តៃវ៉ាន់ ដាក់ពង្រាយប្រព័ន្ធចាប់មីស៊ីល ក្រោយពេលយន្តហោះចម្បាំងចិន៨គ្រឿង ចូលដែនអាកាសរបស់ខ្លួន

កងទ័ពអាកាសតៃវ៉ាន់ បានបើកប្រព័ន្ធមីស៊ីលបន្ទាប់ពី យន្ដហោះចម្បាំងរបស់ចិនចំនួន៨គ្រឿង ហោះចូលភាគនិរតីនៃតំបន់ការពារដែនអាកាសរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងការពារជាតិតៃវ៉ាន់បាននិយាយកាលពីថ្ងៃសុក្រថា យន្តហោះចម្បាំងចិន J-16 ចំនួន៤គ្រឿងនិង JH-7 ចំនួន៤គ្រឿង ក៏ដូចជាយន្តហោះចម្បាំងអេឡិចត្រូនិចផងដែរ បានហោះនៅក្បែរប្រជុំកោះ Pratas ដែលគ្រប់គ្រងដោយតៃវ៉ាន់ នៅផ្នែកខាងលើនៃសមុទ្រចិនខាងត្បូង។

ក្រសួងនិយាយថា កងទ័ពអាកាសតៃវ៉ាន់ត្រូវបានដាក់ពង្រាយ ជាមួយការព្រមានតាមវិទ្យុហើយប្រព័ន្ធមីស៊ីលការពារដែនអាកាស ត្រូវបានបើកដើម្បីតាមដានសកម្មភាពនេះ។

ក្នុងរយៈពេលប៉ុន្មានខែចុងក្រោយ ប្រទេសចិនបានបង្កើនសកម្មភាពយោធារបស់ខ្លួននៅជុំវិញកោះប្រជាធិបតេយ្យមួយនេះ។ ទីក្រុងប៉េកាំងនិយាយថា ខ្លួនកំពុងឆ្លើយតបទៅនឹងអ្វីដែលខ្លួនហៅថា ជាការឃុបឃិតគ្នារវាងទីក្រុងតៃប៉ិនិងវ៉ាស៊ីនតោន ដែលជាអ្នកគាំទ្រអន្តរជាតិនិងជាអ្នកផ្គត់ផ្គង់អាវុធដ៏សំខាន់បំផុតរបស់កោះតៃវ៉ាន់។

យន្តហោះចិន បានហោះហើរនៅភាគនិរតីនៃតំបន់នេះស្ទើរតែរាល់ថ្ងៃ។ ការលុកលុយទ្រង់ទ្រាយធំចុងក្រោយគឺនៅថ្ងៃទី២៤ខែមករា នៅពេលដែលយន្តហោះចម្បាំងចិន១២គ្រឿងបានចូលរួម។

ទោះបីជាយ៉ាងណាក៏ដោយ មិនមានការអត្ថាធិប្បាយភ្លាមៗពីប្រទេសចិនទេ៕

ប្រែសម្រួលដោយ៖ Vann Vann

ប្រភព៖ Al Jazeera

ចុចអាន៖ ទីបំផុត ចិន ដាច់ចិត្តទម្លាយតួលេខទាហានដែលស្លាប់ ក្នុងការប៉ះទង្គិចជាមួយឥណ្ឌានៅព្រំដែនជម្លោះ

ចុចអាន៖ ចិន ប្រាប់ឲ្យប្រទេសអ្នកមាន ឈប់ស្តុកទុកវ៉ាក់សាំងកូវីដ