ព័ត៌មានអន្ដរជាតិ
លើកដំបូង! ក្រុមហ៊ូធី វាយប្រហារកប៉ាល់ពាណិជ្ជកម្ម បណ្តាលឲ្យមាននាវិកស្លាប់
តាមការចុះផ្សាយរបស់ Fox News, យោធាអាមេរិកអះអាងថា នាវិក៣នាក់ត្រូវបាត់បង់ជីវិត ក្នុងការវាយប្រហាររបស់ក្រុមហ៊ូធី លើកប៉ាលពាណិជ្ជកម្ម True Confidence ក្នុងឈូងសមុទ្រ Aden នៃប្រទេសយេម៉ែន កាលពីថ្ងៃពុធទី៦ខែមីនា ហើយនេះគឺជាលើកដំបូងហើយ ដែលការវាយប្រហាររបស់ក្រុមហ៊ូធី ឈានដល់បណ្តាលឲ្យនាវិកស្លាប់ ចាប់តាំងពីខ្លួនធ្វើសកម្មភាពប្រឆាំងកប៉ាល់ពាណិជ្ជកម្ម ក្នុងដែនទឹកអន្តរជាតិ។
![](https://www.kampucheathmey.com/wp-content/uploads/2024/03/image-313.png)
កប៉ាល់ True Confidence គឺជាកម្មសិទ្ធិរបស់ក្រុមហ៊ុន True Confidence Shipping SA ដែល ចុះបញ្ជីដាក់អាសយដ្ឋាននៅក្នុងប្រទេសលីបេរីយ៉ា និងដំណើរការដោយក្រុមហ៊ុន Third January Maritime Ltd នៅក្នុងប្រទេសក្រិក។
ក្រោយត្រូវមីស៊ីលបាញ់ កប៉ាល់ True Confidence ដោតទង់ Barbados ត្រូវបានគេបោះបង់ចោល ហើយរសាត់អណ្តែតតែលតោលទាំងមានភ្លើងកំពុងឆេះ។
![](https://www.kampucheathmey.com/wp-content/uploads/2024/03/image-314.png)
អ្នកនាំពាក្យក្រុមហ៊ូធីលោក Yahya Saree បានបញ្ជាក់ពីហេតុការណ៍នេះ ដោយនិយាយថា កប៉ាល់ True Confidence ពិតជាត្រូវវាយប្រហារមែន ព្រោះតែនាវិក មិនអើពើនឹងសារព្រមានរបស់កងកម្លាំងជើងទឹកយេម៉ែន។
ស្របពេលជាមួយគ្នានោះដែរ ទីបញ្ជាការកណ្តាលរបស់សហរដ្ឋអាមេរិក (Centcom) ដែលគ្រប់គ្រងប្រតិបត្តិការនៅមជ្ឈិមបូព៌ា បាននិយាយថា ក្រៅពីនាវិក៣នាក់ដែលស្លាប់ ក៏មាននាវិក៤នាក់ទៀតរងរបួសផងដែរ ក្នុងនោះមាន៣នាក់ត្រូវរបួសធ្ងន់។
![](https://www.kampucheathmey.com/wp-content/uploads/2024/03/image-312.png)
តាមការបញ្ជាក់ កប៉ាល់នេះ មាននាវិកសរុប២០នាក់ ក្នុងនោះមានជនជាតិឥណ្ឌាម្នាក់ វៀតណាម៤នាក់ និងជនជាតិហ្វីលីពីនចំនួន១៥នាក់ ហើយមានឆ្មាំប្រដាប់អាវុធ៣នាក់ ដោយ២នាក់ជាជនជាតិស្រីលង្កា និងម្នាក់ជាជនជាតិនេប៉ាល់។
សូមរម្លឹកបន្តិច ក្រុមហ៊ូធី ដែលតាំងខ្លួនជារដ្ឋាភិបាលនៃប្រទេសយេម៉ែន បានចាប់ផ្តើមកំណត់គោលដៅលើកប៉ាល់មានទំនាក់ទំនងជាមួយអ៊ីស្រាអែលកាលពីចុងខែតុលា ដើម្បីតវ៉ាចំពោះប្រតិបត្តិការយោធាប្រឆាំងនឹងប៉ាឡេស្ទីននៅតំបន់ហ្គាហ្សា។ ពួកគេ បានតម្រង់មុខព្រួញជាពិសេសលើនាវាអាមេរិកនិងអង់គ្លេសនៅក្នុងខែមករា បន្ទាប់ពីប្រទេសទាំងពីរនេះ បើកការវាយប្រហារតាមផ្លូវអាកាស និងមីស៊ីលប្រឆាំងយេម៉ែន៕
អត្ថបទ៖ សុខ សុវណ្ណ
ចុចអាន៖ ក្រុមហ៊ូធី ដាក់លក្ខខណ្ឌ ឈប់វាយប្រហារកប៉ាល់ពាណិជ្ជកម្ម នៅសមុទ្រក្រហម
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?