ព័ត៌មានអន្ដរជាតិ
កូនប្រុសលោក Duterte ដើរតាមគន្លងឪពុកប្រកាសសង្គ្រាមបង្ក្រាបគ្រឿងញៀននៅ ហ្វីលីពីន
កូនប្រុសរបស់អតីតប្រធានាធិបតីហ្វីលីពីន Rodrigo Duterte កំពុងដើរតាមគន្លងឪពុកដោយបានប្រកូកប្រកាសធ្វើសង្គ្រាមប្រឆាំងនឹងគ្រឿងញៀននៅទីក្រុង Davao ភាគខាងត្បូងប្រទេសហ្វីលីពីន ។ នេះបើយោងតាមការចេញផ្សាយដោយទូរទស្សន៍ជប៉ុន NHK កាលពីថ្ងៃទី២៧ ខែមីនាកន្លងទៅ ។
លោក Sebastian Duterte បានចេញការព្រមានខ្លាំងៗក្នុងសុន្ទរកថាមួយកាលពីថ្ងៃសុក្រសប្ដាហ៍មុនថា យើងនៅទុកឱកាសឲ្យអ្នកជួញដូរគ្រឿងញៀនចាកចេញពីទីក្រុងភាគខាងត្បូងមួយនេះ ប៉ុន្តែបើនៅតែរឹងចចេសមិនព្រមដកខ្លួនចេញពីសង្វៀននេះទេនោះ ច្បាស់ណាស់ពួកគេប្រឈមមុខនឹងការបាត់បង់រូបកាយពីលើលោកនេះហើយ ។
ក្រោយការព្រមាននេះទៀតសោត អភិបាលក្រុង Davao វ័យ ៣៧ ឆ្នាំរូបនេះក៏បានចេញការពារពីវោហារសាស័ព្ទរបស់លោកផងដែរថា ពាក្យសម្ដីទាំងប៉ុន្មានពាក់ព័ន្ធនឹងសង្គ្រាមបង្ក្រាបគ្រឿងញៀននៅក្នុងទីក្រុងមួយនេះ គឺធ្វើឡើងដើម្បីផ្ដល់ផលប្រយោជន៍ ក៏ដូចជាការពារសហគមន៍ និងគ្រួសារហ្វីលីពីនឲ្យរស់នៅប្រកបដោយសុខសុវត្ថិភាព ។
ដោយឡែកយោងតាមសេចក្ដីរាយការណ៍ពីសារព័ត៌មានហ្វីលីពីន Rappler បានឲ្យដឹងដែរថា ចាប់តាំងពីលោក Sebastian ចេញការព្រមានអំពីសង្គ្រាមបង្ក្រាបគ្រឿងញៀននេះរួចមក យ៉ាងហោចណាស់មានមនុស្ស ៥ នាក់បានស្លាប់បាត់បង់ជីវិតនៅក្នុងឧប្បត្តិហេតុបង្ក្រាបគ្រឿងញៀនដាច់ដោយឡែកពីគ្នា ។
ទន្ទឹមនោះ ក្នុងរយៈពេល ១២ ខែដំបូងនៃការកាន់តំណែងជាអភិបាលក្រុង Davao របស់កូនប្រុសសំណព្វចិត្តលោក Duterte រូបនេះ មានមនុស្សយ៉ោងហាច់ណាស់ ៥៣ នាក់ត្រូវបានសម្លាប់រួចទៅហើយ ហើយចំនួននេះស្មើនឹង ១៥ ភាគរយនៃការសម្លាប់ទាក់ទិននឹងសង្គ្រាមគ្រឿងញៀនសរុបចំនួន ៣៤២ នាក់ ក្នុងអំឡុងអាណត្តិដំបូងរបស់លោកប្រធានាធិបតី Marcos Ferdinand Jr. ។
គួរបញ្ជាក់ថា ចំណែកក្នុងអំឡុងពេលអាណត្តិរបស់លោក Rodrigo Duterte ជាប្រធានាធិបតីពីឆ្នាំ ២០១៦ ដល់ឆ្នាំ ២០២២ វិញ “សង្គ្រាមលើគ្រឿងញៀន” គឺជាមុខព្រួញដ៏ស្រួចរបស់លោក ខណៈចាប់តាំងពីលោកឡើងក្ដោបក្ដាប់អំណាចមក ប្រជាជនហ្វីលីពីនយ៉ាងតិច ៦,០០០ នាក់ត្រូវបានសម្លាប់នៅក្នុងប្រតិបត្តិការរបស់ប៉ូលិសទាក់ទងនឹងយុទ្ធនាការនេះ ។ ទោះយ៉ាងណា តុលាការឧក្រិដ្ឋកម្មអន្តរជាតិក៏បាននិងកំពុងស៊ើបអង្កេតលើសង្រ្គាមប្រឆាំងគ្រឿងញៀនដ៏សាហាវយង់ឃ្នងរបស់លោក Duterte ផងដែរ ហើយកំពុងដាក់ចោទប្រកាន់ពីបទឧក្រិដ្ឋកម្មប្រឆាំងមនុស្សជាតិ ៕
ដោយ ៖ សុខ ជីវ័ន្ត
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ