ព័ត៌មានអន្ដរជាតិ

ស្ត្រី វៀតណាម ត្រូវប៉ូលិសចាប់ខ្លួន ពីបទឆបោកប្រាក់៣២ម៉ឺនដុល្លារ ជាថ្នូរនាំទៅរៀននៅអាមេរិក

បានផុស

១១ ខែ មុន

នៅ

ថ្ងៃអង្គារ ២៦ មីនា ២០២៤

ដោយ

យោងតាមការចុះផ្សាយពីកាសែតវៀតណាម vnexpress កាលថ្ងៃទី ២៥ ខែមីនា ដោយបញ្ចាក់ថា ស្ត្រីម្នាក់នៅទីក្រុងហូជីមិញ រងការចោទប្រកាន់ពីបទបោកបញ្ឆោតបុរសម្នាក់ចំនួន ៨ ពាន់លានដុង (៣២៣,០៨២ ដុល្លារ) បន្ទាប់ពីបានសន្យាថា នឹងជួយគាត់បានទៅសិក្សានៅបរទេស។

ស្រ្តីដែលជាជនឆបោកមានឈ្មោះថា Nguyen Phuong Thanh អាយុ ៣៦ឆ្នាំ ត្រូវបានប៉ូលិសទីក្រុងហូជីមិញ ចាប់ខ្លួនកាលពីថ្ងៃអាទិត្យ ពីបទទទួលបានទ្រព្យសម្បត្តិដោយការក្លែងបន្លំ ក្នុងពេលដែលមនុស្សជាច្រើននាក់ផ្សេងទៀត ក៏កំពុងត្រូវបានប៉ូលិសស៊ើបអង្កេតផងដែរ សម្រាប់ការជួយបុរសដែលជាជនរងគ្រោះឈ្មោះ Thanh ។

យ៉ាងណាក្ដី ដោយផ្អែកតាមការស៊ើបអង្កេតមួយបានបង្ហាញថា Thanh បានស្គាល់ជនសង្ស័យ Ngoc មកពីទីក្រុងហាណូយជាច្រើនឆ្នាំមុន។ នៅឆ្នាំ ២០១៧ Thanh បានទៅជួប Ngoc ក្រោយដឹងថា នាងមានទំនាក់ទំនងជាមួយស្ថានកុងស៊ុលសហរដ្ឋអាមេរិក ហើយថានាងអាចជួយគាត់ឲ្យទៅសិក្សានៅសហរដ្ឋអាមេរិក។

បន្ទាប់មក គ្រួសាររបស់លោក Ngoc បានធ្វើការផ្ទេរប្រាក់ចំនួនពីរជាប្រាក់ដុងវៀតណាម និងប្រាក់ដុល្លារអាមេរិកទៅកាន់ Thanh ដែលសរុបជាទឹកប្រាក់ប្រហែល ៣២៣,0០៨២ ដុល្លារ ដើម្បីរ៉ាប់រងការចំណាយទាំងអស់។ ទោះជាយ៉ាងណាក៏ដោយ បន្ទាប់ពីបានកន្លងផុតទៅអស់រយៈពេលជាយូរ ជនរងគ្រោះនៅតែមិនបានទទួលទិដ្ឋាការសម្រាប់ការសិក្សានៅបរទេសទើបសម្រេចទៅជួបជនសង្ស័យដើម្បីសួរថា តើមានអ្វីកើតឡើង។ ប៉ុន្តែនាងបានផ្តល់លេសផ្សេងៗដល់គាត់ មុនពេលកាត់ផ្តាច់ទំនាក់ទំនងលែងឲ្យទាក់ទងបានដល់សព្វថ្ងៃ។

យ៉ាងណាមិញ បន្ទាប់ពីធ្វើការស៊ើបអង្កេតយ៉ាងលម្អិត ប៉ូលិសបាននិយាយថា ជនសង្ស័យ Thanh មិនមានទំនាក់ទំនងជាមួយស្ថានកុងស៊ុលសហរដ្ឋអាមេរិកទេ ហើយមិនអាចធ្វើនីតិវិធីអនុញ្ញាតឲ្យនរណាម្នាក់ទៅសិក្សានៅបរទេសតាមការសន្យានោះទេ។

ទន្ទឹមនោះទៀតសោត ជនសង្ស័យបានប្រើលុយទាំងអស់ដែលគ្រួសារខាងរងគ្រោះផ្តល់ឲ្យនាងក្នុងគោលបំណងផ្ទាល់ខ្លួនតែប៉ុណ្ណោះ។ នៅពេលប៉ូលិសបានស្នើសុំការសហការពីនាង ស្រ្តីជាជនឆបោកប្រាក់រូបនេះបានបង្ហាញសញ្ញាព្យាយាមរត់ចេញ។ ក្រោយមកទើបប៉ូលិសចាប់នាងបាន និងនាំកាន់ប៉ុស៍ដើម្បីសាកសួរពីនាងបន្ថែមទៀតផងដែរ៕