ព័ត៌មានអន្ដរជាតិ
រកឃើញ Black Hole មួយទៀត មានពណ៌ក្រហមឆ្អិនឆ្អៅ ធ្ងន់ជាងព្រះអាទិត្យ ៤០លានដង
យោងតាមការចុះផ្សាយរបស់គេហទំព័រ Space.com នៅថ្ងៃពុធទី២៨ខែកុម្ភៈ, ក្រុមតារាវិទូ បានប្រើតេលេស្កូបអវកាស James Webb រកឃើញ Black Hole ដ៏ធំមហិមាមានពណ៌ក្រហមឆ្អិនឆ្អៅព័ទ្ធជុំវិញ និងមានម៉ាស់ធ្ងន់ជាងព្រះអាទិត្យ៤០លានដង ហើយវាកកើតឡើងកាលពេលចក្រវាល ស្ថិតនៅអាយុកាលវ័យក្មេងនៅឡើយ។
តាមការឲ្យដឹងពីក្រុមអ្នកវិទ្យាសាស្រ្តអ៊ីស្រាអែល, Black Hole ដ៏ធំមហិមានេះ គឺបានកើតឡើងក្រោយព្រឹត្តិការណ៍ Big Bang ប្រហែល៧០០លានឆ្នាំ ហើយមានចែងចាំងពន្លឺពណ៌ក្រហមឆ្អិនឆ្អៅនៅជុំវិញវាថែមទៀត។
ដោយពិនិត្យមើលទិន្នន័យពីតេលេស្កូប James Webb, ក្រុមតារាសាស្ត្រ ដែលដឹកនាំដោយលោក Lukas Furtak និង Adi Zitrin នៃសាកលវិទ្យាល័យ Ben-Gurion នៅតំបន់ Negev ប្រទេសអ៊ីស្រាអែល ក៏អាចកំណត់ម៉ាស់នៃ Black Hole នេះបានផងដែរ ពោលគឺវាធ្ងន់ជាងព្រះអាទិត្យ៤០លានដង ហើយវាមានទំហំធំបំផុត មិនអាចប្រៀបផ្ទឹមបាន បើធៀបទៅនឹងកាឡាក់ស៊ីផ្សេង។
ក្រុមអ្នកវិទ្យាសាស្រ្តក៏បានរកឃើញផងដែរថា Black Hole នេះស្ថិតនៅចម្ងាយប្រហែល ១២.៩ពាន់លានឆ្នាំពន្លឺពីភពផែនដី ហើយវាកំពុងតែសាយភាយឧស្ម័ននិងធូលីនៅជុំវិញវាយ៉ាងក្រាស់ ជាហេតុនាំឲ្យវាប្រែក្លាយទៅជាពណ៌ក្រហម ខណៈគេសន្និដ្ឋានថា វាកំពុងរីកមាឌថែមទៀត។
លោក Furtak បាននិយាយក្នុងសេចក្តីប្រកាសព័ត៌មានមួយថា “យើងរំភើបចិត្ត នៅពេលតេលេស្កូប James Webb ចាប់ផ្តើមបញ្ជូនទិន្នន័យដំបូងរបស់ Black Hole នេះមកឲ្យយើង។ យើងកំពុងស្កេនទិន្នន័យដែលបានមកដល់សម្រាប់កម្មវិធី UNCOVER ហើយវាពិតជាទាក់ភ្នែករបស់យើងណាស់។ យើងនឹងបន្តសិក្សាឲ្យកាន់តែលម្អិតជាងនេះ ពាក់ព័ន្ធ Black Hole ខាងលើ”។
សូមបញ្ជាក់ថា ការរកឃើញនេះ កើតឡើងមួយសប្តាហ៍ បន្ទាប់ពីក្រុមតារាវិទូ បានរកឃើញវត្ថុភ្លឺបំផុតនៅក្នុងចក្រវាល ដោយពួកគេចាត់ទុកថា នោះជា Black Hole កំណាច ដែលមួយថ្ងៃ ស៊ីផ្កាយអស់មួយ។
Black Hole នោះ ត្រូវបានគេឲ្យឈ្មោះ J0529-4351 ស្ថិតនៅចម្ងាយ១២ពាន់លានឆ្នាំពន្លឺពីប្រព័ន្ធព្រះអាទិត្យរបស់យើង និងធ្ងន់ជាងព្រះអាទិត្យប្រហែល១៧ពាន់លានដង ហើយក៏មានពន្លឺភ្លឺជាងព្រះអាទិត្យ ៥០០ទ្រីលានដងផងដែរ។
J0529-4351 ត្រូវបានរកឃើញដោយក្រុមអ្នកវិទ្យាសាស្រ្តដឹកនាំដោយសាស្ត្រាចារ្យរង Christian Wolf នៅសាកលវិទ្យាល័យជាតិអូស្ត្រាលី (ANU) ក្នុងទីក្រុងកង់បេរ៉ា៕
អត្ថបទ៖ សុខ សុវណ្ណ
ចុចអាន៖ រកឃើញ Black Hole កំណាច មួយថ្ងៃ ស៊ីផ្កាយអស់មួយ និងភ្លឺជាងព្រះអាទិត្យ ៥០០ទ្រីលានដង
ក្នុងមួយឆ្នាំ២០២៤ ការដឹកជញ្ជូនសំរាមយកទៅចាក់ និងដុតកម្ទេចចោលនៅទីលានចាក់សំរាមដង្កោចំនួន ១.២៤៨.៣៩១,៨១តោន
លោក ជួន ណារិន្ទ ព្រមានលុបឈ្មោះមន្ត្រីនគរបាលចរាចរណ៍ដែលអនុវត្តល្មើសវិន័យ
ទ្រព្យសម្បត្តិមហាសេដ្ឋីពិភពលោក កើនដល់ ១៥ ទ្រីលានដុល្លារក្នុងឆ្នាំ ២០២៤
ការស្រាវជ្រាវនៅឧទ្យានជាតិវីរៈជ័យ ប្រទះរកឃើញឈ្លូសយក្ស ប្រភេទសត្វជិតផុតពូជនៅកម្ពុជា
ក្រុមហ៊ុនអាកាសចរណ៍ជាតិ កម្ពុជា អង្គរ អ៊ែរ ប្ដូរឈ្មោះដាក់ទៅជា «អាកាសចរណ៍ជាតិកម្ពុជា»
ចូលកាន់តំណែងភ្លាម លោក ត្រាំ ប្រកាសអាសន្ននៅព្រំដែនជាប់ ម៉ិកស៊ិក ភ្លែត
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
Elon Musk សប្បាយអរជាងគេជាងឯង ពេលឮ ត្រាំ សន្យាដាក់ទង់ជាតិអាមេរិកលើភពអង្គារ
សហភាពអឺរ៉ុបរកឃើញសំណល់ថ្នាំកសិកម្មលើសកម្រិត ក្នុងអង្ករកម្ពុជា ខណៈអង្ករមួយចំនួនត្រូវដឹកត្រឡប់មកវិញ
TASS: ត្រាំបញ្ជាឲ្យរៀបចំសន្ទនាតាមទូរស័ព្ទជាមួយ ពូទីន នៅថ្ងៃឡើងកាន់អំណាច
-
ព័ត៌មានអន្ដរជាតិ៤ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ចរាចរណ៍១ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានជាតិ៧ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម១ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៥ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៤ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៥ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៥ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ