ព័ត៌មានអន្ដរជាតិ
កប៉ាល់ដឹកទំនិញ បុកផ្តាច់ស្ពាន ធ្លាក់រថយន្ត៥គ្រឿង ចូលទន្លេ នៅប្រទេសចិន
កប៉ាល់ដឹកទំនិញមួយគ្រឿង បានបុកស្ពានក្នុងទីក្រុងក្វាងចូវ ភាគខាងត្បូងប្រទេសចិន ដោយបណ្តាលឲ្យរថយន្តចំនួន៥គ្រឿង ធ្លាក់ចូលទន្លេ ក្នុងនោះមានទាំងរថយន្តក្រុងមួយគ្រឿងផងដែរ។

ហេតុការណ៍នេះកើតឡើងនៅវេលាម៉ោង០៥និង៣០នាទីព្រឹកថ្ងៃព្រហស្បតិ៍ទី២២ខែកុម្ភៈ ហើយបើយោងតាមសេចក្តីរាយការណ៍របស់ CCTV, គ្រោះថ្នាក់ខាងលើ បានសម្លាប់មនុស្សចំនួន២នាក់និងរបួសម្នាក់ ខណៈបីនាក់កំពុងបាត់ខ្លួន។
កប៉ាល់នេះ ត្រូវបានគេដឹងធ្វើដំណើរពីទីក្រុង ហ្វូសាន នៅពេលវាមកបុកស្ពាន Lixinsha ក្នុងខេត្តក្វាងចូវ។

ទោះបីជាយ៉ាងណាក៏ដោយ ដើមហេតុដែលបណ្តាលឲ្យកប៉ាល់បើកទៅបុកស្ពាននេះ មិនត្រូវបានគេបញ្ជាក់ភ្លាមៗនោះទេ។ ស្របពេលជាមួយគ្នានោះ ក្រុមហ៊ុនដែលជាម្ចាស់កប៉ាល់ ក៏បានចេញមុខអះអាងថា ខ្លួននឹងសហការក្នុងការស៊ើបអង្កេតជាមួយអាជ្ញាធរផងដែរ។
វីដេអូនៅលើទូរទស្សន៍រដ្ឋ CCTV បានបង្ហាញស្ពានដាច់ជាពីរ ហើយកប៉ាល់នៅជាប់ខាងក្រោម ខណៈកាពីទែនត្រូវបានឃាត់ខ្លួន ហើយអ្នកស្ថិតនៅទីនោះ ត្រូវបានជម្លៀសចេញភ្លាមៗ។

តាមការឲ្យដឹងពីប្រភពព័ត៌មានខាងលើ ស្ពាននេះនឹងត្រូវកែលម្អនិងជួសជុលឡើងវិញ ប៉ុន្តែផែនការត្រូវពន្យារពេលបីដង រួចមកហើយ។
កាលពីខែតុលាឆ្នាំ២០២១ អាជ្ញាធរខេត្តបានអំពាវនាវឲ្យពន្លឿនការជួសជុលកន្លែងខូចខាត ដើម្បីពង្រឹងសុវត្ថិភាពរចនាសម្ព័ន្ធរបស់ស្ពាន។ ដំបូងឡើយ ការសាងសង់ត្រូវបានកំណត់ថានឹងបញ្ចប់នៅខែកញ្ញាឆ្នាំ២០២២ ប៉ុន្តែក៏ត្រូវពន្យារពេលម្តងហើយម្តងទៀតដល់ខែសីហាឆ្នាំ២០២៣ រួចក៏អូសបន្លាយដល់ខែសីហាឆ្នាំ២០២៤៕
អត្ថបទ៖ សុខ សុវណ្ណ
ចុចអាន៖ ក្រុមហ៊ូធី បាញ់កប៉ាល់អាមេរិក ក្នុងសមុទ្រយេម៉ែន បញ្ឆេះស្ថានការណ៍កាន់តែតានតឹង

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៨ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ