ក្រុមហ៊ុនមួយ ប្រាប់ប៉ូលិសកាលីហ្វ័រញ៉ា ឲ្យឈប់ប្រើក្បាលតុក្កតា Lego មកបិទមុខជនសង្ស័យ

កាលពីថ្ងៃទី២៣ ខែមីនា សារព័ត៌មាន Fox News បានរាយការណ៍ថា Lego ដែលជាក្រុមហ៊ុនក្មេងលេងដ៏ល្បីល្បាញបានទាក់ទងទៅស្ថានីយ៍ប៉ូលិស Murrieta រដ្ធកាលីហ្វ័រញ៉ា សហរដ្ឋអាមេរិក ដើម្បីសុំឲ្យពួកគេឈប់ប្រើក្បាល ក្បាលតុក្កតារបស់ខ្លួន​ ដើម្បីបិទមុខជនសង្ស័យទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍ដដែលបានបញ្ចាក់ថា កន្លងមក ប៉ុស្តិ៍ប៉ូលិសបានចាប់ផ្តើមប្រើក្បាលតុក្កតា Lego ដើម្បីបិទមុខជនសង្ស័យ។ បន្ទាប់ពីការអនុម័តថ្ងៃទី ០១ ខែមករា រដ្ឋកាលីហ្វ័រញ៉ាបានចាប់ផ្តើមប្រើច្បាប់ថ្មីមួយដែលចែងថា ស្ថានីយ៍ប៉ូលិសត្រូវបានហាមឃាត់មិនឲ្យបង្ហាញមុខជនសង្ស័យក្នុងឧក្រិដ្ឋកម្មអហិង្សា។ លុះត្រាតែស្ថានភាពចាំបាច់ ដែលស្ថានីយ៍ប៉ូលិស Murrieta ដូច្នេះ​ហើយ គាត់​បាន​សម្រេច​ចិត្ត​បិទ​មុខ​ដោយ​ក្បាល Lego ជំនួស​វិញ។

នាយកដ្ឋានប៉ូលីស Murrieta លោក Lt. Jeremy Durrant បានប្រាប់ Fox News Digital នៅក្នុងសេចក្តីថ្លែងការណ៍មួយថា Lego Group បានស្នើសុំឲ្យខ្លួនឈប់ប្រើប្រាស់ក្បាល Lego នៅក្នុងការបង្ហោះប្រព័ន្ធផ្សព្វផ្សាយសង្គមរបស់ពួកគេ។

លោក Durrant បាននិយាយថា “ក្រុម Lego បានទាក់ទងមកយើង ហើយបានស្នើសុំដោយការគោរព ឲ្យយើងបដិសេធពីការប្រើប្រាស់កម្មសិទ្ធិបញ្ញារបស់ពួកគេនៅក្នុងមាតិកាប្រព័ន្ធផ្សព្វផ្សាយសង្គមរបស់យើង ដែលជាការពិតណាស់ យើងយល់ ហើយនឹងអនុវត្តតាម” ។ បច្ចុប្បន្នយើងកំពុងស្វែងរកវិធីសាស្រ្តផ្សេងទៀត ដើម្បីបន្តការបោះពុម្ពផ្សាយខ្លឹមសាររបស់យើងតាមរបៀបដែលទាក់ទាញ និងចាប់អារម្មណ៍ចំពោះអ្នកតាមដានរបស់យើង”។

ទោះយ៉ាងណាក៏ដោយ ក្រុមហ៊ុន Lego មិន​បាន​ធ្វើ​អត្ថាធិប្បាយ​ទៅកាន់សារព័ត៌មាន Fox News​ ធ្វើការបកស្រាយឲ្យកាន់តែច្បាស់លាស់ជាងមុនពាក់ព័ន្ធនិងកម្មសិទ្ធបញ្ហារបស់ខ្លួនឡើយ។ ប៉ុន្តែយ៉ាងណាមិញ មិនត្រឹមតែក្រុមហ៊ុនទេដែលប្រតិកម្មស្នើឲ្យប៉ូលិសដកចេញ សូម្បីតែមតិមហាជនក៏មិនយល់ស្របដូចគ្នា ដែលប៉ូលិសយកស្ទីកគឺបែបកំប្លែងទៅបិទមុខជនសង្ស័យបែបនេះ៕

អត្ថបទ៖ សាង ស្រីល័ក្ខ

ចុចអាន៖អ្នកមានឥទ្ធិពលជប៉ុនម្នាក់​ ធ្លាប់ថតផឹកស្រា ៩លីត្រ ពេលនេះសល់ពេល១ឆ្នាំទៀតដើម្បីរស់