ព័ត៌មានអន្ដរជាតិ
គ្រូបង្រៀន បង់ក្លាដែស មួយរូបបាញ់សិស្សខ្លួនឯង ពេលកំពុងប្រឡង
សាស្ត្រាចារ្យនៅសាលាពេទ្យមួយកន្លែងក្នុងប្រទេសបង់ក្លាដែសត្រូវបានព្យួរការងាររយៈពេល ២ ថ្ងៃ បន្ទាប់ពីមានការចោទប្រកាន់ថាបានបាញ់សម្លាប់សិស្សានុសិស្សក្នុងថ្នាក់រៀនពេលកំពុងប្រឡង ។ នេះបើយោងតាមការចេញផ្សាយរបស់សារពត៌មាន BBC កាលពីថ្ងៃទី៦ ខែមីនា ។
![](https://www.kampucheathmey.com/wp-content/uploads/2024/03/ob_1709713353.jpg)
លោក Raihan Sharif សាស្ត្រាចារ្យនៅសាលាពេទ្យមួយកន្លែងត្រូវបានចាប់ខ្លួនភ្លាមៗ បន្ទាប់ពីការតវ៉ារបស់សិស្សនិស្សិតមកពីមហាវិទ្យាល័យវេជ្ជសាស្ត្រ ហើយលោកក៏ត្រូវបានប៉ូលិសចាប់ឃុំខ្លួនផងដែរ ខណៈសិស្សដែលរងរបួសត្រូវបានវះកាត់ ហើយកំពុងសម្រាកនៅមន្ទីរពេទ្យ ។
ប្រព័ន្ធផ្សព្វផ្សាយក្នុងស្រុករាយការណ៍ថា ជនរងគ្រោះមានឈ្មោះ Arafat Amin Tomal អាយុ ២៣ ឆ្នាំជានិស្សិតនៅមហាវិទ្យាល័យវេជ្ជសាស្ត្រ Sirajganj ភាគពាយព្យនៃប្រទេសបង់ក្លាដែស ។ ជនរងគ្រោះបានឈ្លោះប្រកែកជាមួយលោកសាស្ត្រាចារ្យ Sharif ពេលកំពុងប្រឡងផ្ទាល់មាត់កាលពីដើមសប្ដាហ៍ ខណៈក្នុងអំឡុងពេលប្រឡងនោះ លោកគ្រូបានយកកាំភ្លើងមកភ្ជង់សិស្ស និងបានបាញ់ទូរសព្ទដៃដែលដាក់នៅក្នុងហោប៉ៅខោ បណ្ដាលឲ្យរងរបួសធ្ងន់ និងប៉ះពាល់ដល់អាយុជីវិតតែម្ដង ។
![](https://www.kampucheathmey.com/wp-content/uploads/2024/03/Sirajganj.jpg)
ទន្ទឹមនោះ ប៉ូលិសបានរឹបអូសកាំភ្លើងខ្លីមួយដើម, គ្រាប់ចំនួន ៨១ គ្រាប់, ទស្សនាវដ្តីចំនួន ៤, កាំបិត ២ ដើម និងដាវ ១០ ដើមក្នុងកាបូបរបស់គាត់ ខណៈក្រោយហេតុការណ៍នេះ ប៉ូលិសក៏បានបង្កើតគណៈកម្មាធិការពិសេសមួ ដើម្បីស៊ើបអង្កេតករណីជុំវិញឧបទ្ទវហេតុនេះផងដែរ ។
គួរបញ្ជាក់ថា ឧបទ្ទវហេតុនេះបានធ្វើឲ្យប្រទេសបង់ក្លាដែសមានការភ្ញាក់ផ្អើល និងបង្កឲ្យមានការថ្កោលទោសទ្រង់ទ្រាយធំ ដោយសារតែគ្រូបង្រៀនរូបនេះត្រូវបានព្យួរពីការងារត្រឹមតែ ២ ថ្ងៃប៉ុណ្ណោះ បន្ទាប់ពីឧប្បត្តិហេតុនេះបានកើតឡើង ដែលធ្វើឲ្យសិស្សនៅសាលាពេទ្យតវ៉ាទាមទារឲ្យបណ្តេញគាត់ជាបន្ទាន់ និងការដាក់ទណ្ឌកម្មយ៉ាងធ្ងន់ធ្ងរផងដែរ ដោយសារតែវាជាឧប្បត្តិហេតុដ៏កម្រកើតមានណាស់នៅប្រទេសដែលសិទ្ធិប្រើប្រាស់កាំភ្លើងត្រូវបានគ្រប់គ្រងយ៉ាងតឹងរ៉ឹងដោយរដ្ឋាភិបាល ៕
អត្ថបទ ៖ ប៊ុន សុភាព
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ