Connect with us

ព័ត៌មានអន្ដរជាតិ

ក្មេងជំទង់ចិន វ័យ១៦ឆ្នាំ មានដុំសាច់ក្នុងខួរក្បាល ដោយសារតែផឹកទឹក៩លីត្រក្នុងមួយថ្ងៃ

បានផុស

នៅ

ការផឹកទឹកជាប្រចាំគឺជាទម្លាប់ដ៏ល្អ ប៉ុន្តែទន្ទឹមនឹងនោះ ការផឹកទឹកច្រើនពេកក៏អាចប៉ះពាល់ដល់សុខភាពរបស់អ្នកផងដែរ។ ជាឧទាហរណ៍ ក្នុងករណីក្មេងប្រុសអាយុ ១៦ ឆ្នាំម្នាក់នៅទីក្រុង Guangzhou ប្រទេសចិន ដែលមានទម្លាប់ផឹកទឹក ៩លីត្រក្នុងមួយថ្ងៃ គាត់បានបាត់បង់ការចងចាំរយៈពេលខ្លី ហើយ​បន្ទាប់​ពី​ពិនិត្យ​រួច​ក៏​រក​ឃើញ​ថា ទទួលរងពីដុំសាច់ខួរក្បាល។

គេហទំព័របរទេស sohu បានរាយការណ៍ថា ថ្ងៃមួយក្នុងអំឡុងពេលសម្រាករដូវក្តៅឆ្នាំ ២០២១ គ្រួសាររបស់ក្មេងជំទង់ឈ្មោះ Young បានចាប់ផ្តើមកត់សម្គាល់រោគសញ្ញាមិនធម្មតា។ ដោយសារតែក្មេងជំទង់ម្នាក់នេះអាចផឹកទឹកបាន ១៨លីត្រក្នុងរយៈពេល ២ ថ្ងៃ គ្រួសារមានការព្រួយបារម្ភជាបឋមថា វាអាចជាសញ្ញានៃបញ្ហាសុខភាពទាក់ទងនឹងជំងឺតម្រងនោម ឬជំងឺទឹកនោមផ្អែម។ ប៉ុន្តែនៅពេលដែលលទ្ធផលតេស្តចេញមកធម្មតា។ ដូច្នេះ គាត់​មិន​បាន​ទទួល​ការ​ព្យាបាល​បន្ថែម​ទៀត​ទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយមកនៅខែតុលា ឆ្នាំ ២០២២ ក្មេងប្រុសនេះបានចាប់ផ្តើមបង្ហាញអាកប្បកិរិយាខុសប្រក្រតីម្តងទៀត។ គាត់ងាយនឹងឆាប់ខឹង។ ក្រុម​គ្រួសារ​បាន​បញ្ជូន​​ទៅ​ព្យាបាល​ជំងឺ​បាក់​ទឹកចិត្ត​ដែល​តែងតែ​កើតឡើង​ជាមួយ​ក្មេង​ជំទង់ ប៉ុន្តែ​នៅ​ទី​បំផុត រោគ​សញ្ញា​មិន​បាន​ប្រសើរ​ឡើង​ទេ។ លើសពីនេះទៅទៀត វាកាន់តែធ្ងន់ធ្ងរជាងពេលមុនទៅទៀត ជារឿយៗក្មេងប្រុសនេះតែងតែឃើញរូបភាពបំភាន់ជាញឹកញាប់ ហើយតែងតែដួលនៅពេលដើរជានិច្ច។

រហូតមកដល់ខែមីនា ឆ្នាំ ២០២៣ គ្រូពេទ្យបានរកឃើញដុំសាច់មួយនៅក្នុងតំបន់ខួរក្បាល ដោយមានការសង្ស័យថា វាអាចជាដុំសាច់ដែលកើតចេញពីជាលិកាខួរក្បាល (Gliomas) ដុំសាច់នោះត្រូវបានវះកាត់យកចេញ។ ការធ្វើរោគវិនិច្ឆ័យរោគវិទ្យាគឺ Germinoma បន្ទាប់ពីនោះស្ថានភាពរបស់គាត់ចាប់ផ្តើមកាន់តែយ៉ាប់យ៉ឺន។ ការចងចាំក្លាយជាខ្លី ទំងន់រាងកាយកើនឡើងពី ៥០គីឡូក្រាមទៅ ៧០ គីឡូក្រាម។

ទោះបីជាយ៉ាងណាក៏ដោយ ក្រុមគ្រួសារបានបញ្ជូនក្មេងប្រុសនេះទៅព្យាបាលនៅមន្ទីរពេទ្យខួរក្បាល Guangdong Sanjiu ។ នៅខែឧសភាឆ្នាំ ២០២៣ ហើយការពិនិត្យម្តងហើយម្តងទៀតបានរកឃើញសន្ទស្សន៍ gonadotrophin ដែលជាអរម៉ូន glycoprotein ពីក្រពេញភីតូរីសផ្នែកខាងមុខរបស់មនុស្សត្រូវបានកើនឡើងយ៉ាងខ្លាំង។ ដូច្នេះ​ហើយ គ្រូពេទ្យ​បាន​ធ្វើ​រោគ​វិនិច្ឆ័យ​លើក្មេងប្រុសមានដុំសាច់កោសិកាមេជីវិតចម្រុះ។ ដុំសាច់កោសិកាដែលកើតឡើងម្តងទៀត រួមជាមួយនឹងជំងឺនៃប្រព័ន្ធ endocrine, ការឆ្លងមេរោគសួត, គ្រុនក្តៅ, ហើម និងឆាប់ខឹង ការព្យាបាលដោយប្រើគីមី ត្រូវធ្វើឲ្យបានឆាប់តាមដែលអាចធ្វើទៅបាន។ បើមិនដូច្នោះទេវាអាចរីករាលដាល ធ្វើឲ្យរូបគេស្លាប់បាន។

យ៉ាងណាមិញ បន្ទាប់ពីទទួលបានការយល់ព្រមពីគ្រួសារ ក្មេងជំទង់រូប​នេះ​ បាន​ទទួល​ការ​ព្យាបាល​ដោយ​វិទ្យុសកម្ម​ចំនួន ៤ ដង ហើយ​សីតុណ្ហភាព​រាងកាយ និង​អារម្មណ៍​របស់​គាត់​មាន​ស្ថិរភាព។ វេជ្ជបណ្ឌិតបានកំណត់ថាដុំសាច់របស់ ក្មេងប្រុសឈ្មោះ Young បានរីកធំ បង្រួម ឬលុកលុយអ៊ីប៉ូតាឡាមូសរបស់គាត់។ នេះបណ្តាលឲ្យមានរោគសញ្ញា hypothalamus ជាច្រើន រួម​ទាំង​ជំងឺ polydipsia និង​រោគ​សញ្ញា​ជា​ច្រើន​ទៀត​។​ ដោយ​ហេតុ​ផល​នេះ​ហើយ​ទើប​គេ​សន្មត​ថា​ ហេតុផលសម្រាប់ការផឹកទឹក ៩ លីត្រក្នុងមួយថ្ងៃគឺមកពីអ៊ីប៉ូតាឡាមូសកាន់តែកើនឡើង៕

អត្ថបទ៖ សាង ស្រីល័ក្ខ

ចុចអាន៖អ្នកមានឥទ្ធិពលចិនម្នាក់ ចំណាយប្រាក់រាប់សិបលានដុល្លារ កែសម្ផស្សតាំងពីអាយុ ១៣ ឆ្នាំ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣៤ នាទីutes មុន

គណៈរដ្ឋមន្ត្រីថៃអនុម័ត​ បុណ្យបណ្តែត​​កន្ទោង​​ ក្នុងបញ្ជីភណ្ឌវប្បធម៌អរូបីរបស់យូណេស្កូ

ព័ត៌មានអន្ដរជាតិ៥៧ នាទីutes មុន

មីយ៉ាន់ម៉ា​​សុខចិត្ត​ដោះលែង​អ្នក​ទោស​នេសាទ​ថៃ​៤នាក់​ ក្រោយសម្របសម្រួល​ជិតកន្លះឆ្នាំ​​

ព័ត៌មានអន្ដរជាតិ៩ ម៉ោង មុន

​រូប​ភាព​រលំបាក់​អគារ​គួររន្ធត់​នៅថៃ ប៉ុន្តែ​​អាជ្ញាធរ​​បញ្ជាក់ថា​ ចំនួន​អ្នកស្លាប់​មាន៩នាក់​ដល់​ពេលនេះ​

ព័ត៌មានអន្ដរជាតិ៩ ម៉ោង មុន

​​រហូត​ដល់​ពេល​នេះ មីយ៉ាន់​ម៉ារកឃើញ​អ្នក​ស្លាប់​​​និងរបួស​ជិត​៩០០​នាក់​ក្នុងគ្រោះរញ្ជួយដី​

ព័ត៌មានជាតិ១១ ម៉ោង មុន

ក្រុមហ៊ុន​បច្ចេកវិទ្យា​ទំនើប​​ចិន ប្ដេជ្ញា​ជំរុញ​កម្មវិធី​សិក្សា TVET កម្ពុជា ឱ្យ​ស្រប​តាមស្តង់ដារ​សិក្សា​នៃ​ប្រទេសចិន និងអាល្លឺម៉ង់

ព័ត៌មានអន្ដរជាតិ១៧ ម៉ោង មុន

កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក

ក្រុងប៉ោយប៉ែត
សន្តិសុខសង្គម១៥ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

ព័ត៌មានអន្ដរជាតិ១៧ ម៉ោង មុន

ការ​ខូចខាត​បឋម ព្រោះ​គ្រោះរញ្ជួយដីដ៏ខ្លាំងក្លា​ដែល​វាយប្រហារអាស៊ីអាគ្នេយ៍

ព័ត៌មានអន្ដរជាតិ១៦ ម៉ោង មុន

នាយករដ្ឋមន្ត្រី​ថៃ ដាក់​ចេញ​បទបញ្ជា​​បន្ទាន់ដើម្បី​គ្រប់គ្រង់​គ្រោះរញ្ជួយដី​

ព័ត៌មានអន្ដរជាតិ១៧ ម៉ោង មុន

អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ 

Sokha Hotels

ព័ត៌មានពេញនិយម