ព័ត៌មានអន្ដរជាតិ
ប្រជាជន ប្រេស៊ីល រាប់ពាន់នាក់ផ្ដុំគ្នាគាំទ្រអតីតប្រធានាធិបតី ក្រោយរងការចោទប្រកាន់រៀបចំធ្វើរដ្ឋប្រហារ
ប្រជាជនប្រេស៊ីលរាប់ពាន់នាក់បានប្រមូលផ្តុំគ្នាគាំទ្រអតីតប្រធានាធិបតីលោក Jair Bolsonaro ចំពេលមានការស៊ើបអង្កេតលើបទចោទប្រកាន់ថា គាត់ព្យាយាមរៀបចំរដ្ឋប្រហារ បន្ទាប់ពីលទ្ធផលចាញ់ការបោះឆ្នោតនៅឆ្នាំ ២០២២ ។នេះបើយោងតាមការចេញផ្សាយរបស់សារពត៌មាន Al Jazeera នៅថ្ងៃទី២៦ ខែកុម្ភៈ ។
![](https://www.kampucheathmey.com/wp-content/uploads/2024/02/65dbcaf2290f6.png)
លោក Bolsonaro បានកៀរគរឲ្យមានការប្រមូលផ្តុំគ្នានៅក្នុងទីក្រុង Sao Paulo បន្ទាប់ពីត្រូវបានកំណត់គោលដៅដោយការវាយឆ្មក់របស់ប៉ូលិសកាលពីដើមខែនេះ ដើម្បីបដិសេធការចោទប្រកាន់មកលើរូបលោកពីបទធ្វើរដ្ឋប្រហារ ជាពិសេសការរារាំងរូបលោកមិនឲ្យស្វែងរកតំណែងប្រធានាធិបតីរយៈពេល ៨ ឆ្នាំរហូតដល់ឆ្នាំ ២០៣០ ។ លោកបានលើកឡើងថា “លោកមិនអាចទទួលយកបានទេ ហើយថា អាជ្ញាធរអាចលុបបំបាត់អ្នកណាចេញពីឆាកនយោបាយបាន លុះត្រាតែមានហេតុផលត្រឹមត្រូវ” ។
ក្រុមអ្នកតវ៉ាបានស្លៀកពាក់ពណ៌លឿង និងបៃតង ដែលជាពណ៌ទង់ជាតិរបស់ប្រទេសប្រេស៊ីល ខណៈលោក Bolsonaro បានធ្វើការជួបជុំនេះ ដោយសារតែលោកប្រឈមមុខនឹងផ្លូវច្បាប់ជាបន្តបន្ទាប់ ហើយអាចប្រថុយនឹងការជាប់ពន្ធនាគារផងដែរ ។
![](https://www.kampucheathmey.com/wp-content/uploads/2024/02/Bolsonaro.jpg)
គួរបញ្ជាក់ថា ប៉ូលិសក្នុងប្រទេសប្រេស៊ីលបានរឹបអូសយកលិខិតឆ្លងដែនរបស់អតីតប្រធានាធិបតីកាលពីដើមខែនេះ បន្ទាប់ពីបានចោទប្រកាន់គាត់ថា បានកែសម្រួលសេចក្តីព្រាងមួយដើម្បីលុបចោលលទ្ធផលបោះឆ្នោត បន្ទាប់ពីលោកចាញ់ឆ្នោតលោកប្រធានាធិបតី Luiz Inacio Lula da Silva ក្នុងឆ្នាំ ២០២២ និងបានដាក់សម្ពាធមេយោធារូបនេះឲ្យចូលរួមក្នុងការប៉ុនប៉ងធ្វើរដ្ឋប្រហារ ។
ទន្ទឹមនោះ អតីតនាយករដ្ឋមន្ត្រីរូបនេះក៏កំពុងប្រឈមមុខនឹងការស៊ើបអង្កេតជាច្រើនទៀតផងដែរ ដូចជាការក្លែងបន្លំវិញ្ញាបនបត្រចាក់ថ្នាំបង្ការជំងឺកូវីដ ១៩ និងការក្លែងបន្លំអំណោយដែលទទួលបានពីប្រទេសផ្សេងទៀត ដូចជាគ្រឿងអលង្ការដែលផ្តល់ដោយអារ៉ាប៊ីសាអូឌីត ។
ដោយឡែកអ្នកគាំទ្ររបស់លោក Bolsonaro រាប់រយនាក់ក៏ត្រូវបានចាប់ខ្លួន និងប្រឈមមុខការចោទប្រកាន់ពីបទលុកលុយ និងរឹបអូសវិមានប្រធានាធិបតី តុលាការកំពូល និងសភាប្រេស៊ីលកាលពីថ្ងៃទី៨ ខែមករា ឆ្នាំ២០២៣ មួយសប្តាហ៍ បន្ទាប់ពីលោក Lula ចូលកាន់តំណែង ៕
![](https://www.kampucheathmey.com/wp-content/uploads/2024/02/2024-02-25T203000Z_182594254_RC2W96ADNMCG_RTRMADP_3_BRAZIL-POLITICS-BOLSONARO-1708909988.webp)
អត្ថបទ ៖ ប៊ុន សុភាព
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក