សេដ្ឋីតៃវ៉ាន់វ័យ ៦២ឆ្នាំ ប្តឹង​តារាម៉ូដែលមួយរូប ដែលលោកខំចំណាយប្រាក់លើនាងរាប់សិបលានដុល្លារ

កាលពីពេលថ្មីៗនេះ មានសេចក្តីរាយការណ៍ពី​ forums បានបញ្ចាក់ថា មហាសេដ្ឋីតៃវ៉ាន់ លោក Alan Yu អាយុ ៦២ ឆ្នាំ ដែលជាស្ថាបនិកហាងកាហ្វេ Lollicup របស់អាមេរិក បានប្តឹងតារាម៉ូដែលអាយុ ២៨ ឆ្នាំម្នាក់ឈ្មោះ Sharon ក្រោមហេតុផលដែលរូបលោកតូចចិត្តនឹងនាង បន្ទាប់ពីបានចំណាយប្រាក់យ៉ាងច្រើនដើម្បីទាក់ទាញនាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍ដដែលបានគូសបញ្ចាក់ថា មហាសេដ្ឋីតៃវ៉ាន់ និងតារាម៉ូដែល Sharon បានជួបគ្នាជាលើកដំបូង នៅពេលនាងក្លាយជាទូតសម្រាប់ម៉ាកតែពពុះរបស់គាត់កាលពីឆ្នាំមុន។ លោក Alan បានលង់នឹង​សម្រស់នាងរហូតចង់​លែង​លះ​ប្រពន្ធ​ដើម្បី​នាងទៀតផង។ គាត់ក៏បានចំណាយប្រាក់ច្រើនជាង៤.៨ លានដុល្លារសិង្ហបុរី លើឡានទំនើប និងផ្ទះសម្រាប់នាង។

ទោះជាយ៉ាងណាក៏ដោយ Alan បានអះអាងថា Sharon បានចាប់ផ្តើមឃ្លាតឆ្ងាយពីគាត់។ លេសរបស់នាងគឺថានាងមករដូវ។ ពេលនោះលោកមានខឹងសម្បារយ៉ាងខ្លាំង រហូតសម្រេចចិត្តប្ដឹងនាងទាំងនៅតៃវ៉ាន់ និងសហរដ្ឋអាមេរិកពីបទឆបោកគាត់។

ចាប់តាំងពីពេលនោះមក តុលាការកំពូលបានរឹបអូសយកលុយសុទ្ធ , គ្រឿងអលង្ការ និងកាបូបប្រណីតពីផ្ទះរបស់ Sharon។ ​ក្រោយមក ប៉ូលិសបានរកឃើញសាច់ប្រាក់ចំនួន ២.១ លានដុល្លារសិង្ហបុរី និងរថយន្ត BMW ចំនួន ២.៤៥លានដុល្លារអាមេរិក នៅក្នុងផ្ទះល្វែងរបស់នាង។

ថ្វីបើដូច្នេះក៏ពិតមែន ប៉ុន្តែតារាម៉ូដែល Sharon បានបដិសេធការចោទប្រកាន់នេះ ហើយបានអះអាងថាលោក Alan បានស្ម័គ្រចិត្តផ្តល់របស់របរឲ្យនាង ដើម្បីជាការសុំទោសចំពោះការធ្វើខុស។​ មេធាវីរបស់នាងក៏បានអះអាងដែរថា ៤.៨លានដុល្លារសិង្ហបុរី គឺជារបស់ដែល Alan ធ្លាប់បានអង្វរ Sharon ហើយថា គាត់បានផ្តល់អំណោយដល់នាងដោយស្ម័គ្រចិត្ត។

ជាក់ស្តែង គាត់បានប្រាប់ Sharon ថា​គាត់នឹងផ្តល់អំណោយដល់នាង ហើយប្រាក់មួយចំនួនត្រូវបានផ្ទេរទៅក្នុងគណនីរបស់នាងនៅថ្ងៃបន្ទាប់។​​ មេធាវីរបស់ Sharon ក៏បានបញ្ជាក់ម្តងហើយម្តងទៀតថា Alan បានប្រព្រឹត្តខុសចំពោះ Sharon ប៉ុន្តែនាងមិនមានបំណងចង់ប្តឹងគាត់វិញទេ ខណៈដែលឧប្បត្តិហេតុបានកើតឡើងយូរពេក។ ពួក​គេ​បាន​បញ្ជាក់​ជា​ថ្មី​ថា លុយ​នោះ​ជា​អំណោយ​របស់​លោក Alan ហើយ​នឹង​ទុក​សំណុំ​រឿង​នេះ​ទៅ​ប៉ូលិសតែប៉ុណ្ណោះ៕

អត្ថបទ៖ សាង ស្រីល័ក្ខ

ចុចអាន៖​ស្ដេចថ្មីម៉ាឡេស៊ី ទិញ​ស្លាក​លេខរថយន្តមាស ក្នុង​តម្លៃ ៣១ម៉ឺនដុល្លារ