នឹងស៊ីជម្រៅឡើងវិញ ប្រសិនបើលោក Donald Trump ជាប់ឆ្នោតជាប្រធានាធិបតីអាមេរិក ។ នេះបើយោងតាមការចុះផ្សាយរបស់សារព័ត៌មាន BBC នៅថ្ងៃទី១៩ ខែកុម្ភៈ ។
ប្រភពបានឱ្យដឹងថា សាររបស់លោក Wang Yi ដែលកំពុងបង្កឱ្យប្រទេសអឺរ៉ុបព្រួយបារម្ភនោះ ត្រង់ឃ្លាថា “មិនថាពិភពលោកផ្លាស់ប្តូរយ៉ាងណានោះទេ ប្រទេសចិនដែលជាប្រទេសធំ និងមានទំនួលខុសត្រូវ នឹងរក្សាគោលការណ៍ និងគោលនយោបាយសំខាន់ៗរបស់ខ្លួនឱ្យជាប់លាប់ និងស្ថិរភាព ហើយបម្រើជាកម្លាំងដ៏រឹងមាំសម្រាប់ស្ថិរភាពនៅក្នុងពិភពលោកដែលមានភាពច្របូកច្របល់” ។ សារនេះដែរ លោក Wang Yi បាននិយាយ នៅក្នុងពេលថ្លែងសុន្ទរកថានៅទីក្រុង Munich កាលពីថ្ងៃសៅរ៍ ចំពេលដែលអឺរ៉ុប កំពុងតាមដានស្ថានភាពបោះឆ្នោតសកលនៅអាមេរិក ។
សម្រាប់សារបស់លោក Wang Yi នេះផងដែរ បានធ្វើឱ្យគេនឹកឃើញដល់សម្ដីរបស់លោក Trump កាលពីសប្តាហ៍មុន ដែលបាននិយាយថា ប្រសិនបើលោកជាប់ជាប្រធានាធិបតីអាមេរិកម្ដងទៀត លោកនឹងមិនគាំពារសមាជិកណាតូណា ដែលបានខកខានមិនបានបង់ប្រាក់សម្រាប់ការការពារវិស័យយោធាឡើយ ។ សម្ដីរបស់លោក Trump ពេលនោះ បានធ្វើឱ្យមានការព្រួយបារម្ភទៅលើស្ថានភាពរបស់អ៊ុយក្រែន ដែលកំពុងវាយប្រហារដោយប្រទេសរុស្ស៊ី ។
ជាមួយគ្នានេះលោក Noah Barkin អ្នកឃ្លាំមើលជាន់ខ្ពស់នៅ German Marshall Fund of United States (GMF) បាននិយាយថា សាររបស់លោក Wang ទៅកាន់ម្ចាស់ផ្ទះអឺរ៉ុប គឺមានន័យថា ភាពខុសគ្នានៃភូមិសាស្ត្រនយោបាយមិនគួរត្រូវបានអនុញ្ញាតឱ្យចូលទៅក្នុងវិធីនៃកិច្ចសហប្រតិបត្តិការជិតស្និទ្ធនោះទេ ។ ចិនមិនបានត្រៀមខ្លួនក្នុងការផ្លាស់ប្តូរគោលជំហរ និងគោលនយោបាយដែលធ្វើអឺរ៉ុប ស្ងប់ចិត្តនោះទេ ពោលគឺទីក្រុងប៉េកាំង នៅតែមានទំនាក់ទំនងយ៉ាងជិតស្និទ្ធជាមួយក្រុងមូស្កូ ។ ដូច្នេះហើយប្រសិនបើ Trump ជាប់ឆ្នោត ហើយអនុវត្តផែនការមិនគាំពារសម្ព័ន្ធណាតូ ដែលមិនបង់ថ្លៃការពារផ្នែកយោធាមែននោះ គឺស្មើនឹងការចូលដៃជាមួយចិន គាំទ្ររុស្ស៊ី ។
សូមបញ្ជាក់ថា ចាប់តាំងពីការឈ្លានពានរបស់រុស្ស៊ីលើអ៊ុយក្រែនបានចាប់ផ្តើមកាលពីពីរឆ្នាំមុនមក លោក ពូទីន និងមេដឹកនាំចិនលោក ស៊ី ជីនពីង បានពង្រឹងទំនាក់ទំនងរបស់ប្រទេសរបស់ពួកគេ ខណៈដែលអ្នកទាំងពីរប្រឈមមុខនឹងភាពតានតឹងកើនឡើងជាមួយលោកខាងលិច ៕
ប្រែសម្រួលដោយ÷ កុសល
-
ព័ត៌មានអន្ដរជាតិ៥ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍២៤ ម៉ោង ago
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ