ព័ត៌មានអន្ដរជាតិ

ចិន ជោគជ័យដំណើរការតាក់ស៊ីលើអាកាស ដឹកភ្ញៀវបាន ៥ នាក់ក្នុងល្បឿន ២០០ គីឡូម៉ែត្រក្នុងមួយម៉ោង

បានផុស

៩ ខែ មុន

នៅ

ថ្ងៃពុធ ២៨ កុម្ភៈ ២០២៤

ដោយ

ប្រភេទយន្តហោះតាក់ស៊ីអគ្គិសនីឈ្មោះ eVTOL ថ្មីៗនេះបានបំពេញបេសកកម្មហោះហើរលើកដំបូងរបស់ខ្លួនក្នុងប្រទេសចិន ក្នុងនាមជាតាក់ស៊ីលើអាកាសហោះពីទីក្រុងមួយទៅទីក្រុងមួយបានដោយជោគជ័យ ។ នេះបើតាមការចុះផ្សាយរបស់សារព័ត៌មានចិន China Daily ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានដដែលបានឲ្យដឹងថា តាក់ស៊ីហោះនេះបានចាប់ពីថ្ងៃទី២៧ ខែកុម្ភៈ ឆ្នាំ២០២៤ ដោយផ្តើមចេញពីកំពង់ផែ Shekou នៃទីក្រុង Shenzhen ទៅកាន់កំពង់ផែ Jiuzhou នៃទីក្រុង Zhuhai ដែលមានព្រំដែនជាប់ហុងកុងទៅកាន់ភាគខាងត្បូងខេត្ត Guandong ជាប់ទឹកដីម៉ាកាវ ហើយប្រតិបត្តិការហោះហើរនេះ ប្រើរយៈពេល ២០ នាទី ក្នុងរយៈចម្ងាយហោះហើរ ៥៥ គីឡូម៉ែត្រ ។

សម្រាប់ប្រភេទយន្តហោះតាក់ស៊ីដើរដោយអគ្គិសនី eVTOL នេះ អភិវឌ្ឍដោយក្រុមហ៊ុនបច្ចេកវិទ្យាមួយឈ្មោះ Prosperity ហើយវាមានសមត្ថភាពហោះរយៈចម្ងាយបាន ២៥០ គីឡូម៉ែត្រ និងអាចដឹកអ្នកដំណើរបាន ៥ នាក់ ជាមួយនឹងសមត្ថភាពហោះហើរល្បឿនដល់ ២០០ គីឡូម៉ែត្រក្នុង ១ ម៉ោង ។