ព័ត៌មានអន្ដរជាតិ
កម្របំផុត! ចិន-តៃវ៉ាន់ ចាប់ដៃគ្នាធ្វើបេសកកម្ម ជួយសង្គ្រោះកប៉ាល់នេសាទ
ជារឿងកម្របំផុត ដែលនៅថ្ងៃព្រហស្បតិ៍ទី១៤ខែមីនា កោះតៃវ៉ាន់និងប្រទេសចិន បានបញ្ជូនក្រុមក្នុងបេសកកម្មរួមគ្នា ទៅជួយសង្គ្រោះកប៉ាល់មួយគ្រឿង ដែលលិចជិតកោះ Kinmen ខណៈភាពតានតឹងនៅច្រកសមុទ្រតៃវ៉ាន់ ហាក់មិនបង្ហាញសញ្ញាធូរស្បើយឡើយ។ នេះបើតាមការចុះផ្សាយរបស់ Reuters។
![](https://www.kampucheathmey.com/wp-content/uploads/2024/03/image-665.png)
ក្នុងសេចក្តីថ្លែងការណ៍មួយ ឆ្មាំសមុទ្រតៃវ៉ាន់និយាយថា កម្លាំងមកពីភាគីទាំងពីរ បានបញ្ចេញទូកជួយសង្គ្រោះ បន្ទាប់ពីកប៉ាល់នេសាទចិនមួយគ្រឿង លិចនៅព្រឹកព្រលឹមថ្ងៃព្រហស្បតិ៍។ សេចក្តីរាយការណ៍ដដែលបន្តថា មនុស្សពីរនាក់ត្រូវប្រទះឃើញស្លាប់ ហើយពីរនាក់សង្គ្រោះបាន ចំណែកពីរនាក់ទៀតកំពុងបាត់ខ្លួន នៅឡើយ។
យោងតាមមន្ត្រីជាន់ខ្ពស់តៃវ៉ាន់ដែលសុំមិនបញ្ចេញឈ្មោះ, ទីក្រុងតៃប៉ិ បានបញ្ជូនទូកឆ្មាំសមុទ្រ ដើម្បីទៅចូលរួមជួយសង្រ្គោះ បន្ទាប់ពីអាជ្ញាធរចិនសុំជំនួយពួកគេ។ កប៉ាល់នេសាទចិន បានលិចនៅចម្ងាយជិត២គីឡូម៉ែត្រ ក្នុងសមុទ្រភាគខាងលិចនៃកោះ Dongding របស់តៃវ៉ាន់ ហើយស្របពេលជាមួយគ្នានោះ កងកម្លាំងប្រដាប់អាវុធតៃវ៉ាន់ ដែលឈរជើងនៅលើកោះនោះ ក៏ចូលរួមក្នុងការជួយសង្រ្គោះដែរ។
![](https://www.kampucheathmey.com/wp-content/uploads/2024/03/image-666.png)
ទោះបីជាយ៉ាងណាក៏ដោយ ភាគីតៃវ៉ាន់ មិនបានបញ្ជាក់អ្វីឲ្យលម្អិតជាងនេះទេ ដោយគ្រាន់តែអះអាងថា ខ្លួនបានបញ្ជូនទូកឆ្មាំចំនួន៤គ្រឿង ចំណែកសមភាគីចិន បញ្ជូនទូក៦គ្រឿងសម្រាប់ជួយសង្គ្រោះ។
សូមបញ្ជាក់ ទីក្រុងប៉េកាំង ចាត់ទុកតៃវ៉ាន់ ជាផ្នែកនៃទឹកដីអធិបតេយ្យរបស់ចិន ហើយបានព្រមានជាច្រើនលើកច្រើនសាថា ការប៉ុនប៉ងប្រកាសខ្លួនជារដ្ឋឯករាជ្យ គឺស្មើនឹងការប្រកាសសង្គ្រាម។
![](https://www.kampucheathmey.com/wp-content/uploads/2024/03/image-667.png)
ស្ថិតនៅចម្ងាយប្រហែល១៨០គីឡូម៉ែត្រពីចិនដីគោក កោះនេះធ្លាប់ត្រូវបានគេស្គាល់ឈ្មោះថា Formosa។ ចិន បានប្រគល់កោះនេះទៅឲ្យជប៉ុននៅឆ្នាំ១៨៩៥ ហើយយកមកវិញបន្ទាប់ពីការចាញ់សង្គ្រាមរបស់ទីក្រុងតូក្យូក្នុងឆ្នាំ១៩៤៥។ នៅពេលក្រុមអ្នកជាតិនិយមចិន ចាញ់សង្រ្គាមស៊ីវិលក្រោមដៃពួកកុម្មុយនិស្តរបស់លោកម៉ៅ ក្នុងឆ្នាំ១៩៤៩ ពួកគេបានជម្លៀសទៅកាន់កោះនេះដោយមានជំនួយពីសហរដ្ឋអាមេរិក និងបានប្រកាសទីក្រុងតៃប៉ិ ជារដ្ឋធានីនៃសាធារណរដ្ឋចិន។
លុះមកដល់ឆ្នាំ១៩៧១ អង្គការសហប្រជាជាតិ បានទទួលស្គាល់រដ្ឋាភិបាលនៅទីក្រុងប៉េកាំងថាជារដ្ឋាភិបាលស្របច្បាប់របស់ចិន ដែលនាំឲ្យប្រទេសជាច្រើន មិនទទួលស្គាល់តៃវ៉ាន់។ មកដល់ឆ្នាំ១៩៧២ សហរដ្ឋអាមេរិក ក៏ទទួលយកជំហររបស់ទីក្រុងប៉េកាំង ដែលថាមានប្រទេសចិនតែមួយគត់ ហើយតៃវ៉ាន់គឺជាផ្នែកនៃប្រទេសចិន៕
អត្ថបទ៖ សុខ សុវណ្ណ
ចុចអាន៖ លោក ស៊ី ព្រមានប្រើគ្រប់មធ្យោបាយ ដើម្បីទប់ស្កាត់ការបំបែកខ្លួន តៃវ៉ាន់
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?