ព័ត៌មានអន្ដរជាតិ
មនុស្សស្លាប់គរជើងគ្នា ក្នុងការវាយប្រហារភេរវកម្មដ៏រន្ធត់នៅផ្សារទំនើប រុស្ស៊ី
ជាការវាយប្រហារភេរវកម្មអាក្រក់បំផុតក្នុងប្រវត្តិសាស្រ្តសម័យទំនើបរបស់រុស្ស៊ី, ទីភ្នាក់ងារសន្តិសុខសហព័ន្ធ (FSB) បានរាយការណ៍កាលពីថ្ងៃសុក្រទី២២ថា តាមតួលេខបឋម មនុស្សជាង៦០នាក់ត្រូវសម្លាប់ និងជាង១០០នាក់រងរបួសក្នុងការបាញ់រះនិងបំផ្ទុះគ្រាប់បែក នៅឯផ្សារទំនើបនិងសាលប្រគំតន្ត្រី Crocus City Hall ភាគពាយព្យទីក្រុងមូស្គូ ខណៈក្រុមរដ្ឋឥស្លាមបានចេញមុខអះអាងទទួលខុសត្រូវចំពោះការវាយប្រហារនេះ។
យោងតាមប្រព័ន្ធផ្សព្វផ្សាយក្នុងស្រុក, អាចមានមនុស្សរហូតដល់៦ ២០០នាក់ស្ថិតក្នុងអគារនៅពេលការបាញ់ប្រហារចាប់ផ្តើម ហើយក្រសួងស្ថានការណ៍គ្រាអាសន្នបានបញ្ជាក់ថា មនុស្សប្រមាណ១០០នាក់ ត្រូវបានជួយសង្គ្រោះ នាំទៅកាន់ទីសុវត្ថិភាព។
វីដេអូដែលចែកចាយតាមប្រព័ន្ធអ៊ីនធឺណិតបានបង្ហាញពី ខ្មាន់កាំភ្លើងចំនួន៥នាក់ ហាក់ដូចជាកាន់អាវុធស្វ័យប្រវត្តិ និងមានឧបករណ៍យោធាផ្សេងទៀត សម្រុកចូលវាយប្រហារក្នុងផ្សារទំនើប។ តាមសេចក្តីរាយការណ៍ ពួកគេបានសម្លាប់ឆ្មាំសន្តិសុខ នៅច្រកធំ មុនពេលចូលក្នុង។
នៅពេលក្រុមភេរវករ ចូលទៅដល់សាលប្រគំតន្ត្រី ពួកគេបានដុតកៅអីនៅខាងក្នុង បណ្តាលឲ្យអណ្តាតភ្លើងឆេះរាលដាលពាសពេញអាគារ ហើយឈានដល់ដំបូល។
ក្រៅពីអ្នកស្លាប់ មានជនរងគ្រោះរាប់សិបនាក់ទៀត ត្រូវបានគេនិយាយថា កំពុងស្ថិតក្នុងស្ថានភាពធ្ងន់ធ្ងរ ហើយមនុស្ស៥នាក់ ក្នុងចំណោមអ្នកស្លាប់គឺជាកុមារអាយុក្រោម៧ឆ្នាំ។
ប៉ូលិសរុស្ស៊ី ក៏មិនទាន់ប្រកាសពីការចាប់ខ្លួនជនណាម្នាក់នៅពីក្រោយការវាយប្រហារនេះដែរ ប៉ុន្តែក្រុមរដ្ឋឥស្លាម ISIS បានអះអាងថា ខ្លួនជាអ្នកប្រព្រឹត្តអំពើភេរវកម្មនេះ។
ភ្លាមៗនោះដែរ មន្ត្រីជាន់ខ្ពស់អ៊ុយក្រែន បានចេញមុខបដិសេធជាប់ពាក់ព័ន្ធការវាយប្រហារនេះ ដោយបញ្ជាក់ថា ទីក្រុងកៀវ មិនយកជម្រើសប្រព្រឹត្តអំពើភេរវកម្មប្រឆាំងនឹងរុស្ស៊ីឡើយ។
ស្របពេលជាមួយគ្នានោះដែរ អង្គការអន្តរជាតិនិងរដ្ឋាភិបាលបរទេស បានរួមគ្នាថ្កោលទោសចំពោះការវាយប្រហារភេរវកម្មនេះ ជាពិសេសអាមេរិកតែម្តង ដោយទីប្រឹក្សាសន្តិសុខជាតិសេតវិមាន លោក John Kirby បាននិយាយថា “យើងឈរជាមួយប្រជាជនរុស្ស៊ី ក្នុងគ្រាមានការវាយប្រហារដ៏រន្ធត់និងគួរឲ្យខ្លាចនេះ”៕
អត្ថបទ៖ សុខ សុវណ្ណ
ចុចអាន៖ អឺរ៉ុប ព្រមានពីការវាយប្រហារភេរវកម្ម អំឡុងពេលបុណ្យណូអែល
សម្ដេចធិបតី៖ កម្ពុជា-ចិននៅតែបន្តជំរុញការផ្សព្វផ្សាយវប្បធម៌ ប្រពៃណី និងវប្បធម៌ជាមួយគ្នាទៀត
ឯកឧត្តម ហ៊ុន ម៉ានិត៖ កត្តាសន្តិភាពជាមូលដ្ឋានគ្រឹះនៃការអភិវឌ្ឍលើគ្រប់វិស័យ
ស.ស.យ.ក ប្រកាសប្រកួតរកស្ដេចអុកឆ្នាំ២០២៥ចាប់ពីក្មេងអាយុ៨ឆ្នាំឡើង
កម្ពុជា-ចិន ប្តេជ្ញាបង្កើនកិច្ចសហប្រតិបត្តិការភាពជាដៃគូយុទ្ធសាស្រ្តគ្រប់ជ្រុងជ្រោយ
អាមេរិក ពន្លឿនការផ្ដល់ជំនួយយោធា ៤ពាន់លានដុល្លារឲ្យអ៊ីស្រាអែល
អង់គ្លេស ថែមប្រាក់កម្ចីឲ្យអ៊ុយក្រែន ជិត៣ពាន់លានដុល្លារ សម្រាប់ផលិតកម្មអាវុធ
អ្នកឃ្លាំមើលសង្គម៖ពលរដ្ឋខ្មែរនៅកូរ៉េ ៩៩% មិនបានចូលរួមបាតុកម្ម និងបន្តជឿជាក់រាជរដ្ឋាភិបាលលើបញ្ហាទឹកដី
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
ផ្លូវថ្មើរជើងរាត្រីនេះ មានល្ខោនបាសាក់ ចាបុីដងវែងនៅសប្តាហ៍ក្រោយ នឹងមានកំប្លែងនាយក្រឹម
បណ្ឌិត សូ ណារ៉ូ ៖ ពលរដ្ឋកុំធ្វើតាមទណ្ឌិត សម រង្ស៊ី ព្រោះជាការញុះញង់ផ្តួលរំលំរដ្ឋាភិបាល និងជាបទល្មើសព្រហ្មទណ្ឌកម្រិតធ្ងន់
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ១ សប្តាហ៍ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ
-
ជីវិតកម្សាន្ដ៧ ថ្ងៃ agoគ្រឿងអលង្ការរបស់កញ្ញា លីនដា បង្ហាញខ្លួននៅ Bvlgari ថ្ងៃមុន តម្លៃសរុបចូលដល់ខ្ទង់លានដុល្លារ