ព័ត៌មានអន្ដរជាតិ
អ៊ីរ៉ង់ឲ្យសហរដ្ឋអាមេរិកដកទណ្ឌកម្មទាំងអស់ មុនពេលចរចា
រដ្ឋមន្ត្រីការបរទេសអ៊ីរ៉ង់លោក Mohammad Javad Zarif បានសង្កត់ធ្ងន់ថា សហរដ្ឋអាមេរិកគួរតែដកទណ្ឌកម្មទាំងអស់ប្រឆាំងនឹងទីក្រុងតេអេរ៉ង់ មុនពេលពិភាក្សាអំពីការវិលត្រឡប់ទៅរកកិច្ចព្រមព្រៀងនុយក្លេអ៊ែរអ៊ីរ៉ង់ ។

នៅក្នុងសារ Twitter មួយដែលត្រូវបានបង្ហោះកាលពីថ្ងៃសុក្រ លោក Zarif បានស្នើឲ្យសហរដ្ឋអាមេរិកដកទណ្ឌកម្មទាំងអស់ដោយគ្មានលក្ខខណ្ឌ និងដោយប្រសិទ្ធភាពរបស់អតីតប្រធានាធិបតី ដូណាល់ ត្រាំ ។
លោករដ្ឋមន្រ្តីបានអ៊ីរ៉ង់ឆ្លើយតបនឹងរដ្ឋមន្រ្តីការបរទេសអាមេរិកលោក Antony Blinken ដែលបានចង្អុលបង្ហាញថា រដ្ឋបាលរបស់លោកប្រធានាធិបតី Joe Biden បានត្រៀមខ្លួនរួចជាស្រេចដើម្បីពិភាក្សាអំពីការវិលត្រឡប់ទៅរកកិច្ចព្រមព្រៀងនុយក្លេអ៊ែរឆ្នាំ ២០១៥ ដែលរឹតត្បិតសកម្មភាពនុយក្លេអ៊ែររបស់អ៊ីរ៉ង់ ។

លោក Blinken បានធ្វើសេចក្តីថ្លែងការណ៍ទៅកាន់សមភាគីរបស់លោកមកពីចក្រភពអង់គ្លេស បារាំង និងអាល្លឺម៉ង់នៅក្នុងសន្និសីទ Video Conference កាលពីថ្ងៃព្រហស្បតិ៍ ។ ប្រទេសអ៊ឺរ៉ុបទាំង ៣ គឺជាភាគីនៃកិច្ចព្រមព្រៀងដែលសហរដ្ឋអាមេរិកដកខ្លួនចេញក្រោមការគ្រប់គ្រងរបស់ប្រធានាធិបតី ដូណាល់ ត្រាំ ។
ប្រទេសអ៊ីរ៉ង់កំពុងបង្កើនសកម្មភាពចម្រាញ់សារធាតុអ៊ុយរ៉ានីញ៉ូមដែលជាវិធានការណ៍នៃការដាក់ទណ្ឌកម្មនេះ ។ លោក Zarif បានសរសេរថា ប្រសិនបើសហរដ្ឋអាមេរិកដកទណ្ឌកម្មនោះ អ៊ីរ៉ង់នឹងបញ្ច្រាស់រាល់វិធានការដោះស្រាយជាបន្ទាន់ ។

ប្រទេសអ៊ីរ៉ង់អះអាងថា សហរដ្ឋអាមេរិកគួរតែផ្លាស់ប្តូរគោលនយោបាយរបស់ខ្លួនជាមុនពីព្រោះប្រទេសនេះបានដកកិច្ចព្រមព្រៀងជាឯកតោភាគីចេញពីកិច្ចព្រមព្រៀង និងការដាក់ទណ្ឌកម្មឡើងវិញ ។
ក្រុងតេអេរ៉ង់ក៏បានបញ្ជាក់ជាថ្មីដែរថា កិច្ចព្រមព្រៀងនេះត្រូវបានចុះហត្ថលេខាបន្ទាប់ពីការចរចាជាច្រើនឆ្នាំ ហើយបានបន្ថែមថា អ៊ីរ៉ង់នឹងមិនយល់ព្រមធ្វើកិច្ចចរចាដែលនឹងបន្ថែមធាតុនានាទៅក្នុងកិច្ចព្រមព្រៀងដូចជាការរឹតត្បិតការអភិវឌ្ឍមីស៊ីលផ្លោងជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អ៊ីរ៉ង់អាចផលិតគ្រាប់បែកនុយក្លេអ៊ែរក្នុងរយៈពេល ២ ឆ្នាំ
ចុចអាន ៖ អ៊ីរ៉ង់បង្ហាញទូកល្បឿនលឿនបាញ់មីស៊ីលថ្មី ៣៤០ គ្រឿង ដើម្បីបង្កើនឥទ្ធិពលនៅឈូងសមុទ្រពែក្ស

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី