ជប៉ុន រកឃើញវីរុសកូវីដ១៩បំប្លែងខ្លួនថ្មី

ប្រទេសជប៉ុនបានបញ្ជាក់ពីវីរុសកូវីដ១៩បំប្លែងខ្លួនប្រភេទថ្មី ហើយចង្កោមបង្ករោគបានផ្ទុះឡើងនៅឯមជ្ឈមណ្ឌលអន្តោប្រវេសន៍មួយក្នុងទីក្រុងតូក្យូ។ នេះបង្ហាញពីបញ្ហាប្រឈមថ្មីៗ ស្របពេលប្រទេសជប៉ុន កំពុងព្យាយាមយកឈ្នះលើរលកទីបីនៃជំងឺរាតត្បាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិទ្យាស្ថានជាតិជំងឺឆ្លងបាននិយាយថា វីរុសបំប្លែងខ្លួនថ្មីនេះ ហាក់ដូចជាមានដើមកំណើតនៅបរទេសប៉ុន្តែខុសគ្នាពីប្រភេទដទៃទៀត ដែលត្រូវបានរកឃើញនៅក្នុងប្រទេសជប៉ុន។ វាមានកំឡាយ E484K លើប្រូតេអ៊ីននៃវីរុស ដែលត្រូវបានគេរកឃើញនៅក្នុងវីរុសផ្សេងទៀត ដែលអាចធ្វើឲ្យប៉ះពាល់ដល់ប្រសិទ្ធភាពរបស់វ៉ាក់សាំង។

លោក Katsunobu Kato លេខាធិការខុទ្ទកាល័យបានប្រាប់អ្នកយកព័ត៌មានកាលពីថ្ងៃសុក្រថា វីរុសបំប្លែងខ្លួនថ្មីត្រូវបានគេរកឃើញនៅក្នុង ៩១ករណីនៅតំបន់ Kanto ភាគខាងកើតប្រទេសជប៉ុននិង ២ករណីនៅអាកាសយានដ្ឋាន។

រដ្ឋាភិបាលកំពុងបង្កើនការឃ្លាំមើលប្រឆាំងនឹងវីរុសនេះ ដោយសារតែវាអាចមានភាពធន់ទៅនឹងវ៉ាក់សាំងដែលជប៉ុនបានចាប់ផ្តើមចែកចាយនៅសប្តាហ៍នេះ។

លោក Kato បន្តថា “វាអាចឆ្លងរាលដាលខ្លាំងជាងវីរុសបំប្លែងខ្លួនធម្មតា ហើយបើវាបន្តរាលដាលក្នុងស្រុកមែននោះ វាអាចនាំឲ្យមានករណីកើនឡើងយ៉ាងលឿន”៕

ប្រែសម្រួលដោយ៖ Vann Vann

ប្រភព៖ Tuoi Tre

ចុចអាន៖ អ្នកវិទ្យាសាស្រ្តរកឃើញវីរុសបំប្លែងខ្លួនថ្មីមួយប្រភេទទៀតឈ្មោះ Fin-796H

ចុចអាន៖ ផ្ទុះវីរុសបំប្លែងខ្លួនថ្មីមួយទៀត ទោះវ៉ាក់សាំងក៏មិនខ្លាច