សេដ្ឋីនីអាមេរិកម្នាក់ លះបង់​ទ្រព្យ​ធនទាំង​អស់ មកប្រើជីវិតរស់នៅក្នុងឡានតូចមួយ

យោងតាម nypost បានដកស្រង់សម្ដីរបស់សេដ្ឋីនីម្នាក់​​ដែលបាននិយាយថា ​ការ​លក់​ផ្ទះ​របស់​នាង​និង​អ្វី​គ្រប់​យ៉ាង​ដែល​នាង​មាន​ដើម្បី​ផ្លាស់​ប្តូរ​ទៅរស់នៅ​ក្នុង​ឡាន​និង​ចាយប្រាក់៣០ ដុល្លារ​ក្នុង​មួយ​ថ្ងៃ គឺ​ជាការ​សម្រេច​ចិត្ត​ដ៏​ល្អ​បំផុតដែល​នាង​មិន​ធ្លាប់​ធ្វើពីមុនមកទេ។

Caitlin Pyle មហាសេដ្ឋីជនជាតិអាមេរិកអាយុ ៣៦ ឆ្នាំដែលមានទ្រព្យសម្បត្តិសុទ្ធចំនួន ៤ លានដុល្លារ ជាម្ចាស់អាជីវកម្មផ្ទាល់ខ្លួនរបស់នាង និងរស់នៅក្នុងផ្ទះប្រាំបីជាន់ក្នុងទីក្រុង Orlando រដ្ឋ Florida ជាមួយអតីតស្វាមី មុនពេលសម្រេចចិត្តលះបង់វាទាំងអស់ ដើម្បីក្លាយជាក្មេងស្រីធ្វើដំណើរជាមួយឡានជាទីស្រឡាញ់របស់នាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្ទះរបស់ Caitlin ដើមឡើយជាលំនៅដ្ឋានដ៏ប្រណិត ៨ ជាន់ ដែលមាន ១៨ បន្ទប់ រួមទាំងបន្ទប់គេង ៤ និងបន្ទប់ទឹក ៣ ក៏ដូចជាបន្ទប់លេងហ្គេម ក៏មានបន្ទប់សិល្បៈ និងសិប្បកម្មផងដែរ។ ប៉ុន្តែបន្ទាប់ពី Caitlin បានលែងលះប្តីរបស់នាងក្នុងឆ្នាំ ២០១៩ នាងបានសម្រេចចិត្តលក់អាជីវកម្មទាំងអស់។ នាងរកបាន ៤ លានដុល្លារពីការលក់អាជីវកម្មទាំងនោះ ហើយចាប់ផ្តើមដាក់ជីវិតទៅក្នុងទស្សនៈថ្មីមួយទៀត។

Caitlin បានទិញឡាន Mercedes Sprinter ក្នុងតម្លៃ ៨៨,០០០ដុល្លារ ហើយបានតុបតែងវាក្នុងតម្លៃ ១០២,០០០ដុល្លារ ដោយបន្ថែមលក្ខណៈពិសេសទៅឡានរបស់នាង និងរួមទាំងផ្ទះបាយផ្ទាល់ខ្លួន​ មានម៉ាស៊ីនផលិតទឹកផ្លែឈើ ម៉ាស៊ីនក្រឡុក និងឧបករណ៍ងាយស្រួលផ្សេងទៀតដែលត្រៀមរួចជាស្រេចជាមួយនាង។

បច្ចុប្បន្ន Caitlin បើកការកម្សាន្តនៅក្នុងរដ្ឋជាង ៨ នៅទូទាំងសហរដ្ឋអាមេរិក។ ជារឿយៗនាងធ្វើសកម្មភាពដែលនាងចាប់អារម្មណ៍ ដូចជាការឡើងភ្នំ ការជិះទូកក្តោងជាដើម។ នាងធ្លាប់និយាយថា “ខ្ញុំបានចេញពីការរស់នៅតែម្នាក់ឯងនៅក្នុងផ្ទះទទេដ៏ធំមួយ ក្លាយជាអ្នកធ្វើដំណើរពេញម៉ោង ជីវិតគឺជាការផ្សងព្រេងដែលអ្នកជ្រើសរើសសម្រាប់ខ្លួនអ្នក។ ខ្ញុំបានធ្វើទាំងអស់នេះ ដើម្បីផ្គាប់កូនចិត្តនៅក្នុងខ្លួនខ្ញុំ។ ខ្ញុំ​ចូលចិត្ត​ធ្វើ​ដំណើរ ហើយ​នេះ​ជា​ការ​សម្រេច​ចិត្ត​ដ៏​ល្អ​បំផុត​ដែល​ខ្ញុំ​មិន​ធ្លាប់​ធ្វើ”។

ទន្ទឹម​នឹង​នោះ​ដែរ​នាង​បាន​បង្ហើបឲ្យដឹង ជីវិតពេលនេះបានធ្វើឲ្យនាងកាន់តែមានទំនុកចិត្ត ហើយ​វា​ក៏​អនុញ្ញាត​ឲ្យនាង​ជួប​មិត្ត​ភក្តិ​ថ្មី​ ក៏ដូចជាទៅណាត់ជួបជាមួយបុរសម្នាក់។ រឿង​រ៉ាវ​ដែល​នាង​បាន​ជួប ​គឺ​ជា​ផ្នែក​មួយ​នៃ​ការ​រីក​ចម្រើន​ក្នុង​ជីវិត​របស់​នាង។

ទោះយ៉ាងណាក៏ដោយ បន្ទាប់ពីទទួលបានភាពជោគជ័យយ៉ាងឆាប់រហ័សតាំងពីអាយុ ២០ ឆ្នាំ Caitlin បានសាងសង់អាជីវកម្មការអានដោយជោគជ័យ និងរកបានជាង ១០០,០០០.០០ ដុល្លារក្នុងឆ្នាំដំបូងរបស់នាង ហើយ​ត្រូវ​ប្រឹង​ប្រែង​តាំង​ពី​ពេល​នោះ​មក រហូតក្លាយជាសេដ្ឋីនីមកដល់បច្ចុបន្បន្ន៕

អត្ថបទ៖ សាង ស្រីល័ក្ខ

ចុចអាន៖បុគ្គលិកក្នុងហាងមួយនៅអាមេរិក បានលុយធីប១ម៉ឺនដុល្លារពីភ្ញៀវ ក្រោមហេតុផលដ៏ភ្ញាក់ផ្អើល