ព័ត៌មានអន្ដរជាតិ

ខែកុម្ភៈឆ្នាំនេះ តំបន់ស្ទើរពេញពិភពលោក ជួបអាកាសក្ដៅបំផុតមិនធ្លាប់មាន

បានផុស

១១ ខែ មុន

នៅ

ថ្ងៃព្រហស្បតិ៍ ៧ មីនា ២០២៤

ដោយ

កាលពីខែកុម្ភៈកន្លងទៅ គេសង្កេតឃើញព័ត៌មាន និងទិដ្ឋភាពជាក់ស្តែងអំពីអាកាសធាតុក្តៅ ពោលគឺជាលទ្ធផលដែលមានឥទ្ធិពលប៉ះពាល់មិនត្រឹមក្នុងតំបន់ប៉ុណ្ណោះទេ ប៉ុន្តែវាជាលក្ខណៈសកលតែម្ដង ហើយបើតាមទីភ្នាក់ងារអាកាសធាតុនៃសហភាពអឺរ៉ុបបានឲ្យដឹងថា បាតុភូតអាកាសធាតុក្តៅនេះនឹងអូសបន្លាយរយៈពេលយូរទៅមុខបន្តទៀត ។ នេះបើតាមការចុះផ្សាយរបស់សារព័ត៌មានអង់គ្លេស BBC ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានដដែលបានឲ្យដឹងថា ជារៀងរាល់ខែ ចាប់តាំងពីខែមិថុនា ឆ្នាំ ២០២៣ មក អាកាសធាតុមានកំណើនគួរឲ្យកត់សម្គាល់ ។ ផ្ទៃសមុទ្រចាប់ផ្តើមកើនកម្តៅក្តៅមិនធ្លាប់មានក្នុងកំណត់ត្រា ទន្ទឹមនឹងពេលផ្ទាំងទឹកកកនៅទ្វីបអង់តាកតិចរលាយជាបន្តបន្ទាប់ និងកាន់តែហោចទៅៗ ហើយដោយសារតែកត្តាសំខាន់នៃសកម្មភាពរបស់មនុស្ស ដែលបង្កឡើងពីឥទ្ធិពលទាំងអស់នេះ គឺនឹងបន្តឲ្យមានលទ្ធផលជាអាកាសធាតុក្តៅ ដោយបាតុភូតនោះហៅថា El Nino ។

“ឧស្ម័នផ្ទះកញ្ចក់ហ៊ុមកម្តៅជាប់ គឺជាដើមចមសំខាន់”។ នេះបើតាមការលើកឡើងរបស់លោក សាស្រ្តាចារ្យ Celeste Saulo អគ្គលេខាធិការនៃអង្គការឧតុនិយមពិភពលោក ដោយលោកសង្កត់ធ្ងន់ទៅលើសកម្មភាពបង្កផលប៉ះពាល់ដល់បរិស្ថានរបស់មនុស្សជាតិ ជាដើមហេតុនៃកំណើនកម្តៅជាសកល ។

ឧស្ម័នផ្ទះកញ្ចក់ដែលបង្ខាំងកម្តៅបានធ្វើឲ្យខែកុម្ភៈ ឆ្នាំ២០២៤ ក្តៅជាងឆ្នាំមុនៗបន្ថែម ១.៧៧ អង្សាសេ ពោលគឺក្តៅជាងជំនាន់ឧស្សាហកម្មសម័យមុននៃពេលមនុស្សចាប់ផ្តើមដំណើរការចំហេះឥន្ធនៈហ្វូស៊ីល ។ នេះបើតាមការបញ្ជាក់បន្ថែមពីទីភ្នាក់ងារអកាសធាតុសហភាពអឺរ៉ុប ។

យោងតាមទីភ្នាក់ងារខាងលើដដែលបានឲ្យដឹងទៀតថា សម្រាប់អាកាសធាតុដែលបន្តក្តៅជាសកលនោះ នឹងប៉ះពាល់ខ្លាំងជាងគេលើតំបន់មួយចំនួនក្នុងនោះមាន ភាគខាងលិចប្រទេសអូស្ត្រាលី តំបន់អាស៊ាន អាហ្រ្វិកខាងត្បូង និងអាមេរិកខាងត្បូងជាដើម ៕

ដោយ៖ មាន រតនា