ដុំអាចម៌ផ្កាយដ៏ធំ បង្ហាញខ្លួននៅប្រទេស ថៃ

ក្រោយមានការចែកចាយតៗគ្នា នូវឃ្លីបវីដេអូអំពីដុំភ្លើងហោះបំភ្លឺមេឃពេលរាត្រីក្នុងប្រទេសថៃ កាលពីថ្ងៃចន្ទទី៤ខែមីនា ពេលនេះ អ្នកជំនាញនៅសមាគមតារាសាស្ត្រថៃ លោក Wimut Wasalai បានចេញមុខបញ្ជាក់ថា ដុំភ្លើងយក្សដែលគេឃើញនៅខេត្តភាគកណ្តាលនោះ គឺជាអាចម៍ផ្កាយដ៏ធំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាក់ទងនឹងព័ត៌មាននេះ អ្នកលេងបណ្តាញសង្គមថៃជាច្រើន ក្រោយពេលមើលវីដេអូរួច ក៏បានបញ្ចេញមតិខុសៗគ្នាតាមការយល់ឃើញរបស់ពួកគេ។

តាមពិតទៅដំបូងឡើយពេលដែលឃ្លីបនេះ ត្រូវបានគេចែកចាយនិងពិភាក្សាគ្នា គាត់ក៏មិនច្បាស់ដែរថាតើនោះជាអ្វីឲ្យប្រាកដ ប៉ុន្តែគាត់បានដាក់ការសន្និដ្ឋានថា ដុំភ្លើងនោះអាចជាអាចម៍ផ្កាយ បំណែកផ្កាយរណប រ៉ុកកែត ឬយានអវកាស។

ទោះបីជាយ៉ាងណាក៏ដោយ បន្ទាប់ពីបានពិនិត្យកំណត់ត្រាជាក់លាក់ដោយសហការជាមួយអ្នកជំនាញអវកាសអាមេរិកឈ្មោះ Jonathan McDowell, លោក Wimut បញ្ជាក់ថា ច្បាស់ណាស់ដុំភ្លើងដ៏ភ្លឺនោះ គឺជាអាចម៍ផ្កាយដ៏ធំមួយ។

សូមបញ្ជាក់ថា នេះមិនមែនជាលើកដំបូងឡើយដែលប្រទេសថៃ ជួបបាតុភូតអាចម៌ផ្កាយ ជាក់ស្តែង កាលពីខែវិច្ឆិកាឆ្នាំមុន អាចម៍ផ្កាយឈ្មោះ Leonid ក៏បានបំភ្លឺមេឃក្នុងប្រទេសថៃដែរ ដែលបង្កការភ្ញាក់ផ្អើលជាខ្លាំង៕

អត្ថបទ៖ សុខ សុវណ្ណ

ចុចអាន៖ ណាសា ជោគជ័យបាញ់បង្ហោះយានអវកាស ទៅកាន់អាចម៍ផ្កាយ ដែលមានតម្លៃ សមល្មមឲ្យមនុស្សមួយផែនដី ក្លាយជាមហាសេដ្ឋី