ព័ត៌មានអន្ដរជាតិ
មកដឹងតម្លៃអគ្គិសនីក្នុងមួយគីឡូវ៉ាត់នៅ ថៃ ខណៈរលកកម្ដៅចាប់ផ្ដើមបញ្ចេញឥទ្ធិពល
គណៈកម្មការគ្រប់គ្រងថាមពលអគ្គិសនីថៃ (ERC) កាលពីពេលថ្មីៗនេះបានបង្ហើបប្រាប់ពីតម្លៃអគ្គីសនីប្រើប្រាស់នៅទូទាំងប្រទេសក្នុងរយៈពេល ៤ ខែកន្លងមកនេះ ពោលរាប់ចាប់ពីខែមករាដល់ខែមេសា ឆ្នាំ២០២៤ ស្របពេលដែលប្រទេសនឹងជួបសីតុណ្ហភាពកើនលើស ៥០ អង្សាសេឯណោះ ។ នេះបើយោងតាមការចេញផ្សាយដោយកាសែត Bangkok Post ។

ERC បានឲ្យដឹងថា បច្ចុប្បន្នតម្លៃអគ្គិសនីសម្រាប់អាជីវកម្ម និងគ្រួសារខ្នាតតូច ឬមធ្យមគឺ ៤.១៨ បាត ស្មើនឹង ០.១១ ដុល្លារ (៤៥០ រៀល) ក្នុងមួយគីឡូវ៉ាត់ ដោយសារតែការធ្លាក់ចុះនៃតម្លៃឧស្ម័នធម្មជាតិរាវ (LNG) នៅលើពិភពលោក បន្ទាប់ពីចិនលែងមានតម្រូវការខ្លាំងដូចពេលមុនៗ ។
ពាក់ព័ន្ធនឹងបញ្ហានេះទៀតសោត លោក Komkrit Tantravanich អគ្គលេខាធិការ និងជាអ្នកនាំពាក្យ ERC បានលើកឡើងថា ដោយសារតែតម្លៃឧស្ម័ន LNG បន្តធ្លាក់ចុះបែបនេះ ដូច្នេះតាមការប៉ាន់ប្រមាណរបស់គណៈកម្មាការ តម្លៃអគ្គិសនីក្នុងរយៈពេល ៤ ខែបន្ទាប់ពី ពោលពីខែឧសភា ដល់ខែសីហា ក៏នឹងអាចធ្លាក់ចុះទាបជាងខែមករាដល់ខែមេសាទៅទៀត ។

លោកបានបង្ហើបថា តំបន់ឧស្ម័នធម្មជាតិ Erawan នៅឈូងសមុទ្រថៃ នឹងបង្កើនការផលិតប្រចាំថ្ងៃឡើងដល់ទ្វេដងពី ១២១ លានទៅ ២៤៣ លានម៉ែត្រគូបក្នុងមួយថ្ងៃចាប់ពីខែមេសាតទៅ ។ ទោះជាយ៉ាងណាក៏ដោយ បរិមាណឧស្ម័នធម្មជាតិដែលប្រមូលយកបានក្នុងប្រទេសសម្រាប់ផលិតអគ្គិសនី រំពឹងនឹងនៅតែមានបរិមាណដូចគ្នាដដែល ទោះតម្លៃអគ្គិសនីបន្តធ្លាក់ថ្លៃក៏ដោយ ។
ជាចុងក្រោយអ្នកនាំពាក្យរូបនេះបានបញ្ជាក់បន្ថែមថា ដោយសារតែកត្តានេះហើយទើបថៃមិនអាចដកខ្លួនចេញពីការពឹងអាស្រ័យលើឧស្ម័ន LNG ដែលទិញមកពីប្រទេសមីយ៉ាន់ម៉ា ជាពិសេសក្នុងអំឡុងពេលរដូវក្តៅដែលការប្រើប្រាស់ថាមពលនឹងកើនឡើងទ្វេដង ៕

ដោយ ៖ សុខ ជីវ័ន្ត
ចុចអាន ៖ ថៃ អស់តំណែងជាអធិរាជមានអ្នកទេសចរមកលេងកម្សាន្តច្រើនជាងគេនៅ អាស៊ាន

-
ព័ត៌មានអន្ដរជាតិ៦ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៧ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?