ព័ត៌មានអន្ដរជាតិ
ថៃឃាត់ខ្លួនជនជាតិខ្មែរម្នាក់ នាំទំនិញគេចពន្ធចូលប្រទេសថៃ
ជនជាតិខ្មែរម្នាក់ ត្រូវបានកម្លាំងយោធាការពារព្រុំដែនថៃ ធ្វើការឃាត់ខ្លួន ខណ:ដែលជនជាតិខ្មែររូបនេះបានដឹកទំនិញគេចពន្ធជាច្រើនមុខចូលទៅក្នុងប្រទេសថៃដោយគ្មានការអនុញ្ញាត។

បើយោងតាមការផ្សាយរបស់គេហទំព័រក្នុងស្រុកមួយចំនួនបានបញ្ជាក់ថា ការឃាត់ខ្លួននេះបានធ្វើឡើងកាលពីវេលាម៉ោង៣និង៣០ទាបភ្លឺ ថ្ងៃទី៧ ខែមីនា ឆ្នាំ២០២៤ លើកំណាត់ផ្លូវ រ៉ាត់តាក់វិថី ក្នុងភូមិខៅសារភី ឃុំថាប់ភ្រិក ស្រុកអារញ្ញប្រាថេត ខេត្តស្រះកែវ ប្រទេសថៃ។
គេហទំព័របានបញ្ជាក់ថា នៅយប់នោះកម្លាំងយោធាកងរយថៃបានដាក់គោលដៅឈរជើងដើម្បីត្រូតពិនិត្យបទល្មើសនានា ដែលអាចកើតមានឡើងនៅក្បែរខ្សែបន្ទាត់ព្រុំដែនថៃ កម្ពុជា។ នៅពេលនោះក៏មានការសង្ស័យទៅលើរថយន្តមួយគ្រឿងម៉ាកអុីស៊ុយស៊ុយ ពណ៌ស ពាក់ស្លាកលេខ ៧១៨៥ ទើបឃាត់ដើម្បីសាកសួរ។

ក្រោយត្រួតពិនិត្យទើបដឹងថា រថយន្តនោះអ្នកបើកបរជាជនជាតិខ្មែរ មានឈ្មោះ សេង ភារុណ ភេទប្រុស អាយុ៤២ឆ្នាំ រស់នៅប្រទេសកម្ពុជា កាន់លិខិតឆ្លងដែនលេខ NO ១៩២០៧២៣ ។ ដោយឡែកនៅក្នុងរថយន្តសមត្ថកិច្ចថៃបានរកឃើញទំនិញគេចពន្ធជាច្រើនប្រភេទ ដែលជាប្រភេទបារី និងស្រាបៀរ។

ក្នុងនោះគឺបារីម៉ាក TEXAS 5 ពណ៌ក្រហម ចំនួន ៥៨០ កញ្ចប់ ម៉ាក MOND ពណ៌ស្វាយ ចំនួន ២០ កញ្ចប់ ម៉ាក CANYON ពណ៌ខៀវ ចំនួន ៤៥០ កញ្ចប់ ម៉ាក ZOUK ចំនួន ៣០ កញ្ងប់ ម៉ាក D&J ពណ៌ខ្មៅ ចំនួន ៩០ កញ្ចប់ ម៉ាក SMS ចំនួន ៥០ កញ្ចប់ និងស្រាបៀរម៉ាក GANZBERG ចំនួន ៨៦៤ កំប៉ុង។ បច្ចុប្បន្នសមត្ថកិច្ចថៃបានបញ្ជូនជនសង្ស័យ រួមនឹងវត្ថុតាងទៅកាន់អង្គភាពគយប្រចាំស្រុកអារញ្ញប្រាថេត ដើម្បីអនុវត្តតាមផ្លូវច្បាប់។

គួរបញ្ជាក់ដែរថា បច្ចុប្បន្ននេះម្ចាស់ទំនិញ និងសមត្ថកិច្ចតាមច្រកព្រុំដែនហាក់ដូចជាចាប់ដៃគ្នាបានល្អណាស់ ទើបទំនិញគេចពន្ធទាំងនេះ អាចចេញតាមច្រករបៀងបានយ៉ាងរលូន ៕
អត្ថបទ៖ សោ និយមរ័ត្ន



-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ