ព័ត៌មានអន្ដរជាតិ
EU ជំរុញផែនការដកលុយបង្កក រុស្ស៊ី ទិញអាវុធឲ្យ អ៊ុយក្រែន
សហភាពអឺរ៉ុប (EU) កំពុងជំរុញផែនការប្រើប្រាស់ប្រាក់ចំណេញរាប់ពាន់លានដុល្លារដែលកើបបានពីទ្រព្យសម្បត្តិរបស់រុស្ស៊ី ក្រោយត្រូវបានបង្កកនៅក្នុងទ្វីបអឺរ៉ុប យកទៅទិញអាវុធ ក៏ដូចជាផ្ដល់មូលនិធិផ្សេងទៀតឲ្យអ៊ុយក្រែន ។ នេះបើយោងតាមការចេញផ្សាយរបស់ទីភ្នាក់ងារព័ត៌មាន AP នៅថ្ងៃទី២០ ខែមីនានេះ ។

ប្រធានគោលនយោបាយការបរទេសរបស់សហភាពអឺរ៉ុបលោក Josep Borrell បានទទួលភ្លើងខៀវចំពោះផែនការនេះពីរដ្ឋមន្ត្រីការបរទេសភាគច្រើននៃប្រទេសសមាជិក EU រួចហើយ ហើយលោកសង្ឃឹមថា មេដឹកនាំសហភាពអឺរ៉ុបនឹងគាំទ្រនៅក្នុងកិច្ចប្រជុំកំពូលនាទីក្រុងប្រ៊ុចសែលដែលចាប់ផ្តើមនៅថ្ងៃព្រហស្បតិ៍ ខណៈផែនការនេះកើតឡើង បន្ទាប់ពីអ៊ុយក្រែនជិតអស់អាវុធខ្លាំងៗទប់ទល់នឹងរុស្ស៊ី ស្របពេលកិច្ចខិតខំប្រឹងប្រែងផ្ដល់ជំនួយថ្មីរបស់អាមេរិកនៅនឹងថ្កល់ក្នុងសភានៅឡើយ ។
EU ដែលមានសមាជិក ២៧ ប្រទេសកំពុងកាន់កាប់លុយប្រហែល ២១៧ ពាន់លានដុល្លារនៅក្នុងទ្រព្យសម្បត្តិរបស់ធនាគារកណ្តាលរុស្ស៊ី ដែលភាគច្រើនត្រូវបានបង្កកក្នុងប្រទេសបែលហ្ស៊ិក ក្នុងការសងសឹកចំពោះសង្រ្គាមរបស់ទីក្រុងមូស្គូប្រឆាំងនឹងអ៊ុយក្រែន អាចនឹងផ្ដល់ឲ្យរដ្ឋាភិបាលទីក្រុងកៀវប្រហែល ៣.៣ ពាន់លានដុល្លារជារៀងរាល់ឆ្នាំ ខណៈប្រជាជនរុស្ស៊ីច្បាស់ណាស់ថា មិនពេញចិត្តនឹងផែនការនេះនោះទេ ។

យ៉ាងណាមិញ ប្រទេសសមាជិកមួយចំនួន ជាពិសេសហុងគ្រីបានបដិសេធមិនផ្គត់ផ្គង់សព្វាវុធដល់អ៊ុយក្រែននោះឡើយ ដូច្នេះប្រាក់ចំណេញទាំងនេះនឹងត្រូវបែងចែក ហើយប្រហែល ៩០ ភាគរយនៃលុយទាំងនោះ នឹងត្រូវដាក់ចូលទៅក្នុងមូលនិធិពិសេស ដែលបណ្តាប្រទេសសហភាពអឺរ៉ុបជាច្រើនបានប្រើប្រាស់រួចហើយ ដើម្បីទទួលបានសំណងអាវុធ និងគ្រាប់រំសេវដែលប្រទេសទាំងនោះបញ្ជូនទៅឲ្យអ៊ុយក្រែននាពេលកន្លងមក ។ ចំណែក១០ ភាគរយផ្សេងទៀតនឹងត្រូវដាក់ចូលទៅក្នុងថវិកា EU ដើម្បីជួយជំរុញឧស្សាហកម្មការពារជាតិរបស់អ៊ុយក្រែន ។
គួរបញ្ជាក់ផងដែរថា ធនាគារកណ្តាលអឺរ៉ុប ឬ ECB បានព្រមាននាពេលកន្លងមកប្រឆាំងនឹងការរឹបអូសទ្រព្យសម្បត្តិរបស់រុស្សី ព្រោះវាអាចបំផ្លាញទំនុកចិត្តលើរូបិយប័ណ្ណអឺរ៉ូ និងទីផ្សារសហភាពអឺរ៉ុប ប៉ុន្តែលោក Borrell បាននិយាយថា គ្មានទ្រព្យសម្បត្តិណាត្រូវបានរឹបអូសនោះទេ ពោលមានតែផលចំណេញប៉ុណ្ណោះ ៕

អត្ថបទ ៖ ប៊ុន សុភាព

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ