ព័ត៌មានអន្ដរជាតិ
ស្រ្តី កូរ៉េខាងត្បូង មួយចំនួនប្រាប់ហេតុផលមិនចង់យកកូន ទោះប្រទេសជួបអត្រាកំណើតធ្លាក់ចុះ
បញ្ហាស្រ្តីនៅកូរ៉េខាងត្បូងពុំចង់មានកូន បានក្លាយជារឿងឈឺក្បាលមួយទៀតរបស់រដ្ឋាភិបាលកូរ៉េខាងត្បូង ស្របពេលដែលអត្រាកំណើតកំពុងធ្លាក់ចុះ ស្របពេលប្រជាជនឈានវ័យចំណាស់ក៏មានច្រើនទៅទៀត ។ នេះបើតាមការចុះផ្សាយរបស់សារព័ត៌មានអង់គ្លេស BBC ។
ពាក់ព័ន្ធនឹងបញ្ហានេះដែរ ប្រភពសារព័ត៌មានអង់គ្លេសខាងលើបានលើកបង្ហាញនូវករណីចុះស្រាវជ្រាវ និងសម្ភាសមួយចំនួន បង្ហាញមូលហេតុដើមដែលនារីៗកូរ៉េលែងចង់បានកូន ។
បុរសៗនៅកូរ៉េមិនសូរគិតគូរជួយការងារប្រពន្ធកូន
កញ្ញា Yejin វ័យ ៣០ ឆ្នាំជាផលិតករទូរទស្សន៍បានឲ្យដឹងថា កញ្ញាក៏ដូចជាមិត្តភ័ក្តិនាងផ្សេងៗទៀត មានផែនការច្បាស់ៗថា មិនយកកូននោះទេ ហើយក៏មិនរៀបការនោះដែរ ។ ហេតុផលសំខាន់ៗដែលក្រុមនាងបានលើកឡើង គឺនៅកូរ៉េ បុរសៗជាច្រើនពុំសូវមានអ្នកចូលរួមធ្វើកិច្ចការងារផ្ទះ ឬនៅមើលថែកូននោះឡើយ ហើយនេះជាបញ្ហាចម្បងដែលស្រ្តីនៅកូរ៉េតែងខ្វល់ខ្វាយ ។ បន្ថែមពីនោះ ស្រ្តីនៅកូរ៉េជាច្រើនមមាញឹកនឹងការងារដល់យប់អាធ្រាត ដូច្នេះពួកគេភាគច្រើនផ្តោតលើការងារច្រើន ដូច្នេះពេលខ្លះ ពេលវេលាមានតិចតួចប៉ុណ្ណោះសម្រាប់ការចំណាយពេលចិញ្ចឹមមើលថែកូន។
មិនតែប៉ុណ្ណោះ កញ្ញា Yejin ក៏បានលើកឡើងទៀតថា “គឺមានសម្ពាធពីបណ្តាក្រុមហ៊ុនធ្វើការផងដែរ នៅពេលបុគ្គលិកស្រ្តីមានកូន ពួកយើងត្រូវតែឈប់ពីការងារ” ។ ការលើកឡើងនេះ Yejin ចង់សម្តៅលើការលំហែមាតុភាព ដែលក្រុមហ៊ុនជាច្រើននៅកូរ៉េច្រើនដាក់សម្ពាធលើនារីៗ ឲ្យពិបាកក្នុងការវិលត្រឡប់មកធ្វើការវិញ ក្រោយពេលសម្រាលកូនរួច ហើយនេះវាបានកើតឡើងលើបងស្រីរបស់នាង ក៏ដូចជាបុគ្គលគំរូក្នុងចិត្តរបស់នាងពីរនាក់ទៀត ជាអ្នកអត្ថាធិបាយព័ត៌មាន ក៏ជួបបញ្ហានេះដែរ ។
ថ្លៃចំណាយសម្រាប់ការចិញ្ចឹមកូនថ្លៃ
ដោយឡែក បទសម្ភាស BBC ជាមួយអ្នកនាង Stella Sin ជាគ្រូបង្រៀនភាសាដល់កុមារតូចៗអាយុ ៥ ឆ្នាំបានលើកឡើងថា អ្នកនាង និងស្វាមីរៀបការនឹងគ្នារយៈពេល ៦ ឆ្នាំមកហើយ ប៉ុន្តែមកទល់ពេលនេះ នាងនៅតែសម្រេចចិត្តមិនទាន់យកកូននៅឡើយទេ ដោយមូលហេតុធំៗ ២ ។ មូលហេតុទី១ គឺកត្តាជីវភាព ព្រោះថា ការមានកូនត្រូវចំណាយច្រើន ហើយស្របនឹងជីវភាពប្តីប្រពន្ធរបស់អ្នកនាងដែលរស់នៅក្នុងទីក្រុងសេអ៊ូលមានតម្លៃថ្លៃត្រូវចំណាយខ្ពស់ រហូតដល់អ្នកនាង និងគ្រួសារផ្លាស់មកនៅជាយក្រុងក៏នៅតែពុំមានលទ្ធភាពអាចមានផ្ទះរស់នៅផ្ទាល់ខ្លួនបាន ។
មូលហេតុទី ២ ការចំណាយពេលរយៈពេល ២ ទៅ ៣ ឆ្នាំក្នុងការមើលថែកូនតូច ក៏ដូចជាការត្រៀមចំណាយឲ្យកូនៗចូលសាលារៀន ដែលហោចណាស់ជាមធ្យមត្រូវចំណាយខ្ទង់ ៨៩០ ដុល្លារឯណោះ ដោយសារតែអ្នកនាង Stella ជាគ្រូបង្រៀនផ្ទាល់ ទើបអ្នកនាងដឹងច្បាស់ពីបញ្ហាទាំងអស់នេះ ។ “ពេលក្មេងៗត្រូវចូលរៀន ពួកគេត្រូវរៀន បើមិនដូច្នោះទេ ពួកគេនឹងពិបាក ។ នៅពេលខ្ញុំនៅក្បែរក្មេងៗ ពិតណាស់ប្រាកដជាចង់បានកូនដែរ ប៉ុន្តែខ្ញុំជាអ្នកបង្រៀនក្មេងផ្ទាល់ ខ្ញុំដឹងរឿងច្រើនណាស់” ។
ស្វាមីមិនសូវយកចិត្តទុកដាក់ជួយមើលថែកូន
ករណីសម្ភាសមួយទៀត ជាមួយលោកស្រី Jungyeon Chun ដែលសព្វថ្ងៃអ្នកស្រីមានកូន ២ នាក់ គឺកូនស្រីអាយុ៧ ឆ្នាំម្នាក់ និងកូនប្រុសអាយុ ៤ ឆ្នាំម្នាក់ ។ លោកស្រី Chun បានឲ្យដឹងថា រៀងរាល់ថ្ងៃលោកស្រីត្រូវមើលថែកូនទាំងពីរសឹងនឿយហត់តែម្នាក់ឯង ហើយស្វាមីរបស់លោកស្រីសឹងតែចំណាយពេលពេញមួយថ្ងៃធ្វើការរហូតដល់ពេលយប់ទើបបានមកដល់ផ្ទះ ។
“ខ្ញុំគិតថា ការសម្រេចចិត្តមានកូនទៀត ពុំមែនជាគោលដៅខ្ញុំទៀតទេ ។ អ្វីដែលខ្ញុំគិតសំខាន់បំផុតពេលនេះ គឺអាចត្រឡប់ទៅធ្វើការងារវិញឲ្យបានកាន់តែឆាប់” ។ នេះបើតាមការលើកឡើងរបស់អ្នកស្រី Jungyeon Chun ។
បន្ថែមពីនោះលោកស្រីក៏បញ្ជាក់បន្ថែមថា ពេលខ្លះនាងពិតជាខឹង ក៏ដោយសារតែស្វាមីលោកស្រីពុំមានពេល ក៏ដូចជាចូលរួមជួយទាំងកិច្ចការងារផ្ទះ ឬការងារមើលថែកូនៗឡើយ។ “ខ្ញុំពិតជាខឹងមែន។ ខ្ញុំក៏រៀនសូត្របានល្អ ហើយក៏បានបង្រៀនដែរថា មនុស្សស្រីមានភាពស្មើគ្នានឹងបុរស ហើយសកម្មភាពនេះខ្ញុំពិតជាមិនអាចទទួលយកបានទេ”។ អ្នកស្រី Chun បានបន្ថែម ។
គួររំឭកផងដែរថា ដោយសារបញ្ហាមិនយកកូននេះ រដ្ឋាភិបាលកូរ៉េក៏កំពុងព្យាយាមរិះរកយន្តការផ្សេងៗទៀតដើម្បីដោះស្រាយ បន្ទាប់ពីការប្រើប្រាស់យុទ្ធសាស្រ្តសម្រួលជាសេវាចំណាយផ្សេងៗដល់គ្រួសារដែលមានកូន ប៉ុន្តែនៅពុំមានប្រសិទ្ធិភាព ។ កូរ៉េខាងត្បូងជាប្រទេសដែលមានអត្រាកំណើតទាបជាងគេបំផុតនៅលើពិភពលោក ហើយក៏នៅបន្តធ្លាក់ចុះក្នុងរយៈពេលជាប់ៗគ្នា ។
ប្រសិនបើនិន្នាការនេះនៅបន្តជាប់នាពេលខាងមុខ នោះចំនួនប្រជាជននឹងអាចថមថយមកត្រឹមពាក់កណ្តាលនៃចំនួនប្រជាជនបច្ចុប្បន្នដែលមានជាង ៥១ លាននាក់ ។ គេប៉ាន់ស្មានថា គ្រួសារនីមួយៗនៅកូរ៉េខាងត្បូងត្រូវបានលើកទឹកចិត្តឲ្យមានកូនយ៉ាងហោចចាប់ពី ២ នាក់ឡើង ទើបអាចរក្សាស្ថិរភាពចំនួនប្រជាជនបច្ចុប្បន្ននេះទៅនឹងស្ថានភាពប្រទេសបាន ៕
ដោយ៖ មាន រតនា
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៨ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ