ព័ត៌មានអន្ដរជាតិ

ថៃ ចាប់ជនជាតិខ្មែរ ១៧៥នាក់ ព្រោះដណ្តើមមុខរបរ ដែលបម្រុងទុកសម្រាប់ពលរដ្ឋខ្លួន

បានផុស

១១ ខែ មុន

នៅ

ថ្ងៃព្រហស្បតិ៍ ២១ មីនា ២០២៤

ដោយ

តាមការចុះផ្សាយរបស់ The Nation នៅថ្ងៃព្រហស្បតិ៍ទី២១ខែមីនា, ក្នុងរយៈពេលប្រាំមួយខែកន្លងមកនេះ រដ្ឋាភិបាលថៃ បានចាប់ខ្លួនជនបរទេសជាង៧០០នាក់ ព្រោះដណ្តើមមុខរបរ ដែលបម្រុងទុកសម្រាប់ប្រជាជនរបស់ខ្លួន ហើយក្នុងនោះដែរ ជនជាតិមីយ៉ាន់ មានច្រើនជាងគេ ពោលគឺ ៣១៦នាក់ និង កម្ពុជា ឈរលេខ២ មាន១៧៥នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីជនជាតិមីយ៉ាន់ម៉ានិងខ្មែរ, ជនបរទេសផ្សេងទៀតដែលចាប់បានដណ្តើមមុខរបរប្រជាជនថៃ មានដូចជា ឡាវ១០៦នាក់, ឥណ្ឌា៦៥នាក់, វៀតណាម៤២នាក់, ចិន៥, ចំណែក១២នាក់ទៀត មានសញ្ជាតិផ្សេងៗ។

អ្នកនាំពាក្យរដ្ឋាភិបាលលោក Kharom Polpornklang និយាយថា ក្រោយមានការតវ៉ាពីប្រជាពលរដ្ឋ នាយកដ្ឋានការងារបានបើកការបង្រ្កាប ជាលទ្ធផល ឃាត់ខ្លួនជនបរទេសចំនួន៧២១នាក់ ដែលភាគច្រើនជាអ្នកលក់ដូរតាមដងផ្លូវ ជាងកាត់សក់ អ្នកបើកបរ និងអ្នកម៉ាស្សា ហើយការត្អូញត្អែរនោះទៀតសោត ភាគច្រើនចេញពីខេត្តពឹងលើទេសចរណ៍។

អ្នកនាំពាក្យរដ្ឋាភិបាលលោក Kharom Polpornklang (រូបថត៖ Nation)

ស្របពេលជាមួយគ្នានោះដែរ នាយកដ្ឋាន បានត្រួតពិនិត្យអាជីវកម្មចំនួន២៥ ៦២៨កន្លែងនៅទូទាំងប្រទេស ចាប់ពីថ្ងៃទី១ខែតុលាឆ្នាំ២០២៣ ដល់ថ្ងៃទី១៨ខែមីនាឆ្នាំ២០២៤ ហើយបានចាត់វិធានការផ្លូវច្បាប់ប្រឆាំងអាជីវកម្មចំនួន៨២០ សម្រាប់ការជួលកន្លែងឲ្យជនបរទេស ប្រកបមុខរបរដែលបម្រុងទុកសម្រាប់ប្រជាជនថៃ។

បើយោងតាមរបាយការណ៍ ជនបរទេសដែលធ្វើការនៅក្នុងប្រទេសថៃ ភាគច្រើនស្ថិតនៅក្នុងទីក្រុងបាងកក និងតំបន់ជុំវិញនោះ ដូចជាភូកេត កោះសាមុយ ប៉ាតាយ៉ា និងឈៀងម៉ៃ។