ព័ត៌មានអន្ដរជាតិ
Joe Biden និង Netanyahu និយាយទូរស័ព្ទជាមួយគ្នាលើកដំបូងផ្តោតលើសារៈសំខាន់មួយចំនួន
លោក Joe Biden បានជួបសន្ទនាតាមទូរស័ព្ទជាផ្លូវការលើកដំបូងជាមួយលោក Benjamin Netanyahu ។ នេះបើតាមការបញ្ជាក់ពីសេតវិមានកាលពីថ្ងៃពុធបន្ទាប់ពីមានសំណួរចោទសួរថាតើប្រធានាធិបតីសហរដ្ឋអាមេរិកកំពុងព្យាយាមផ្ញើសារទៅនាយករដ្ឋមន្រ្តីអ៊ីស្រាអែលដើម្បីពន្យារពេលការហៅទូរស័ព្ទនេះឬក៏យ៉ាងណា ។
លោក Biden បានប្រាប់អ្នកយកព័ត៌មាននៅឯសេតវិមានថា លោកមានការសន្ទនាល្អជាមួយលោក Netanyahu កាលពីថ្ងៃពុធ ។
នេះគឺជាការហៅទូរស័ព្ទលើកដំបូងរបស់លោក Biden ទៅកាន់មេដឹកនាំនៅមជ្ឈិមបូព៌ាចាប់តាំងពីលោកបានចូលកាន់តំណែងកាលពីថ្ងៃទី ២០ ខែមករាដែលបង្ហាញពីសារៈសំខាន់នៃទំនាក់ទំនងរវាងសហរដ្ឋអាមេរិក និងអ៊ីស្រាអែលដែលមានភាពរឹងមាំអស់រយៈពេលជាច្រើនទសវត្សមកហើយ ។
សេតវិមានបាននិយាយនៅក្នុងសេចក្តីថ្លែងការណ៍មួយអំពីការហៅទូរស័ព្ទនេះថា លោក Biden និងលោក Netanyahu បានពិភាក្សាពីសារៈសំខាន់នៃការបន្តពិគ្រោះយោបល់យ៉ាងជិតស្និទ្ធលើបញ្ហាសន្តិសុខក្នុងតំបន់រួមទាំងអ៊ីរ៉ង់ ។
សេចក្តីថ្លែងការណ៍នោះបាននិយាយថា “មេដឹកនាំទាំងពីរបានកត់សម្គាល់ពីទំនាក់ទំនងផ្ទាល់ខ្លួនដ៏យូរអង្វែងរបស់ពួកគេ ហើយបាននិយាយថា ពួកគេនឹងធ្វើការរួមគ្នាដើម្បីបន្តពង្រឹងសម្ព័ន្ធភាពខ្ជាប់ខ្ជួនរវាងអ៊ីស្រាអែល និងសហរដ្ឋអាមេរិក” ។
លោកប្រធានាធិបតីបានសង្កត់ធ្ងន់លើការគាំទ្ររបស់សហរដ្ឋអាមេរិកចំពោះការធ្វើឲ្យប្រក្រតីនូវទំនាក់ទំនងរវាងអ៊ីស្រាអែល និងបណ្តាប្រទេសនៅក្នុងពិភពអារ៉ាប់ និងមូស្លីម ។ គាត់បានសង្កត់ធ្ងន់លើសារៈសំខាន់នៃការធ្វើការដើម្បីជំរុញសន្តិភាពនៅទូទាំងតំបន់រួមទាំងរវាងអ៊ីស្រាអែល និងប៉ាឡេស្ទីន ។
ទន្ទឹមនោះលោក Biden ក៏បានផ្តល់ការគាំទ្រយ៉ាងខ្លាំងដល់កិច្ចព្រមព្រៀង Abraham ដែលជាកិច្ចព្រមព្រៀងភាពប្រក្រតីខាងការទូតដែលត្រូវបានរំលោភដោយរដ្ឋបាលរបស់លោក Donald Trump រវាងអ៊ីស្រាអែល និងបារ៉ែន អារ៉ាប់រួម ស៊ូដង់ និងម៉ារ៉ុក ។
រដ្ឋបាលរបស់លោក Biden បាននិយាយថា ខ្លួននឹងពិនិត្យមើលការប្តេជ្ញាចិត្តរបស់សហរដ្ឋអាមេរិកដែលជាផ្នែកមួយនៃកិច្ចព្រមព្រៀងនេះ ។
ជាមួយគ្នានេះដែរការិយាល័យរបស់លោក Netanyahu បាននិយាយនៅក្នុងសេចក្តីថ្លែងការណ៍របស់ខ្លួនថា លោក Biden បានសរសើរនាយករដ្ឋមន្រ្តីអ៊ីស្រាអែលចំពោះកិច្ចខិតខំប្រឹងប្រែងដើម្បីប្រយុទ្ធប្រឆាំងនឹងជំងឺកូវីដ ១៩ ហើយបាននិយាយថាអ្នកទាំងពីរបានផ្លាស់ប្តូរគំនិតស្តីពីមធ្យោបាយនានាដើម្បីដោះស្រាយជាមួយនឹងជំងឺរាតត្បាតនេះ ។
គួរបញ្ជាក់ថា លោក Biden បាននិយាយជាមួយមេដឹកនាំពិភពលោកមួយចំនួនចាប់តាំងពីក្លាយជាប្រធានាធិបតីដែលរួមមាននាយករដ្ឋមន្រ្តីកាណាដាលោក Justin Trudeau នាយករដ្ឋមន្រ្តីអង់គ្លេសលោក Boris Johnson ប្រធានាធិបតីរុស្ស៊ី Vladimir Putin និងប្រធានាធិបតីចិន Xi Jinping ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ Joe Biden និង Xi Jinping និយាយទូរស័ព្ទជាមួយគ្នាលើកដំបូងផ្តោតលើបញ្ហាសំខាន់ៗ
ចុចអាន ៖ អាមេរិកលក់អាវុធឲ្យអេហ្ស៊ីប ទោះប្រទេសនេះរំលោភសិទ្ធិមនុស្សក៏ដោយ
-
ព័ត៌មានជាតិ៧ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៧ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ២ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៥ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ១ សប្តាហ៍ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានអន្ដរជាតិ៣ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ២១ ម៉ោង ago
លោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ២២ ម៉ោង ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព