ព័ត៌មានអន្ដរជាតិ
មីស៊ីល រុស្ស៊ី ហោះចូលដែនអាកាសណាតូ បញ្ឆេះស្ថានការណ៍ ឲ្យឆួលក្តៅ
ស្ថានការណ៍នៅអឺរ៉ុបភាគកណ្តាលហាក់ឡើងកម្តៅខ្លាំង បន្ទាប់ពីមីស៊ីលរុស្ស៊ី ហោះចូលដែនអាកាសរបស់ប្រទេសប៉ូឡូញដែលជាសមាជិកអង្គការណាតូ ហើយទីក្រុង វ៉ាសូវី ក៏បានកោះហៅឯកអគ្គរដ្ឋទូតរុស្ស៊ីផងដែរ ដើម្បីឲ្យពន្យល់ពីរឿងនេះ។ នេះបើយោងតាមការចុះផ្សាយរបស់ RT នៅថ្ងៃចន្ទទី២៥ខែមីនា។
ក្រសួងការបរទេសប៉ូឡូញ បាននិយាយក្នុងសេចក្តីប្រកាសមួយ លើគេហទំព័ររបស់ខ្លួនថា “ប៉ូឡូញ នឹងទាមទារការពន្យល់ពីសហព័ន្ធរុស្ស៊ី ពាក់ព័ន្ធការរំលោភដែនអាកាសរបស់ប្រទេសនេះ”។
យោងតាមកងទ័ពប៉ូឡូញ មីស៊ីលបាញ់ពីយន្តហោះ បានហោះចូលដែនអាកាសប៉ូឡូញប្រហែល៤០វិនាទី នៅម៉ោង៤និង២៤នាទីព្រឹកថ្ងៃអាទិត្យទី២៤ខែមីនា ជិតភូមិ Oserdow ភាគអាគ្នេយ៍ ខណៈគោលដៅនៃការវាយប្រហារនេះ គឺនៅភាគខាងលិចប្រទេសអ៊ុយក្រែនឯណោះទេ។
ទោះបីជាយ៉ាងណាក៏ដោយ ទីក្រុងមូស្គូ មិនធ្វើអត្ថាធិប្បាយលើបញ្ហានេះឡើយ ប៉ុន្តែក្រសួងការពារជាតិរុស្ស៊ី បានរាយការណ៍ក្នុងអំឡុងសន្និសីទសារព័ត៌មានកាលពីថ្ងៃអាទិត្យថា យន្តហោះចម្បាំងរបស់ខ្លួន បានបើកការវាយប្រហារលើហេដ្ឋារចនាសម្ព័ន្ធថាមពលរបស់អ៊ុយក្រែន។
ហេតុការណ៍នេះ ធ្វើឲ្យគេនឹកឃើញដល់ខែវិច្ឆិកាឆ្នាំ២០២២ ពេលមីស៊ីលមួយគ្រាប់ ធ្លាក់នៅក្នុងភូមិ Przewodow របស់ប៉ូឡូញ ជិតព្រំដែនអ៊ុយក្រែន ដោយបានសម្លាប់កសិករពីរនាក់។
កាលពីខែមុន លោកប្រធានាធិបតី វ្ល៉ាឌីមៀរ ពូទីន បានគូសបញ្ជាក់ថា រុស្ស៊ីនឹងប្រយុទ្ធដើម្បីផលប្រយោជន៍របស់ខ្លួនឲ្យដល់ទីបញ្ចប់ ប៉ុន្តែមិនមានចិត្តចង់ពង្រីកភ្លើងសង្គ្រាមនៅអ៊ុយក្រែនឲ្យឆេះរាលដាលទៅកាន់ប្រទេសផ្សេងទៀតដូចជា ប៉ូឡូញ និងឡេតូនីនោះទេ។
នៅពេលត្រូវបានអ្នកកាសែតអាមេរិក Tucker Carlson សួរថាតើលោក ពូទីន អាចសាកស្រមៃពីសេណារីយ៉ូដែលលោកអាចនឹងលើកទ័ពរុស្ស៊ីចូលទៅកាន់ប្រទេសប៉ូឡូញ ដែលជាសមាជិកអង្គការណាតូដែរឬទេ? មេដឹកនាំរុស្ស៊ីរូបនេះបានឆ្លើយថា “មានតែករណីមួយប៉ុណ្ណោះដែលរឿងនេះអាចកើតឡើង ហើយនោះគឺទាល់តែប៉ូឡូញហ៊ានវាយឆ្មក់មកលើរុស្ស៊ីមុន ។ នេះមកពីហេតុអ្វី? ពីព្រោះយើងមិនមានចំណាប់អារម្មណ៍ធ្វើរឿងទាំងនេះលើប៉ូឡូញ ឡេតូនី ឬប្រទេសណាផ្សេងទៀតនោះទេ”។
សូមបញ្ជាក់ជាថ្មី នៅថ្ងៃទី២៤ខែកុម្ភៈឆ្នាំ២០២២ រុស្ស៊ី បានបើកប្រតិបត្តិការយោធាពិសេសក្នុងប្រទេសអ៊ុយក្រែន ក្នុងគោលបំណងរំដោះតំបន់ Donbass ព្រោះថាបើយោងតាមភាគីរុស្ស៊ី, នៅទីនោះប្រជាជននៃសាធារណរដ្ឋ Donetsk និង Lugansk បានរស់នៅក្រោមគ្រាប់ផ្លោងរបស់កងកម្លាំងទីក្រុងកៀវ សឹងរាល់ថ្ងៃ។
មិនត្រឹមប៉ុណ្ណឹង ទីក្រុងមូស្គូថែមទាំងអះអាងដែរថា ខ្លួនចង់លុបបំបាត់មនោគមវិជ្ជាណាស៊ី ក៏ដូចជាភាពគ្មានយោធារបស់អ៊ុយក្រែន ទៀតផង៕
អត្ថបទ៖ សុខ សុវណ្ណ
ចុចអាន៖ លោក ពូទីន ថា រុស្ស៊ី ដូចជាគ្មានចិត្តចង់ពង្រីកសង្គ្រាមទៅដល់ ប៉ូឡូញ និងឡេតូនីឡើយ
មន្ត្រីយោធាកំពូលពីររូបរបស់អាមេរិក ត្រូវបណ្តេញចេញពីតំណែង
បណ្ដាក្រុមហ៊ុនកូរ៉េខាងត្បូង គ្រោងបង្កើនការវិនិយោគនៅវៀតណាម
បច្ចេកវិទ្យាទំនើបៗចុងក្រោយរបស់ពិភពលោក នឹងយកទៅប្រើប្រាស់នៅអាកាសយានដ្ឋានអន្តរជាតិតេជោ
អភិបាលខេត្តជាប់សមុទ្រទាំង ៤ កម្ពុជា ចុះទស្សនកិច្ចទីក្រុងឧស្សាហកម្មសិនជិន ទាក់ទាញវិនិយោគិនចិនមកកម្ពុជា
ការអនុវត្តលក្ខខណ្ឌការងារ និងអត្ថប្រយោជន៍ផ្សេងៗ តាមសហគ្រាសគ្រឹះស្ថាន មានភាពល្អប្រសើរ
រដ្ឋមន្ត្រីការពារជាតិ ទៀ សីហា នឹងចូលរួមកិច្ចប្រជុំចង្អៀតរដ្ឋមន្ត្រីការពារជាតិអាស៊ាននៅម៉ាឡេស៊ីចុងខែនេះ
ក្រុមហ៊ុន KENPAX របស់ចិន គ្រោងនឹងសាងសង់រោងចក្របរិក្ខារពេទ្យដ៏ធំមួយនៅក្នុងស្រុកជុំគីរី ខេត្តកំពត
ករណីមានវិវាទជាមួយ ប.ស.ស.មិនអាចដោះស្រាយបាន ពលរដ្ឋអាចដាក់ពាក្យប្តឹងទៅកាន់និយ័តករសន្តិសុខសង្គម
ពលរដ្ឋ និងកម្មករមកពីខេត្តកំពង់ស្ពឺ កំពង់ចាម កំពត និងខេត្តស្វាយរៀង មិនចង់ឃើញបាតុកម្មនៅកូរ៉េក្រោមរូបភាពចាញ់កលល្បិចទណ្ឌិត សម រង្ស៊ី
ចិន ចេញមុខនិយាយអំពីដំណោះស្រាយ អាមេរិក-រុស្ស៊ី ចំពោះសង្គ្រាមនៅអ៊ុយក្រែន
-
ព័ត៌មានជាតិ៤ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
ព័ត៌មានជាតិ៧ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ព័ត៌មានជាតិ៤ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
សន្តិសុខសង្គម៥ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៤ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ១ សប្តាហ៍ agoរុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម
-
ចរាចរណ៍២ ថ្ងៃ agoនគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់
-
សន្តិសុខសង្គម២ ថ្ងៃ agoជនដៃដល់ដែលកាប់សម្លាប់ប្រពន្ធនៅខណ្ឌដង្កោ ត្រូវបានសមត្ថកិច្ចឃាត់ខ្លួនបានហើយ