ព័ត៌មានអន្ដរជាតិ
ចិន ដាំកូនរុក្ខជាតិបង្កាត់ពូជពីលំហអវកាស ៥០០ ដើមដើម្បីស្ដារបរិស្ថាន
កូនរុក្ខជាតិចំនួន ៣,០០០ ដើមជាប្រភេទបង្កាត់ពូជលាយគ្នា ក៏ដូចជាប្រភេទកូនរុក្ខជាតិកម្រមួយចំនួនត្រូវបានដាំដុះឡើងវិញក្នុងតំបន់ព្រៃ និងតំបន់ដីអាងជ្រលងភ្នំ ៣ កន្លែងធំៗក្នុងខេត្ត Hubei ភាគកណ្តាលប្រទេសចិន ។ នេះបើតាមការចុះផ្សាយរបស់សារព័ត៌មានចិន ស៊ីនហួរ នាថ្ងៃទី១៣ ខែមីនា ឆ្នាំ២០២៤ នេះ ។

ប្រភពព័ត៌មានដដែលបានឲ្យដឹងថា ប្រភេទកូនរុក្ខជាតិដែលមានឈ្មោះវិទ្យាសាស្រ្ត Myricaria Laxiflora ចំនួន១,០០០ ដើម និងប្រភេទ Plantago fengdouensis ចំនួន ២,០០០ ដើមត្រូវដាំផ្សារភ្ជាប់នឹងដីទំនាបទន្លេ Yangtze ដែលជាការបណ្តុះប្រភេទកូនឈើនេះឡើងវិញតាមបែបសប្បនិម្មិត និងជាប្រវត្តិសាស្រ្តរបស់ប្រទេសចិន ។
កូនឈើទាំងពីរប្រភេទខាងលើនេះ ជាពូជប្រភេទធន់នឹងកម្លាំងទឹក ក៏ដូចជាទឹកជន់ជាប់យូរ ហើយកូនឈើនេះ មិនត្រឹមតែជួយស្តារគុណភាពដីប៉ុណ្ណោះទេថែមទាំងជួយការពារច្រាំងមាត់ទន្លេពីកម្រិតទឹកជន់ខ្លាំងក្នុងតំបន់ទាំងបីទៀតផង ។ បន្ថែមពីនេះ កូនឈើទាំងពីរប្រភេទនឹងជាក្លាយជាដើមឈើស្តារជីវចម្រុះអេកូឡូស៊ី ក៏ដូចជាសោភ័ណភាពធម្មជាតិនៃទន្លេ Yangtze ផងដែរ ។

ដោយឡែកក្នុងចំណោមប្រភេទកូនឈើ Plantago Fengdouensis ចំនួន ២,០០០ ដើមគឺមាន ៥០០ ដើមជាប្រភេទបង្កាត់ពូជពីលំហអវកាស ដែលជាប្រភេទរុក្ខជាតិដ៏កម្រដំបូងគេដែលបានយកមកដាំនៅផែនដីវិញក្នុងប្រវត្តិសាស្រ្តរបស់ចិន ។
លោក Huang Guiyun វិស្វករជាន់ខ្ពស់នៃមជ្ឈមណ្ឌលស្រាវជ្រាវប្រព័ន្ធអេកូឡូស៊ីតំបន់ទន្លេ Yangtze បានឲ្យដឹងថា ក្រុមអ្នកស្រាវជ្រាវចិន នឹងនៅតាមដានទៅលើអត្រាលូតលាស់ និងភាពស៊ាំនៃប្រភេទរុក្ខជាតិប្រភេទបង្កាត់ពូជនេះ ហើយពពួកពូជឈើទាំងនោះសុទ្ធសឹងជាប្រភេទសម្រាំងល្អៗសម្រាប់ស្តារលើប្រព័ន្ធបរិស្ថានអេកូឡូស៊ី ដែលជាញឹកញាប់មានកម្រិតទឹកជន់ខ្លាំងក្នុងតំបន់នោះ ៕





ដោយ៖ មាន រតនា

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ