ការតវ៉ានៅមីយ៉ាន់ម៉ាកាន់តែផ្ទុះខ្លាំង ក្រោយបាតុករស្លាប់លើកដំបូង

ក្រុមគ្រួសារនៃបាតុករដំបូងគេដែលត្រូវបានសម្លាប់នៅក្នុងប្រទេសមីយ៉ាន់ម៉ា បន្ទាប់ពីរដ្ឋប្រហារយោធាកំពុងអំពាវនាវឲ្យមនុស្សជាច្រើនបន្ថែមទៀតចូលរួមបាតុកម្ម ។

នាង Mya Thwe Thwe Khaing បានរងរបួសដោយគ្រាប់កាំភ្លើងពិតបាញ់ចំក្បាលនៅរដ្ឋធានីណៃពិដោកាលពីថ្ងៃទី ៩ ខែកុម្ភៈ ហើយនារីវ័យ ២០ ឆ្នាំរូបនេះបានស្លាប់នៅថ្ងៃសុក្រម្សិលមិញ ។

ថ្លែងប្រាប់អ្នកសារព័ត៌មានបងស្រីរបស់នាងបានជំរុញឲ្យប្រជាជនចូលរួមបាតុកម្មរហូតដល់យោធាត្រូវបានកម្ចាត់ ។

រហូតដល់ថ្ងៃសៅរ៍នេះប្រជាជនរាប់ពាន់នាក់នៅទូទាំងប្រទេសនៅតែបន្តធ្វើបាតុកម្មប្រឆាំងនឹងរដ្ឋប្រហារថ្ងៃទី ១ ខែកុម្ភៈ ។

នៅទីក្រុងយ៉ាំងហ្គោន ប្រជាជនបានដាក់កម្រងផ្កា និងបួងសួងនៅមុខរូបថតរបស់នាង Mya Thwate Thwate Khaing ។

ទន្ទឹមនោះបុរសម្នាក់បាននិយាយថា ប្រទេសមីយ៉ាន់ម៉ាទាំងមូលកំពុងសោកសៅ ។ ប្រជាជនត្រូវតែបន្តតស៊ូដើម្បីលទ្ធិប្រជាធិបតេយ្យ និងសិទ្ធិនារី ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ស្រ្តីដែលត្រូវគេបាញ់ក្នុងបាតុកម្មមីយ៉ាន់ម៉ា ទទួលមរណភាពហើយ

ចុចអាន ៖ អាស៊ានជំរុញសមាជិកជួយស្តារភាពប្រក្រតីនៅមីយ៉ាន់ម៉ា