ព័ត៌មានអន្ដរជាតិ

ចិន ជោគជ័យបាញ់ផ្កាយរណបផ្ដល់សេវាអ៊ីនធឺណិតទៅទីអវកាសលើកទី ៥១០

បានផុស

១ year មុន

នៅ

ថ្ងៃសុក្រ ១ មីនា ២០២៤

ដោយ

ទីភ្នាក់សារព័ត៌មានចិន Xinhua បានឲ្យដឹងថា ប្រទេសចិនបានបាញ់បញ្ជូនផ្កាយរណបសេវាអ៊ីនធឺណិតមួយចូលទៅលើគន្លងអវកាសបានដោយជោគជ័យកាលពីថ្ងៃព្រហស្បតិ៍ ទី២៩ ខែកុម្ភៈ ឆ្នាំ២០២៤ កន្លងទៅនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ព័ត៌មានជាតិចិនដដែលនេះបានឲ្យដឹងថា ការបាញ់បញ្ជូនផ្កាយរណបទៅទីអវកាស ធ្វើឡើងនៅមជ្ឈមណ្ឌលផ្កាយរណប Xichang ភាគនិរតីនៃខេត្ត Sichuan ។ ផ្កាយរណបបានបាញ់ចេញនាម៉ោង ០៩ និង ០៣នាទីយប់ ដោយភ្ជាប់ទៅនឹងកាំជ្រួចមួយគ្រឿងប្រភេទ Long March-3B ហើយបានហោះចូលគន្លងដែលព្រាងរៀបចំបានដូចការគិត។

នេះមិនមែនជាលើកទី ១ នោះទេ ដែលប្រទេសចិនទទួលបានជោគជ័យលើកិច្ចការងារ និងការស្រាវជ្រាវទីអវកាស ពោលសម្រាប់ការបង្ហោះផ្កាយរណបរត់ដោយកាំជ្រួចប្រភេទ Long March នេះ គឺជាលើកទី ៥១០ ហើយចំពោះបេសកកម្មបាញ់បញ្ជូនផ្កាយរណបទៅទីអវកាសរបស់ចិន ។

គួររំឭកថា គិតមកទល់បច្ចុប្បន្នប្រទេសចិនមានផ្កាយរណបប្រតិបត្តិការប្រមាណ ៤៩៣ កំពុងស្ថិតនៅលើអវកាស តាមពីក្រោយសហរដ្ឋអាមេរិក ដែលមានផ្កាយរណបដំណើរការនៅលើអវកាសប្រមាណ ២,៩២៦ ៕