ព័ត៌មានអន្ដរជាតិ
ពុទ្ធសាសនបណ្ឌិត្យស្នើស៊ើបអង្កេត ក្រោយហាងល្បីមួយនៅថៃ យកព្រះកេសព្រះពុទ្ធច្នៃជាពែងកាហ្វេ
ទំព័រហ្វេសប៊ុកពុទ្ធសាសនបណ្ឌិត្យក្នុងប្រទេសថៃ បានបង្ហោះសារជាមួយនឹងរូបថតនៃពែងកាហ្វេព្រះកេសព្រះពុទ្ធដែលត្រូវបានលក់តាមរយៈគេហទំព័រលក់ដ៏ល្បីមួយ និងដាក់ញត្តិទៅការិយាល័យព្រះពុទ្ធសាសនាជាតិ មកត្រួតពិនិត្យជាបន្ទាន់ ដោយចង្អុលបង្ហាញថា នេះគឺជាការប្រមាថព្រះពុទ្ធ មិនមែនជាការគោរពបូជាទេ។
យោងតាមសារព័ត៌មាន thethaiger បានដកស្រង់នូវខ្លឹមសាររបស់ទំព័រដដែលដោយគូសបញ្ជាក់យ៉ាងដូច្នេះថា “សូមបញ្ជូនមកការិយាល័យជាតិនៃព្រះពុទ្ធសាសនា នេះជាការប្រមាថនិងទម្លាក់តម្លៃរូបព្រះពុទ្ធ វាគឺជាឥរិយាបទរបស់មនុស្សដែលចាត់ទុកព្រះពុទ្ធគ្រាន់តែជាគ្រឿងលម្អ និងជាឧបករណ៍សម្រាប់បង្ហាញផលិតផលអាជីវកម្ម ដើម្បីធ្វើឲ្យខ្លួនឯងក្លាយជាអ្នកមាន។ គេមិនចាត់ទុកព្រះពុទ្ធជាអ្នកគោរពតាមបែបនេះឡើយ។ ប្រសិនបើរកឃើញនៅចិន ឬជប៉ុន វាពិបាកក្នុងការហាមប្រាម ប៉ុន្តែនៅប្រទេសថៃគួរតែដោះស្រាយទៅតាមច្បាប់”។
ក្រោយការបង្ហោះពីទំព័រហ្វេសប៊ុករបស់ពុទ្ធសាសនបណ្ឌិត្យថៃមិនបានប៉ុន្មានផង ភ្លាមៗនោះដែរ អ្នកលេងអ៊ីនធឺណិតបានស្រុកបញ្ចេញមតិយ៉ាងច្រើន មនុស្សមួយចំនួនចាត់ទុកថាវាមិនសមរម្យពិតមែន ខណៈអ្នកលេងអ៊ីនធឺណិតមួយចំនួនបានពន្យល់ថា ដើមកំណើតរបស់ផលិតផលនេះគឺមកពីប្រទេសជប៉ុន ឬចិន និងមានទស្សនៈខុសពីប្រទេសថៃ។
ទោះបីជាយ៉ាងណាក៏ដោយ តាមការស៊ើបអង្កេតបន្ថែមទៀត គេបានរកឃើញថា នេះមិនមែនជាលើកទីមួយទេ ដែលព្រះកេសព្រះពុទ្ធត្រូវបានរំលេចលើពែងកាហ្វេ។ ក្នុងអំឡុងខែកញ្ញា ឆ្នាំ ២០២៣ ក្រុមប្រឹក្សាសិល្បករសម្រាប់ការលើកកម្ពស់ព្រះពុទ្ធសាសនានៃប្រទេសថៃ បានអំពាវនាវឲ្យនាយកដ្ឋានកិច្ចការសាសនា និងក្រសួងវប្បធម៌ ស្នើជួយថែរក្សាវានិងសម្របសម្រួលជាមួយស្ថាប័នពាក់ព័ន្ធទាក់ទងនឹងបញ្ហាផ្លូវច្បាប់ ដោយពិចារណាការផ្អាកការចែកចាយ ផលិតផលពែងកាហ្វេដែលបានឃើញបន្ទាន់។
ទន្ទឹមនោះទៀតដែរ ក្រុមប្រឹក្សាសិល្បករបានផ្តល់អនុសាសន៍ដល់អង្គការ ការអនុវត្តព្រះពុទ្ធសាសនាផ្សេងៗ ទាំងសាធារណៈនិងឯកជន ឲ្យចូលរួមក្នុងការត្រួតពិនិត្យព្រឹត្តិការណ៍បែបនេះ ដើម្បីការពារកុំឲ្យវាកើតឡើងម្តងទៀត ដោយស្នើឲ្យមានការផាកពិន័យផ្លូវច្បាប់កាន់តែតឹងរ៉ឹងនិងខ្ពស់ជាង ទាំងអ្នកផលិតនិងអ្នកលក់និងអ្នកបោះពុម្ពផ្សាយ ដែលបន្តធ្វើសកម្មភាពរបស់ពួកគេដែលមិនសមរម្យបំផុត៕
អត្ថបទ៖ សាង ស្រីល័ក្ខ
ចុចអាន៖ក្មេងជំទង់ចិន វ័យ១៦ឆ្នាំ មានដុំសាច់ក្នុងខួរក្បាល ដោយសារតែផឹកទឹក៩លីត្រក្នុងមួយថ្ងៃ
គណៈរដ្ឋមន្ត្រីថៃអនុម័ត បុណ្យបណ្តែតកន្ទោង ក្នុងបញ្ជីភណ្ឌវប្បធម៌អរូបីរបស់យូណេស្កូ
មីយ៉ាន់ម៉ាសុខចិត្តដោះលែងអ្នកទោសនេសាទថៃ៤នាក់ ក្រោយសម្របសម្រួលជិតកន្លះឆ្នាំ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៧ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?